ა(ა)იპ „სპორტულ კლუბ 35-ე საფეხბურთო კლუბისათვის“ (ს/კ 205245153) სახელმწიფო საკუთრებაში არსებული უძრავი ქონების სასყიდლით, აუქციონის გარეშე, 10 წლის ვადით, იჯარის ფორმით გადაცემაზე საჯარო სამართლის იურიდიული პირისათვის – ქალაქ თბილისის №35 საჯარო სკოლისათვის თანხმობის მიცემის თაობაზე

საქართველოს მთავრობის

განკარგულება №21

2015 წლის 15 იანვარი

ქ. თბილისი

ა(ა)იპ „სპორტულ კლუბ 35-ე საფეხბურთო კლუბისათვის“ (ს/კ 205245153) სახელმწიფო საკუთრებაში არსებული უძრავი ქონების სასყიდლით, აუქციონის გარეშე, 10 წლის ვადით, იჯარის ფორმით გადაცემაზე საჯარო სამართლის იურიდიული პირისათვის – ქალაქ თბილისის №35 საჯარო სკოლისათვის თანხმობის მიცემის თაობაზე

    1. „სახელმწიფო ქონების შესახებ“ საქართველოს კანონის 36-ე მუხლის მე-2 პუნქტის შესაბამისად, მიეცეს თანხმობა საჯარო სამართლის იურიდიულ პირს − ქალაქ თბილისის №35 საჯარო სკოლას, მის სარგებლობაში არსებული, ქ. თბილისში, ქავთარაძის ქუჩა №16-ში მდებარე (მიწის (უძრავი ქონების) საკადასტრო კოდი - 01.14.04.022.006) სახელმწიფო საკუთრებაში არსებული უძრავი ქონების გარკვეული ფართი, კერძოდ: ბუნებრივსაფარიანი სტადიონი - 678 კვ.მ, ხელოვნურსაფარიანი 3 სტადიონი: 4276 კვ.მ, 870 კვ.მ და 890 კვ.მ, შენობა-ნაგებობის პირველ სართულზე 2 ოთახი (46.8 კვ.მ და 63.6 კვ.მ), 110.4 კვ.მ და მე-4 სართულზე 9 ოთახი, 475.21 კვ.მ. აუქციონის გარეშე, 10 წლის ვადით, იჯარის ფორმით, არანაკლებ 300 000 (სამასი ათასი) აშშ დოლარის საინვესტიციო თანხით და ყოველთვიურად საიჯარო ქირით – 2 200 (ორი ათას ორასი) ლარით გადასცეს ა(ა)იპ „სპორტულ კლუბ 35-ე საფეხბურთო კლუბს“ (ს/კ 205245153).

2. ამ განკარგულების პირველი პუნქტით განსაზღვრული, სახელმწიფო საკუთრებაში არსებული უძრავი ქონების (შემდგომში - უძრავი ქონება) სასყიდლით, აუქციონის გარეშე, 10 წლის ვადით, იჯარის ფორმით გადაცემის პირობებად განისაზღვროს:

ა) ამ განკარგულების პირველი პუნქტით გათვალისწინებული თანხის ინვესტირება სასყიდლით, აუქციონის გარეშე, 10 წლის ვადით, იჯარის ფორმით გადაცემული უძრავი ქონების სარეაბილიტაციო სამუშაოებში, იმ პირობით, რომ საინვესტიციო თანხის გახარჯვა უძრავი ქონების სარეაბილიტაციო სამუშაოებში მოხდება იჯარის ფორმითб უძრავი ქონების გადაცემიდან არა უგვიანეს 12 თვისა, აღნიშნული სარეაბილიტაციო სამუშაოები ხელს არ შეუშლის საგანმანათლებლო პროცესის წარმართვას და საჯარო სკოლის ინტერესებიდან გამომდინარე, საჯარო სკოლას ექნება საშუალება, საჭიროებისამებრ გამოიყენოს სტადიონები და იჯარის ვადის გასვლის შემდეგ საჯარო სკოლას უძრავი ქონება გადაეცემა ექსპლუატაციისათვის ვარგის მდგომარეობაში;

ბ) ამ განკარგულების პირველი პუნქტით გათვალისწინებული საიჯარო ქირის გადახდა.

 

პრემიერ-მინისტრი                                       ირაკლი ღარიბაშვილი