ტექნიკური რეგლამენტი – სინათლის წყაროს ენერგოეტიკეტირების წესი

მუხლი 1. მოქმედების სფერო და მიზანი

1. ტექნიკური რეგლამენტი „სინათლის წყაროს ენერგოეტიკეტირების წესი“ (შემდგომში – „ტექნიკური რეგლამენტი“) ადგენს ეტიკეტირებისა და პროდუქტის შესახებ დამატებითი ინფორმაციის წარმოდგენის მოთხოვნებს სინათლის წყაროებისთვის, როგორც ინტეგრირებული საკონტროლო მექანიზმით, ისე მის გარეშე, ასევე სინათლის წყაროებზე, რომლებიც ბაზარზე განთავსებულია შემცველ პროდუქტთან ერთად.

2. ტექნიკური რეგლამენტი არ ვრცელდება ამ მუხლის მე-3 და მე-4 პუნქტებით გათვალისწინებულ სინათლის წყაროებზე.

3. ტექნიკური რეგლამენტი არ ვრცელდება სინათლის წყაროებზე, რომლებიც სპეციალურად შემოწმებული და დამტკიცებულია ქვემოთ ჩამოთვლილ მოწყობილობებში გამოსაყენებლად:

ა) რადიოლოგიური და ბირთვული მედიცინის დანადგარები;

ბ) გადაუდებელი გამოყენების მოწყობილობები;

გ) სამხედრო ან სამოქალაქო თავდაცვის დაწესებულებები, აღჭურვილობა, სახმელეთო სატრანსპორტო საშუალებები, საზღვაო აღჭურვილობა და თვითმფრინავები;

დ) საავტომობილო სატრანსპორტო საშუალებები, მათ მისაბმელები და სისტემები, ურთიერთჩანაცვლებადი ბუქსირებადი აღჭურვილობა, კომპონენტები და ცალკეული ტექნიკური ერთეულები;

ე) არასაგზაო მობილური მანქანები და მათი მისაბმელები;

ვ) ურთიერთჩანაცვლებადი მოწყობილობები, რომლებიც გამოიყენება ბუქსირებისთვის ან ასაწევად, სრულად აწეულია მიწიდან ან არ ერთდება ვერტიკალური ღერძის ირგვლივ, როდესაც სატრანსპორტო საშუალება, რომელზედაც ის არის მიმაგრებული, გამოიყენება გზაზე;

ზ) სამოქალაქო ავიაციის საჰაერო ხომალდები;

თ) სარკინიგზო სატრანსპორტო საშუალებების განათება;

ი) საზღვაო აღჭურვილობა;

კ) სამედიცინო მოწყობილობები და შიდა დიაგნოსტიკური სამედიცინო მოწყობილობები;

ამ პუნქტის მიზნებისათვის, „სპეციალურად შემოწმებული და დამტკიცებული“ ნიშნავს, რომ სინათლის წყარო:

– იქნა სპეციალურად შემოწმებული ხსენებული საოპერაციო მოხმარების ან გამოყენებისთვის საქართველოს კანონმდებლობის, ან შესაბამისი ევროპული ან საერთაშორისო სტანდარტების ან, მათი არარსებობის შემთხვევაში, ხელშემკვრელი მხარეების შესაბამისი კანონმდებლობის მიხედვით;

– თან ერთვის ტექნიკურ დოკუმენტაციას მტკიცებულების სახით, იქნება ეს სერტიფიკატი, დამადასტურებელი ნიშანი, ტესტის რეპორტი იმის შესახებ, რომ პროდუქტი სპეციალურად დამტკიცებულია აღნიშნული საოპერაციო მოხმარების ან გამოყენებისთვის; და

-განთავსდება ბაზარზე სპეციალურად აღნიშნული საოპერაციო მოხმარებისთვის ან გამოყენებისთვის, რაც დასტურდება მინიმუმ ტექნიკური დოკუმენტაციით და შეფუთვაზე და ნებისმიერ სარეკლამო ან მარკეტინგულ მასალაზე დატანილი ინფორმაციით.

