1. მუხლი 12-ის მოთხოვნების შესაბამისად პირდაპირი გადაზიდვის შემთხვევაში, მიიჩნევა რომ:
(1) პროდუქცია წარმოშობილია სეუტასა და მელილიაში:
(a) სეუტასა და მელილიას ტერიტორიაზე მთლიანად წარმოშობილი პროდუქტი;
(b) სეუტასა და მელილიას ტერიტორიაზე მიღებული პროდუქტები რომელთა წარმოებაში გამოყენებულია პროდუქცია, რომელიც არ არის მოცემული ამ მუხლის „a“ ქვეპუნქტში, იმის გათვალისწინებით, რომ ეს პროდუქტები:
(i) არის საკმარისად დამუშავებული-გადამუშავებული მე-5 მუხლის შესაბამისად ან
(ii) წარმოშობილია ხელშემკვრელი მხარის ტერიტორიაზე, იმ პირობით, რომ დამუშავება-გადამუშავება აღემატება მე-6 მუხლით გათვალისწინებულ მოთხოვნებს.
(2) პროდუქცია წარმოშობილია საქართველოში:
(a) საქართველოს ტერიტორიაზე მთლიანად წარმოშობილი პროდუქცია;
(b) საქართველოს ტერიტორიაზე მიღებული პროდუქტები, რომლის წარმოებაში გამოყენებულია პროდუქცია, რომელიც არ არის მოცემული ამ მუხლის „a“ ქვეპუნქტში, იმის გათვალისწინებით, რომ ეს პროდუქტები:
(i) არის საკმარისად დამუშავებული-გადამუშავებული მე-5 მუხლის შესაბამისად ან
(ii) წარმოშობილია სეუტასა და მელილიას ან ევროკავშირის ტერიტორიაზე, იმ პირობით, რომ დამუშავება-გადამუშავება აღემატება მე-6 მუხლით გათვალისწინებულ მოთხოვნებს.
2. სეუტა და მელილია მიჩნეული იქნება ერთიან ტერიტორიად.
3. ექსპორტიორმა ან მისმა უფლებამოსილმა წარმომადგენელმა უნდა შეიტანოს "Georgia" და "Ceuta and Melilla" EUR.1 გადაადგილების სერტიფიკატის მე-2 გრაფაში ან წარმოშობის დეკლარაციაში. დამატებით, სეუტასა და მელილიას ტერიტორიაზე წარმოშობილი პროდუქციის შემთხვევაში, მითითება მოხდება გადაადგილების სერტიფიკატის მე-4 გრაფაში ან წარმოშობის დეკლარაციაში.
4. წინამდებარე ოქმის გამოყენებას სეუტასა და მელილიას ტერიტორიაზე უზრუნველყოფს ესპანეთის საბაჟო უწყებები.
დასკვნითი დებულებე