1. ძირითადი ბიომრავალფეროვნების ღირებულებების მდგომარეობა: კინტრიშის დაცული ტერიტორიების ძირითადი ბიომრავალფეროვნების ღირებულებები განისაზღვრა ზემოთ მოცემული მე-13 მუხლის (ე) პუნქტში. მდგომარეობის ატრიბუტები (მახასიათებლები) განისაზღვრა თითოეული ძირითადი ბიომრავალფეროვნების ღირებულებისთვის და მაქსიმალურად შეგროვდა ინფორმაცია არსებული სიტუაციის შესახებ (ცხრილი 7). თუმცა, კინტრიშის დაცული ტერიტორიების ადმინისტრაცია არ ფლობს სრულყოფილ ინფორმაციას დაცული ტერიტორიების ზოგიერთი ძირითადი ღირებულებების მდგომარეობის შესახებ. საჭიროა დამატებითი კვლევების ჩატარება და შესაბამისი ინფორმაციის შეგროვება მენეჯმენტის გეგმის განხორციელების პირველი ციკლის განმავლობაში. აღნიშნული საჭიროებები ასახულია წინამდებარე მენეჯმენტის გეგმის პროგრამებში − 44-46 მუხლებში.
ცხრილი 7. კინტრიშის დაცული ტერიტორიების ძირითადი ბიომრავალფეროვნების ღირებულებები და შესაბამისი ატრიბუტების არსებული მდგომარეობა
ძირითადი ბიომრავალფეროვნების ღირებულება
მდგომარეობის ატრიბუტი
არსებული მდგომარეობა
შერეული კოლხური ტყეები
ტყის ფართობი (ჰა)
1994 წლის მონაცემების მიხედვით, მთლიანი ტყის ფართობი შეადგენს 13,350 ჰა-ს. განახლებული მონაცემები არ მოიპოვება.
სტანდარტული კორომის მახასიათებლები
არ არსებობს განახლებული ტყის ინვენტარიზაციის მონაცემები
ძირითადი სახეობების არსებობა:
აღმოსავლური წიფელი (Fagus orientalis Lipsky) წაბლი (Castanea sativa Mill). ქვეტყე წარმოდგენილი მარადმწვანე მცენარეებით, მათ შორის: კოლხური ბზა (Buxus colchica Pojark.), წყავი (Laurocerasus officinalis M.Roem.), ბაძგი (Ilex colchica Pojark.) და ა.შ
ინფორმაცია მათი დაფარულობის/სიხშირის შესახებ არ მოიპოვება
ფიტო და ენტო მავნებლების და დაავადებების არსებობა
წაბლის მენაღმე ჩრჩილი (Cameraria ohridella Deschka & Dimic.), წაბლის კიბო (Cryphonectria Parasitica), მუხის ერთფეროვანი ჩრჩილი (Tischeria complanella Hb.), ამერიკული თეთრი პეპელა (Hyphantria cunea Drury). ბზის აგრესიული მავნებელი მატლის − ბზის ალურა (Cydalima perspeqtalis Walke.) . მავნებელი სოკო: ბზის სიდამწვრე (Cylindrocladium buxicola)
შერეული ფოთლოვანი ტყეები ერთეული წიწვოვანი სახეობებით
ტყის ფართობი (ჰა)
განახლებული მონაცემები არ მოიპოვება.
სტანდარტული კორომის მახასიათებლები
არ არსებობს განახლებული ტყის ინვენტარიზაციის მონაცემები
ძირითადი სახეობების არსებობა:
წიფელი (Fagus orientalis Lipsky) კავკასიური სოჭით (Abies nordmanniana (Stev.) Spach), და აღმოსავლური ნაძვით (Picea orientalis (L.) Peterm.).
ინფორმაცია მათი დაფარულობის/სიხშირის შესახებ არ მოიპოვება
მავნებლების არსებობა
წიწვოვნებზე საშიში მავნებლები არ არის გამოვლენილი.
სუბალპური ტყეები და მდელოები:
ფართობი (ჰა)
განახლებული მონაცემები არ მოიპოვება.
სტანდარტული კორომის მახასიათებლები/მდელოების უცვლელობა საძოვრების დეგრადაციის ინდექსზე დაყრდნობით
არ არსებობს რაოდენობრივი მონაცემები
ძირითადი სახეობების არსებობა
მედვედევის არყი (Betula medwedewii Regel), პონტის მუხა (Quercus pontica C.Koch), უნგერნის შქერი (Rhododendron ungernii Trautv) ჭყორი (Ilex colchica Pojark.), წყავი (Laurocerasus officinalis M.Roem), კლდის მოცხარი (Ribes biebersteinii Berland).
ინფორმაცია მათი დაფარულობის/სიხშირის შესახებ არ მოიპოვება.