4. ტექნიკური რეგლამენტი არ ვრცელდება შემდეგ მოწყობილობებზე:

ა) ელექტრონულ ეკრანებზე, მათ შორის, ტელევიზორებზე, კომპიუტერის მონიტორებზე, ნოუთბუქებზე, ტაბლეტებზე, მობილურ ტელეფონებზე, ელექტრონულ წამკითხველებზე, სათამაშო კონსოლებზე);

ბ) სამზარეულოს გამწოვის სინათლის წყაროებზე, რომლებიც მოცემულია ტექნიკურ რეგლამენტში - საყოფაცხოვრებო მოხმარების სამზარეულო ღუმლისა და გამწოვის ენერგოეტიკეტირების წესის დამტკიცების თაობაზე“;

გ) ელემენტით მომუშავე პროდუქტების სინათლის წყაროებზე, მათ შორის, ჩირაღდნებზე, მობილურ ტელეფონებზე ინტეგრირებული განათებით, სათამაშოებზე, რომლებსაც გააჩნია სინათლის წყარო, ელემენტზე მომუშავე სამაგიდო ნათურებზე, ველოსიპედისტების სამკლაურის ნათურებზე, მზის ენერგიაზე მომუშავე ბაღის ნათურებზე;

დ) ველოსიპედებზე და სხვა არაძრავიან სატრანსპორტო საშუალებებზე არსებულ სინათლის წყაროებზე;

ე) სპექტროსკოპიისა და ფოტომეტრული აპლიკაციებისთვის განკუთვნილ სინათლის წყაროებზე, მათ შორის, UV-VIS სპექტროსკოპია, მოლეკულური სპექტროსკოპია, ატომური შთანთქმის სპექტროსკოპია, არადისპერსიული ინფრაწითელი (NDIR), ფურიერის ტრანსფორმაციის ინფრაწითელი (FTIR), სამედიცინო ანალიზი, ელიფსომეტრია, ფენის სისქის გაზომვა, პროცესის მონიტორინგი ან გარემოს მონიტორინგი.

5. ამ ტექნიკური რეგლამენტის მოთხოვნები, გარდა დანართი III-ის მე-6 პუნქტით გათვალისწინებული მოთხოვნებისა, არ ვრცელდება სინათლის წყაროებზე, რომლებიც განკუთვნილია ქვემოთ ჩამოთვლილი გამოყენებისთვის:

ა) სასიგნალო, მათ შორის, საგზაო, სარკინიგზო, საზღვაო ან საჰაერო მიმოსვლის სიგნალი, ტრანსპორტის მოძრაობის კონტროლი ან აეროდრომის ნათურები;

ბ) გამოსახულების გადაღება და გამოსახულების პროექცია, მათ შორის, ფოტოკოპირება, ბეჭდვა, ლითოგრაფია, ფილმი და ვიდეოპროექცია, ჰოლოგრაფია;

გ) სინათლის წყაროები, რომელთა გამოყენება საჭიროებს ულტრაიისფერი სხივების მაღალ შემცველობას და მათი ეფექტური ულტრაიისფერი სიმძლავრე მეტია 2 მვტ/კმ-ზე;

დ) სინათლის წყაროები, რომლებიც განკუთვნილია ბაქტერიციდული გამოყენებისთვის, როგორიცაა დნმ-ის განადგურება და პიკური რადიაციული გამოსხივება შეადგენს 253,7 ნმ-ს;

ე) სინათლის წყაროები, რომლებიც განკუთვნილია დეზინფექციისთვის ან ბუზის დასაჭერად და 250-315 ნმ დიაპაზონის მთლიანი რადიაციული სიმძლავრის 5%-ს ან მეტს ასხივებენ 250-800 ნმ დიაპაზონში და/ან 315-400 ნმ დიაპაზონის მთლიანი რადიაციული სიმძლავრის 20%-ს ან მეტს ასხივებენ 250-800 ნმ დიაპაზონში;

ვ) სინათლის წყაროები, რომლებიც გამოიყენება ოზონის წარმოქმნისთვის და მათი დანიშნულებაა 185,1 ნმ რადიაციის გამოსხივება;

