1. თუ ამ ოქმის 32-ე მუხლში მოცემული შემოწმების პროცედურებთან დაკავშირებით წამოჭრილი დავები ვერ მოგვარდა შემოწმების მომთხოვნ საბაჟო უწყებასა და დადასტურებაზე პასუხისმგებელ საბაჟო უწყებას შორის, მაშინ ამგვარი დავები მოსაგვარებლად წარედგინება ვაჭრობის საკითხებზე ასოცირების კომიტეტს, როგორც ეს არის განსაზღვრული წინამდებარე შეთანხმების 408-ე მუხლის მე-4 პუნქტში. ამ შემთხვევაში არ გამოიყენება ამ შეთანხმების IV კარის (ვაჭრობა და ვაჭრობასთან დაკავშირებული საკითხები) მე-14 თავი (დავების მოგვარება).

2. თუ წარმოიქმნება დავები ამ ოქმის ინტეპრეტაციასთან დაკავშირებით, რომლებიც არ შეეხება ამ ოქმის 32-ე მუხლით განსაზღვრულ შემოწმების პროცედურებს, ამგვარი დავები განსახილველად წარედგინება საბაჟო ქვეკომიტეტს. IV კარის (ვაჭრობა და ვაჭრობასთან დაკავშირებული საკითხები) მე-14 თავის (დავების მოგვარება) შესაბამისად დავის მოგვარების პროცედურა შეიძლება ინიცირებულ იქნას მხოლოდ იმ შემთხვევაში, თუ საბაჟო ქვეკომიტეტმა ვერ მოახერხა დავის მოგვარება ექვსი თვის განმავლობაში საბაჟო ქვეკომიტეტში დავის წარდგენის დღიდან.

3. დავის ყველა შემთხვევა იმპორტიორსა და იმპორტიორი ქვეყნის საბაჟო უწყებას შორის განიხილება აღნიშნული ქვეყნის კანონმდებლობის თანახმა