1. სერტიფიკაციის ორგანო ერთი თვის განმავლობაში განიხილავს განაცხადს, აწარმოებს განაცხადზე თანდართულ დოკუმენტების ანალიზს და ღებულობს გადაწყვეტილებას.
2. ანალიზის დროს მოწმდება:
ა) განაცხადის შევსების სისწორე;
ბ) წარმოდგენილი დოკუმენტების საკმარისობა;
გ) დოკუმენტების შეთანხმებისა და დამტკიცების, მათი რეგისტრაციის სისწორე.
3. თუ განაცხადი არასწორადაა შევსებული ან თანდართული დოკუმენტაცია არასრულია, განაცხადი უბრუნდება განმცხადებელს წერილობითი დასაბუთების თანხლებით.
4. გადაწყვეტილება უნდა შეიცავდეს პროდუქციის სერტიფიკაციის ყველა ძირითად პირობას, მათ შორის:
ა) სერტიფიკაციის სქემას;
ბ) მითითებას პროდუქციის ნიმუშის აღებაზე;
გ) ნორმატიული დოკუმენტების ნუსხას, რომელთა მოთხოვნათა შესაბამისობაზე ტარდება სერტიფიკაცია;
დ) აკრედიტებულ საგამოცდო ლაბორატორიას;
ე) სერტიფიკაციის სამუშაოთა ანაზღაურების პირობებებს.
5) სისტემაში გამოყენებული პროდუქციის სერტიფიკაციის სქემები და მათი აღწერა მოცემულია ამ წესების დანართ 2-ში, ხოლო გადაწყვეტილების ფორმა დანართ 3-ში