ზ) სინათლის წყაროები, რომლებიც განკუთვნილია მარჯნის ზოოქსანტელასთან სიმბიოზებისთვის და 250-800 ნმ დიაპაზონის მთლიანი რადიაციული სიმძლავრის 40%-ს ან მეტს ასხივებენ 400-480 ნმ დიაპაზონში;

თ) ფლუორესცენციული სინათლის წყაროები, რომლებიც განკუთვნილია გასარუჯად და 250-800 ნმ დიაპაზონის მთლიანი გამოსხივების სიმძლავრის 80%-ს ან მეტს ასხივებენ 250-400 ნმ დიაპაზონში;

ი) მაღალი ინტენსივობის განმუხტვის სინათლის წყაროები, რომლებიც განკუთვნილია გასარუჯად და 250-800 ნმ დიაპაზონის მთლიანი რადიაციული სიმძლავრის 40%-ს ან მეტს ასხივებენ 250-400 ნმ დიაპაზონში;

კ) სინათლის წყაროები, რომლებიც გამოიყენება მებოსტნეობაში და ფოტოსინთეზური ეფექტურობა 1,2 μmol/J-ზე მეტია და/ან რომლებიც 250-800 ნმ დიაპაზონის მთლიანი გამოსხივების სიმძლავრის 25% ან მეტს ასხივებენ 700-800 ნმ დიაპაზონში;

ლ) LED ან OLED სინათლის წყაროები, რომლებიც შეესაბამება „ხელოვნების ორიგინალური ნაწარმოების“ განმარტებას, როგორც ეს განსაზღვრულია ამ რეგლამენტის მეორე მუხლის მეორე პუნქტის ჰ²³ ქვეპუნქტის მიხედვით და რომელიც დამზადებულია თავად ხელოვანის მიერ შეზღუდული რაოდენობით 10 ერთეულამდე;

მ) გავარვარებული სინათლის წყაროები მჭრელი პირის კონტაქტით, ლითონის სამაგრით, კაბელით, დაჭიმული მავთულით, მეტრიკული ძაფით, ქინძისთავის ბაზით ან არასტანდარტული მორგებული ელექტრული ინტერფეისით, კვარცის მინის მილებისგან დამზადებული შეფუთვით, რომელიც სპეციალურად შექმნილია და ბაზარზე განთავსებულია ექსკლუზიურად სამრეწველო ან პროფესიონალური ელექტროგამათბობელი მოწყობილობისთვის, მათ შორის, გაჭიმვის ფორმირების პროცესი PET-ინდუსტრიაში, 3D ბეჭდვა, ფოტოელექტრული და ელექტრონული წარმოების პროცესები, წებოვანი ნივთიერებების, მელნის, საღებავების ან საფარის გაშრობა ან გამკვრივება.

მუხლი 2. ტერმინთა განმარტებები

1. ტექნიკური რეგლამენტის მიზნებისთვის გამოიყენება ამ მუხლში მოცემული შემდეგი ტერმინები:

ა) “სინათლის წყარო“ - ელექტროენერგიით მომუშავე პროდუქტი, რომელიც განკუთვნილია სინათლის გამოსხივებისთვის, ან არაგავარვარებული სინათლის წყაროს შემთხვევაში, განკუთვნილია გამოსხივებისთვის, განათებისთვის ან ორივე ფუნქციის შესასრულებლად და აკმაყოფილებს ქვემოთ ჩამოთვლილ ყველა ოპტიკურ მახასიათებელს:

ა.ა) ქრომატულობის კოორდინატები x და y დიაპაზონში:

0,270 < x < 0,530; და

- 2,3172 x2 + 2,3653 x - 0,2199 < y < - 2,3172 x2 + 2,3653 x - 0,1595;

ა.ბ) შუქმფენი ნაკადი < 500 ლუმენი პროექტირებული სინათლის გამოსხივების ზედაპირის ფართობის თითოეულ მმ²-ზე, ამ მუხლის მე-2 პუნქტის ჰ²¹ პუნქტის შესაბამისად;

ა.გ) შუქმფენი ნაკადი 60 და 82 000 ლუმენს შორის;

ა.დ) ფერის გაცემის ინდექსი (CRI) > 0;

სინათლის წყაროს განათების ტექნოლოგიად გამოყენებული უნდა იყოს გავარვარება, ფლუორესცენცია, მაღალი ინტენსივობის განმუხტვა, არაორგანული სინათლის დიოდები (LED) ან ორგანული სინათლის დიოდები (OLED) ან მათი კომბინაცია.

