ა) წლების მიხედვით დაწვრილებითი პროფესიული მარშრუტი (რომელ წარმოებაში, რა პროფესიით, რამდენი წელი);
ბ) რომელ საწარმოო ფაქტორებთან ჰქონდა პროფესიული კონტაქტი წარსულში და აქვს ამჟამად (შრომის პირობების დეტალური დახასიათება);
გ) დაავადების დინამიკა (წინ უსწრებდა თუ არა ქრონიკულ ბრონქიტს მწვავე რესპირაციული დაავადებები, პნევმონია, ფილტვების ტუბერკულიოზი და ა. შ.);
დ) პარაკლინიკური გამოკვლევბის შედეგები (გულმკერდის რენტგენოსკოპია და რენტგენოგრაფია, გარეგანი სუნთქვის ფუნქციის შესწავლა, სისხლის და ნახველის საერთო ანალიზი).
მანგანოკონიოზის დიაგნოზი ეყრდნობა გულმკერდის რენტგენოგრაფიის მონაცემებს (ფილტვის ქსოვილის ინტერსტიციული ფიბროზი), ტარდება აგრეთვე ფილტვის ვენტილაციური ფუნქციის შესწავლა და სისხლის საერთო ანალიზი.
2. პროფესიული მანგანუმისმიერი ბრონქული ასთმის დიაგნოსტიკის მიზნით აუცილებელია დაზუსტდეს:
ა) ექსპოზიციური და ელიმინაციური ტესტების შედეგები (ასთმური შეტევების დაწყება მუშაობის პერიოდში და მათი გაქრობა მანგანუმთან კონტაქტის დროებით შეწყვეტისას);
ბ) დაავადების დაწყების და მისი შემდგომი განვითარების (თანდათანობითი, უეცარი, მწვავე რესპირაციული დაავადებების ფონზე გადატანის შედეგად) სურათი;
გ) იმუნურ-ალერგოლოგიური გამოკვლევების შედეგები (სპეციფიკური პასიური ჰემაგლუტინაციის რეაქციის, ბაზოფილების სპეციფიკური დაზიანების რეაქციის, ნეიტროფილების ალტერაციის ტესტის განსაზღვრა);
დ) კანის ალერგიული ტესტები ინფექციური და საყოფაცხოვრებო ალერგენებით დაავადების არაპროფესიული ეტიოლოგიის გამორიცხვის მიზნით;
ე) პნევმოტაქომეტრია ვოტჩალის მიხედვით;
ვ) პროვოკაციული ინჰალაციური სინჯი მანგანუმის ქლორიდის 10-20%-იანი ხსნარით;
ზ) პერიფერიული სისხლის გამოკვლევა;
თ) ნახველის გამოკვლევა ეოზინოფილებზე, კურშმანის სპირალებსა და შარკო-ლეიდენის კრისტალებზე.
თავი IV. მანგანუმით ქრონიკული პროფესიული ინტოქსიკაციის
(მანგანიზმის) მკურნალობ