მავნებლების არარსებობა
ინფორმაცია მავნებლების შესახებ არ მოიპოვება
ენდემური და საფრთხის ქვეშ მყოფი ფლორის სახეობები
გავრცელების არეალი
მათ შორის, კოლხური ბზა (Buxus colchica Pojark), ჭყორი (Ilex colchica Pojark.), ა.შ.
დაცული ტერიტორიების ფარგლებში ბზის კორომები რამოდენიმე ჰექტარზეა გავრცელებული, მათი უმეტესობა მკაცრი დაცვის ზონაში ექცევა. კინტრიშის ხეობაში გავრცელებული ბზის დაავადებამ (ბზის სიდამწვრემ და ბზის ალურამ) გამოიწვია ბზის მასობრივი განადგურება.
მდინარეები და ნაკადულები
რიცხოვნობა
მდინარის კალმახის (Salmo trutta fario)
შავი ზღვის ორაგული (Salmo labrax)
არსებული მდგომარეობის შესახებ არ არსებობს სანდო ინფორმაცია.
არსებული ინფორმაციის მიხედვით შავი ზღვის ორაგული ადიოდა კინტრიშის დაცულ ტერიტორიაზე. თუმცა ბოლო პერიოდში იგი არ აღრიცხულა მდ. კინტრიშში კინტრიშის დაცული ტერიტორიების საზღვრებში.
საფრთხის ქვეშ მყოფი ჩლიქოსნები
რიცხოვნობა
არჩვი (Rupicapra rupicapra);
არსებული მდგომარეობის შესახებ არ არსებობს სანდო ინფორმაცია.
საფრთხის ქვეშ მყოფი ტყის მტაცებლები
რიცხოვნობა
მურა დათვი (Ursus arctos);
ფოცხვერი (Lynx lynx).
არსებული მდგომარეობის შესახებ არ არსებობს სანდო ინფორმაცია.
ენდემური და საფრთხის ქვეშ მყოფი ფრინველები
მობუდარი წყვილების რაოდენობა
კავკასიური როჭო (Lyrurus mlokosiewiczi);
არსებული მდგომარეობის შესახებ არ არსებობს სანდო ინფორმაცია.
ენდემური და საფრთხის ქვეშ მყოფი ჰერპეტოფაუნა
წამყვანი სახეობების რიცხოვნობა და შეხვედრიანობა
მცირეაზიური ტრიტონი (Triturus vittatus (Ommatotriton ophryticus)
კავკასიური სალამანდრა (Mertensiella caucasica)
არსებული მდგომარეობის შესახებ არ არსებობს სანდო ინფორმაცია.
ენდემური უხერხემლოები
ენდემური და საფრთხის ქვეშ მყოფი სახეობების გავრცელების არეალის რაოდენობა ან სიხშირე.
არ არსებობს ინფორმაცია არსებული მდგომარეობის შესახებ. საჭიროა საბაზისო კვლევა.
კინტრიშის მდინარე/შენაკადები/ტბები
რიცხოვნობა:
მდინარის კალმახის (Salmo trutta fario)
არსებული მდგომარეობის შესახებ არ არსებობს სანდო ინფორმაცია.
არსებული ინფორმაციის მიხედვით შავი ზღვის ორაგული ადიოდა კინტრიშის დაცულ ტერიტორიაზე. თუმცა ბოლო პერიოდში იგი არ აღრიცხულა მდ. კინტრიშში კინტრიშის დაცული ტერიტორიების საზღვრებში.
2. სხვა ღირებულებების მდგომარეობა: როგორც ზემოთ, მე-2 თავში აღინიშნა, კინტრიშის დაცული ტერიტორიების სხვა ღირებულებები ერთი მხრივ, მოიცავენ უნიკალურ გეოლოგიურ ფასეულობებს, ისტორიულ მემკვიდრეობასთან დაკავშირებულ ღირებულებებს და მეორე მხრივ, ღირებულებებს, რომლებიც უშუალოდ ეკოსისტემის სერვისებზეა დამოკიდებული (ბუნებრივ რესურსებთან დაკავშირებული, სამეცნიერო და საგანმანათლებლო, ტურისტული და საერთო სოციალურ-ეკონომიკური ღირებულებები).
3. გეოლოგიუირ ღირებულებების მდგომარეობა დამაკმაყოფილებელია. გეოლოგიური ღირებულებებიდან აღსანიშნავია სარბიელას ქვაბული, ქვაკაცის 10 მ-იანი შთენილი ლოდები, ჩანჩქერები, და ა.შ. გეოლოგიური ღირებულებები დეტალურადაა შესასწავლი. კულტურული ღირებულებების მდგომარეობა (მათ შორის, თაღოვანი ხიდები, ეკლესიის ნანგრევები და ა.შ.) ასევე უნდა იქნას შესწავლილ