იმ შემთხვევაში, თუ მაღალი წნევის ნატრიუმის (HPS) სინათლის წყარო ვერ აკმაყოფილებს ამ მუხლის პირველი პუნქტის „ა“ ქვეპუნქტით გათვალისწინებულ პირობას, ამ ტექნიკური რეგლამენტის მიზნებისათვის ითვლება სინათლის წყაროდ.

სინათლის წყარო არ მოიცავს:

ა) LED მატრიცას ან LED ჩიპს;

ბ) LED შეფუთვას;

გ) პროდუქტებს, რომლებიც მოიცავს სინათლის წყაროს, საიდანაც მათი განცალკევება შეიძლება შემოწმების მიზნებისთვის;

დ) სინათლის წყაროში შემავალ სინათლის გამომყოფ ნაწილებს, საიდანაც არ შეიძლება ამ ნაწილების განცალკევება სინათლის წყაროს შესამოწმებლად.

ბ) „საკონტროლო მექანიზმი“ - ერთი ან მეტი მოწყობილობა, რომელიც ინტეგრირებულია ან არ არის ინტეგრირებული სინათლის წყაროში და მისი მიზანია მოამზადოს ქსელი ელექტრული ფორმატისთვის, რომელიც საჭიროა ერთი ან მეტი სინათლის წყაროსთვის, ელექტრული უსაფრთხოებისა და ელექტრომაგნიტური თავსებადობით დადგენილი პირობების გათვალისწინებით. საკონტროლო მექანიზმი მოიცავს მიწოდების და საწყისი ძაბვის ტრანსფორმაციას, ოპერაციული და წინასწარი გახურების დენის შეზღუდვას, ცივი დაწყების თავიდან აცილებას, სიმძლავრის კოეფიციენტის კორექტირებას და/ან რადიო- ჩარევის შემცირებას.

საკონტროლო მექანიზმი არ მოიცავს განათების საკონტროლო ნაწილებს და ნაწილებს, რომლებიც არ გამოიყენება განათებისთვის, მიუხედავად იმისა, რომ ასეთი ნაწილები შეიძლება ფიზიკურად იყოს ინტეგრირებული საკონტროლო მექანიზმში ან ერთ პროდუქტად განთავსდეს ბაზარზე.

ამ ტექნიკური რეგლამენტის მიზნებისთვის „Power over Ethernet“ (PoE) გადამრთველი არ არის საკონტროლო მექანიზმი. „Power over-Ethernet გადამრთველი“ ან „PoE გადამრთველი“ არის ელექტრომომარაგების და მონაცემთა დამუშავებისთვის განკუთვნილი მოწყობილობა, რომელიც მონაცემთა გადაცემის და ძაბვის მიწოდების მიზნით დამონტაჟებულია ქსელსა და საოფისე აღჭურვილობას და/ან სინათლის წყაროებს შორის;

გ) „შემცველი პროდუქტი“ – პროდუქტი, რომელიც შეიცავს ერთ ან მეტ სინათლის წყაროს, ან დამოუკიდებელ საკონტროლო მექანიზმს, ან ორივე მათგანს. შემცველი პროდუქტი მოიცავს სანათებს, რომელთა განცალკევება შეიძლება შემცველი სინათლის წყარო(ებ)ის დამოუკიდებლად შემოწმებისთვის, საყოფაცხოვრებო ტექნიკას და ავეჯს, რომელიც შეიცავს სინათლის წყარო(ებ)ს;

დ) „სინათლე“ – ელექტრომაგნიტურ გამოსხივება, რომლის ტალღის სიგრძეა 380 ნმ-დან 780 ნმ-მდე;

ე) „ელექტროქსელი“ ან „ქსელის ძაბვა“ (MV) – ელექტროენერგიის მიწოდება 230 (± 10 %) ვოლტი ალტერნატიული დენის 50 ჰც სიხშირეზე;

