1. საინსპექციო კონტროლის უარყოფითი შედეგის დროს სერტიფიკაციის ორგანოს შეუძლია დროებით შეაჩეროს ან შეწყვიტოს სერტიფიკატის მოქმედება ან გააუქმოს შეთანხმება სერტიფიკაციაზე, თუ გამოვლენილი იქნება პროდუქციის შეუსაბამობა (სერტიფიკაციის დროს კონტროლირებად) ნორმატიული დოკუმენტების მოთხოვნებთან, დამამზადებლის მიერ პროდუქციის ხარისხის და უსაფრთხოების შესახებ საზოგადოებრივი და სახელმწიფო მაკონტროლებელი ორგანოს მიერ ჩატარებული შემოწმების შედეგების დაფარვის დროს, აგრეთვე:
ა) პროდუქციაზე ნორმატიული დოკუმენტების ან გამოცდების მეთოდის (მეთოდების) შეცვლისას;
ბ) პროდუქციის კონსტრუქციის (შემადგენლობის), კომპლექტურობის შეცვლისას;
გ) წარმოების ორგანიზაციისა და (ან) ტექნოლოგიის შეცვლისას.
2. თუ ჩამოთვლილ ცვლილებებს შეუძლიათ გამოიწვიონ სერტიფიკაციის დროს კონტროლირებად მოთხოვნებთან შესაბამისობა, აგრეთვე საინსპექციო კონტროლზე გაწეული დანახარჯების ანაზღაურებაზე დამამზადებლის მიერ უარის თქმა, მიიღება გადაწყვეტილება სერტიფიკატის მოქმედების ვადის შეჩერებაზე.
3. გადაწყვეტილება სერტიფიკატის მოქმედების შეჩერების შესახებ მიიღება აგრეთვე იმ შემთხვევაში, თუ სერტიფიკაციის გამცემ ორგანოსთან შეთანხმებული მაკორექტირებელი ღონისძიებებით დამამზადებელს შეუძლია აღმოფხვრას შეუსაბამობის გამომწვევი მიზეზები.
4. დასაბუთებულ გადაწყვეტილებას სერტიფიკატის მოქმედების შეჩერების ან გაუქმების შესახებ სერტიფიკაციის ორგანო წერილით ატყობინებს განმცხადებელს, სისტემის ცენტრალურ ორგანოს და სხვა დაინტერესებულ ორგანიზაციებსა და პირებს.
5. სერტიფიკატის მოქმედება წყდება სერტიფიკაციის სისტემის რეესტრიდან მისი ამოღების მომენტიდან