„პროგრამა „მომავლის ბანაკის“ განხორციელების შესახებ“ საქართველოს მთავრობის 2014 წლის 23 აპრილის №728 განკარგულებაში ცვლილების შეტანის თაობაზე

საქართველოს მთავრობის

განკარგულება №1250

2014 წლის 16 ივლისი

ქ. თბილისი

„პროგრამა „მომავლის ბანაკის“ განხორციელების შესახებ“ საქართველოს მთავრობის 2014 წლის 23 აპრილის №728 განკარგულებაში ცვლილების შეტანის თაობაზე

 საქართველოს ზოგადი ადმინისტრაციული კოდექსის 63-ე მუხლის შესაბამისად, „პროგრამა „მომავლის ბანაკის“ განხორციელების შესახებ“ საქართველოს მთავრობის 2014 წლის 23 აპრილის №728 განკარგულებაში შეტანილ იქნეს შემდეგი ცვლილება:

1. მე-5 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) წარდგენილი/შერჩეული კანდიდატურების შესახებ შემდეგი ინფორმაციისა და დოკუმენტაციის მიწოდება საჯარო სამართლის იურიდიული პირისთვის – ბავშვთა და ახალგაზრდობის ეროვნული ცენტრისათვის (2014 წლის 20 მაისიდან 31 მაისის ჩათვლით, ხოლო ამ განკარგულების 6²პუნქტის შესაბამისად შერჩეული კანდიდატურების შესახებ ინფორმაციის მიწოდება, 2014 წლის 1 აგვისტომდე):

 ბ.ა) რეგიონის, ქალაქის, მუნიციპალიტეტის დასახელება;

ბ.ბ) საჯარო სკოლის დასახელება;

ბ.გ) მოსწავლის სახელი, გვარი, პირადი ნომერი, ასაკი, საცხოვრებელი მისამართი, საკონტაქტო ტელეფონი, 1 (ერთი) ფოტოსურათი;

ბ.დ) მოსწავლის მშობლის ან კანონიერი წარმომადგენლის სახელი, გვარი, საკონტაქტო ტელეფონი;

ბ.ე) საჯარო სკოლის დირექტორის სახელი, გვარი, საკონტაქტო ტელეფონი;

ბ.ვ) მოსწავლის მშობლის ან კანონიერი წარმომადგენლის წერილობითი თანხმობა.“.

2.მე-5 პუნქტის შემდეგ დაემატოს შემდეგი შინაარსის 5¹ პუნქტი:

„5¹. დიასპორის საკითხებში საქართველოს სახელმწიფო მინისტრის აპარატმა უზრუნველყოს:

ა) პროგრამა „მომავლის ბანაკის“ მონაწილეთა (უცხოეთში მცხოვრები 14-18 წლის ასაკის თანამემამულეების) კანდიდატურების წარდგენა;

ბ) წარდგენილი კანდიდატურების შესახებ შემდეგი ინფორმაციისა და დოკუმენტაციის მიწოდება საჯარო სამართლის იურიდიული პირისათვის – ბავშვთა და ახალგაზრდობის ეროვნული ცენტრისათვის (2014 წლის 1 აგვისტომდე):

ბ.ა) ადგილსამყოფელი სახელმწიფოს და ქალაქის დასახელება;

ბ.ბ) დიასპორული ორგანიზაციის დასახელება;

ბ.გ) უცხოეთში მცხოვრები თანამემამულე ბავშვის სახელი, გვარი, პირადი ნომერი, ასაკი, საცხოვრებელი მისამართი, საკონტაქტო ტელეფონი, 1 (ერთი) ფოტოსურათი;

ბ.დ) უცხოეთში მცხოვრები თანამემამულე ბავშვის მშობლის ან კანონიერი წარმომადგენლის სახელი, გვარი, საკონტაქტო ტელეფონი;

ბ.ე) დიასპორული ორგანიზაციის ხელმძღვანელის სახელი, გვარი, საკონტაქტო ტელეფონი;

ბ.ვ) უცხოეთში მცხოვრები თანამემამულე ბავშვის მშობლის ან კანონიერი წარმომადგენლის წერილობითი თანხმობა.“.

3. მე-6 პუნქტი ჩამოყალიბდეს შემდეგი რედაქციით:

„6. საჯარო სამართლის იურიდიულმა პირმა – ბავშვთა და ახალგაზრდობის ეროვნულმა ცენტრმა უზრუნველყოს:

ა) საქართველოს განათლებისა და მეცნიერების სამინისტროს მიერ წარდგენილი კანდიდატურებიდან 1628 ბენეფიციარის შერჩევა;

ბ) დიასპორის საკითხებში საქართველოს სახელმწიფო მინისტრის აპარატის მიერ წარდგენილი კანდიდატურებიდან 100 ბენეფიციარის შერჩევა.“.

4. მე-6 პუნქტის შემდეგ დაემატოს შემდეგი შინაარსის 6¹ და 6² პუნქტები:

„6¹. საჯარო სამართლის იურიდიული პირი – ბავშვთა და ახალგაზრდობის ეროვნული ცენტრიგანსაზღვრავსპროგრამა „მომავლის ბანაკის“ მონაწილეთა ნაკადების და თითოეულ ნაკადში ბენეფიციარების რაოდენობას, შესაბამისად, საქართველოს განათლებისა და მეცნიერების სამინისტროს და დიასპორის საკითხებში საქართველოს სახელმწიფო მინისტრის აპარატის წარდგინებით.

6². იმ შემთხვევაში, თუ ამ განკარგულების მე-6 პუნქტით განსაზღვრული „მომავლის ბანაკში“ მონაწილეობის მსურველთა რაოდენობა ვერ შეირჩა ამ განკარგულების მე-5 და 5¹ პუნქტებით განსაზღვრული კრიტერიუმების შესაბამისად, საქართველოს განათლებისა და მეცნიერების სამინისტრო, ობიექტური გარემოებების გათვალისწინებით, უფლებამოსილია, დარჩენილი რაოდენობის ფარგლებში, შეარჩიოს და საჯარო სამართლის იურიდიულ პირს – ბავშვთა და ახალგაზრდობის ეროვნულ ცენტრს წარუდგინოს პროგრამა „მომავლის ბანაკში“ მონაწილეობის მსურველი სხვა კანდიდატები.“.

 

პრემიერ-მინისტრი                                                      ირაკლი ღარიბაშვილი