ვ) „LED მატრიცა ან LED ჩიპი“ – სინათლის გამოსხივების ნახევარგამტარი მასალის მცირე ბლოკი, რომელზედაც დამზადებულია ფუნქციური LED წრე;

ზ) „LED პაკეტი“ - ერთი ელექტრული ნაწილი, რომელიც შეიცავს სულ მცირე ერთ LED მატრიცას. LED პაკეტი არ მოიცავს საკონტროლო მექანიზმს ან მის ნაწილებს, თავსახურს ან აქტიურ ელექტრონულ კომპონენტებს და არ არის დაკავშირებული პირდაპირ ქსელის ძაბვასთან. ის შეიძლება შეიცავდეს ჩამოთვლილიდან ერთ ან მეტ კომპონენტს: ოპტიკურ ელემენტებს, სინათლის გარდამქმნელს (ფოსფორებს), თერმულ, მექანიკურ და ელექტრო ინტერფეისებს ან ნაწილებს ელექტროსტატიკური გამოსხივების პრობლემების მოსაგვარებლად. ნებისმიერი სინათლის გამოსხივების მოწყობილობა, რომელიც განკუთვნილია უშუალოდ LED სანათურში გამოსაყენებლად, ამ ტექნიკური რეგლამენტის მიზნებისთვის განიხილება სინათლის წყაროდ;

თ) „ქრომატულობა“ – ფერის სტიმულის თვისება, რომელიც განისაზღვრება მისი ქრომატულობის კოორდინატებით (x და y);

ი) „სინათლის ნაკადი“ ან „ნაკადი“ (Φ) – რაოდენობა, რომელიც მიიღება სხივური ნაკადიდან (რადიაციული სიმძლავრე) ელექტრომაგნიტური გამოსხივების შეფასებით ადამიანის თვალის სპექტრული მგრძნობელობის მიხედვით. სინათლის ნაკადი მოიცავს სინათლის წყაროს მიერ გამოსხივებულ მთლიან ნაკადს მყარ კუთხეში ზომით 4π სტერადიანი, შესაბამის სტანდარტებში მითითებული დენის, ძაბვისა და ტემპერატურის პარამეტრებით. სინათლის ნაკადი გულისხმობს საწყის ნაკადს დაუბინდავი სინათლის წყაროსთვის მოკლე ოპერაციული პერიოდის შემდეგ, გარდა იმ შემთხვევისა, როდესაც ნათლად არის მითითებული, რომ ნაკადი ჩაბნელებულ მდგომარეობაში ან ნაკადი მოქმედების მოცემული პერიოდის შემდეგ არის საჭირო. სინათლის წყაროებისთვის, რომლებიც შეიძლება მორგებული იყოს სხვადასხვა სინათლის სპექტრის და/ან სხვადასხვა მაქსიმალური სინათლის ინტენსივობისთვის, სინათლის ნაკადი გულისხმობს იმ ნაკადს, რომელიც განსაზღვრულია "საცნობარო კონტროლის პარამეტრებში“;

კ) „ფერის გაცემის ინდექსი“ (CRI) - საზომი, რომელიც რაოდენობრივად აფასებს განათების ეფექტს ობიექტების ფერთა გამოხატულებაზე, საცნობარო განათების პირობებში მათ ფერთა გამოხატულებასთან ცნობიერი ან ქვეცნობიერი შედარების გზით, და არის ფერის გადაცემის საშუალო Ra მაჩვენებელი პირველი 8 ტესტის ფერისთვის (R1-R8);

ლ) „გავარვარება“ – მოვლენა, როდესაც სინათლე წარმოიქმნება სითბოსგან, სინათლის წყაროებში, რომლებიც წარმოიქმნება ძაფისებური გამტარის (ვარვარის ძაფი) მეშვეობით და თბება ელექტრული დენის გავლის შედეგად;

მ) „ჰალოგენური სინათლის წყარო“ – გავარვარებული სინათლის წყარო, ძაფისებური გამტარით, რომელიც დამზადებულია ვოლფრამისგან, გარშემორტყმულია ჰალოგენების ან ჰალოგენური ნაერთების შემცველი აირით;

