1. კენჭისყრა ყველა განხილულ საკითხზე, გარდა კანონით პირდაპირ გათვალისწინებული შემთხვევისა, არის ღია და იგი ეწყობა კონკრეტული საკითხის განხილვის დამთავრებისთანავე.
2. მთავრობის სხდომაზე განხილული საკითხის კენჭისყრაში მონაწილეობას ღებულობს მთავრობის მხოლოდ ის წევრი, რომელიც მონაწილეობდა (ესწრებოდა) მთავრობის სხდომაზე ამ საკითხის განხილვაში.
3. სამართლებრივი აქტის პროექტის მთავრობის სხდომაზე განხილვის შემდეგ მთავრობა:
ა) სამართლებრივი აქტის პროექტს იღებს შენიშვნების გარეშე;
ბ) სამართლებრივი აქტის პროექტს იღებს მთავრობის სხდომაზე გამოთქმული შენიშვნების გათვალისწინებით;
გ) სამართლებრივი აქტის პროექტს დამატებით შესასწავლად და მოსამზადებლად უბრუნებს ინიციატორს;
დ) სამართლებრივი აქტის პროექტს უარყოფს და უკან უბრუნებს ინიციატორ