ნ) „ფლუორესცენცია“ ან „ფლუორესცენციული სინათლის წყარო“ (FL) – მოვლენა, ან სინათლის წყარო, რომელიც იყენებს დაბალი წნევის ვერცხლისწყლის ტიპის ელექტრული აირის განმუხტვას, რომელშიც სინათლის უმეტესი ნაწილი გამოიყოფა ფოსფორის ერთი ან მეტი ფენის მეშვეობით, განმუხტვის შედეგად გააქტიურებული ულტრაიისფერი გამოსხივებისაგან. ფლუორესცენციული სინათლის წყაროებს შეიძლება ჰქონდეთ ერთი („ერთ-თავსახურიანი“) ან ორი („ორმაგი თავსახური“) კავშირი ("თავსახურები") ელექტროენერგიის მიწოდების წყაროსთან. ამ ტექნიკური რეგლამენტის მიზნებისთვის, მაგნიტური ინდუქციის სინათლის წყაროები ასევე განიხილება, როგორც ფლუორესცენციული სინათლის წყაროები;

ო) „მაღალი ინტენსივობის განმუხტვა“ (HID) – ელექტრული აირის განმუხტვა, რომელშიც სინათლის წარმომქმნელი რკალი სტაბილიზებულია კედლის ტემპერატურით და რკალის თაღს აქვს ბოლქვის კედლის დატვირთვა 3 ვატზე მეტი სმ²-ზე. მაღალი ინტენსივობის განმუხტვის სინათლის წყაროები შემოიფარგლება მეტალის ჰალოიდის, მაღალი წნევის ნატრიუმის და ვერცხლისწყლის ორთქლის ტიპებით;

პ) „აირის განმუხტვა“ – მოვლენა, როდესაც სინათლე წარმოიქმნება, პირდაპირ ან ირიბად, აირის, პლაზმის, ლითონის ორთქლის ან აირებისა და ორთქლის ნარევის ელექტრული განმუხტვის მეშვეობით;

ჟ) „არაორგანული სინათლის გამოსხივების დიოდი“ (LED) – ტექნოლოგია, რომლის დროსაც სინათლე წარმოიქმნება მყარი მდგომარეობის მოწყობილობიდან, რომელიც ახორციელებს არაორგანული მასალის p-n შეერთებას. შეერთება ასხივებს ოპტიკურ გამოსხივებას ელექტრული დენით აღგზნებისას;

რ) „ორგანული სინათლის გამოსხივების დიოდი“ (OLED) – ტექნოლოგია, რომლის დროსაც სინათლე წარმოიქმნება მყარი მდგომარეობის მოწყობილობიდან, რომელიც ახორციელებს ორგანული მასალის p-n შეერთებას. შეერთება ასხივებს ოპტიკურ გამოსხივებას ელექტრული დენით აღგზნებისას;

ს) „მაღალი წნევის ნატრიუმის სინათლის წყარო“ (HPS) – მაღალი ინტენსივობის განმუხტვის სინათლის წყარო, რომელშიც სინათლე წარმოიქმნება ნატრიუმის ორთქლის გამოსხივებით, რომელიც მოქმედებს 10 კილოპასკალის რიგის ნაწილობრივი წნევით. მაღალი წნევის ნატრიუმის სინათლის წყაროებს შეიძლება ჰქონდეთ ერთი („ერთი დაბოლოებით“) ან ორი („ორმაგი დაბოლოებით“) დამაკავშირებელი ელექტროენერგიის მიწოდების წყაროზე;

ტ) „გაყიდვის პუნქტი“ – ადგილი, სადაც პროდუქტი არის განთავსებული ან შეთავაზებული გასაყიდად, გასაქირავებლად ან განვადებით შესაძენად.

2. ამ ტექნიკური რეგლამენტის დანართების მიზნებისთვის ასევე გამოიყენება ტერმინთა შემდეგი განმარტებები:

ა) „ქსელური სინათლის წყარო“ (MLS) – სინათლის წყარო, რომელიც ოპერირებს პირდაპირ ქსელის ელექტრომომარაგებაზე. სინათლის წყაროები, რომლებიც ფუნქციონირებენ უშუალოდ ქსელზე და ასევე შეუძლიათ ირიბად მუშაობა ქსელზე დამოუკიდებელი საკონტროლო მექანიზმის გამოყენებით, ამ ტექნიკური რეგლამენტის მიზნებისთვის განიხილება ქსელური სინათლის წყაროდ;

ბ) „არაქსელური სინათლის წყარო“ (NMLS) – სინათლის წყარო, რომელიც საჭიროებს დამოუკიდებელ საკონტროლო მექანიზმს ქსელზე სამუშაოდ;

გ) „დამოუკიდებელი საკონტროლო მექანიზმი“ – საკონტროლო მექანიზმი, რომელიც ფიზიკურად არ არის ინტეგრირებული სინათლის წყაროსთან და ბაზარზე განთავსებულია როგორც დამოუკიდებელი პროდუქტი ან შემცველი პროდუქტის ნაწილი;

დ) „მიმართული სინათლის წყარო“ (DLS) – სინათლის წყარო, რომელსაც გააჩნია მთლიანი შუქმფენი ნაკადის სულ მცირე 80% π sr-ის სხივის კუთხის ფარგლებში (შეესაბამება კონუსს 120° კუთხით);

ე) „არამიმართული სინათლის წყარო“ (NDLS) – სინათლის წყარო, რომელიც არ არის მიმართული სინათლის წყარო;

ვ) „დაკავშირებული სინათლის წყარო“ (CLS) – სინათლის წყარო, რომელიც მოიცავს მონაცემთა დამაკავშირებელ ნაწილებს, რომლებიც ფიზიკურად ან ფუნქციურად განუყოფელია სინათლის გამომყოფი ნაწილებისგან, იმისთვის, რომ დააკმაყოფილონ „საცნობარო კონტროლის პარამეტრები“. სინათლის წყაროს შეიძლება ჰქონდეს ფიზიკურად ინტეგრირებული მონაცემთა დამაკავშირებელი ნაწილები ერთ განუყოფელ კორპუსში, ან სინათლის წყარო შეიძლება იყოს შერწყმული ფიზიკურად დამოუკიდებელ მონაცემთა დამაკავშირებელ ნაწილებთან, რომლებიც ბაზარზე ერთ პროდუქტად არის განთავსებული სინათლის წყაროსთან ერთად;

ზ) „მონაცემთა დამაკავშირებელი ნაწილები“ – ნაწილები, რომლებიც ასრულებენ ქვემოთ ჩამოთვლილთაგან ერთ-ერთ ფუნქციას:

ზ.ა) სადენიანი ან უსადენო მონაცემთა სიგნალების მიღება ან გადაცემა და მათი დამუშავება, რომელიც გამოიყენება სინათლის ემისიის ფუნქციის გასაკონტროლებლად და შესაძლოა სხვაგვარადაც;

ზ.ბ) სენსორული სიგნალების აღქმა და დამუშავება, რომელიც გამოიყენება სინათლის ემისიის ფუნქციის გასაკონტროლებლად და შესაძლოა სხვაგვარადაც;

ზ.გ) ზ.ა და ზ.ბ ქვეპუნქტებით გათვალისწინებული ფუნქციების ერთობლიობა;

თ) „ფერის რეგულირებადი სინათლის წყარო“ (CTLS) – სინათლის წყარო, რომელსაც შეუძლია გამოასხივოს შუქი ფერების დიდი მრავალფეროვნებით მე-2 მუხლის პირველი პუნქტის „ა“ ქვეპუნქტით განსაზღვრული დიაპაზონის მიღმა და ასევე შეუძლია გამოასხივოს თეთრი შუქი იმავე პუნქტით განსაზღვრულ დიაპაზონში.

რეგულირებადი თეთრი სინათლის წყაროები, რომლებსაც სინათლის გამოსხივება შეუძლიათ მხოლოდ სხვადასხვა სინათლის ტემპერატურატურებთან კორელაციით, როგორც მოცემულია მეორე მუხლის პირველი პუნქტის „ა“ ქვეპუნქტში და მკრთალ-თბილი შუქის წყაროები, რომლებიც ჩაბნელებისას ცვლიან თავიანთ გამოსხივებას, რომ დაწიონ თავიანთი კორელაციური ფერთა ტემპერატურა, რაც გავარვარებული ნაათურის სიმულაციის წარმოდგენას ტოვებს – არ ითვლება CTLS-ად;

ი) „ფერის ტონის პირობითი სისუფთავე“ – პროცენტული მაჩვენებელი იმ ფერადი რეგულირებადი სინათლის წყაროს (CTLS) კომპლექტისთვის, რომელიც გამოსცეს გარკვეული ფერის შუქს სწორი ხაზის გავლებით (x და y) ფერადი სივრცის გრაფიკზე იმ წერტილიდან რომლის ფერის კოორდინატებია x = 0,333 და y = 0,333 (აქრომატული სტიმული; წერტილი (1)), იმ წერტილის გავლით, რომელიც წარმოადგენს სინათლის წყაროს (x და y) ფერის კოორდინატებს (წერტილი (2)) და მთავრდება ფერის სივრცის გარე საზღვარზე (ტრაექტორია; წერტილი (3)). ფერის ტონის პირობითი სისუფთავე არის იმ მანძილის ტოლი, რომელიც მიიღება პირველ და მე-2 წერტილებს შორის არსებული მანძილის პირველ და მე-3 წერტილებს შორის არსებულ მანძილზე გაყოფით. ხაზის სრული სიგრძე წარმოადგენს 100% ფერის ტონის სისუფთავეს. აქრომატული სტიმულის წერტილი წარმოადგენს 0% ფერის ტონის სისუფთავეს (თეთრი შუქი);

კ) „მაღალი ნათების სინათლის წყარო“ (HLLS) – LED სინათლის წყარო, რომლის საშუალო ნათება 30 ცდ/მმ²-ზე მეტია პიკური ინტენსივობის მიმართულებით;

ლ) „ნათება“ – სინათლის ნაკადი, რომელიც გადადის ელემენტარული სხივით, მოცემული წერტილის გავლით და მრავლდება მყარ კუთხეში, რომელიც შეიცავს მოცემულ მიმართულებას გაყოფილი ამ სხივის მონაკვეთის ფართობზე, რომელიც შეიცავს მოცემულ წერტილს (ცდ/მ²);

მ) „საშუალო ნათება“ – LED სინათლის წყაროსთვის არის საშუალო ნათება შუქის გამოსხივების ზონაში, მაშინ როდესაც ნათება არის პიკური ნათების 50%-ზე მეტი (ცდ/მმ²);

ნ) „განათების კონტროლის ნაწილები“ – სინათლის წყაროში ინტეგრირებული, ან ფიზიკურად განცალკევებული ნაწილები, რომლებიც ბაზარზე განთავსებულია სინათლის წყაროსთან ერთად ერთ პროდუქტად და არ არის აუცილებელი სინათლის წყაროსთვის სრული დატვირთვის დროს სინათლის გამოსასხივებლად, მაგრამ იძლევა ნათების ინტენსივობის, ქრომატულობის, კორელაციური ფერის ტემპერატურის, სინათლის სპექტრის და/ან სხივის კუთხის მექანიკური ან ავტომატური, პირდაპირი ან დისტანციური კონტროლის შესაძლებლობას. ამ ტექნიკური რეგლამენტის მიზნებისთვის, ნათურის რეოსტატი ასევე წარმოადგენს განათების კონტროლის ნაწილს;

ო) „ნაწილები, რომლებიც არ გამოიყენება განათებისთვის“ – სინათლის წყაროში ინტეგრირებული ან ფიზიკურად განცალკევებული ნაწილები, რომლებიც ბაზარზე განთავსებულია სინათლის წყაროსთან ერთად ერთ პროდუქტად და არ არის აუცილებელი სინათლის წყაროსთვის სრული დატვირთვის დროს სინათლის გამოსასხივებლად და არ წარმოადგენს "განათების კონტროლის ნაწილებს“. ნაწილები, რომლებიც არ გამოიყენება განათებისთვის მოიცავს შემდეგს: დინამიკები (აუდიო), კამერები, საკომუნიკაციო სიგნალების გამეორებები დიაპაზონის გაფართოებისთვის (მაგ. WiFi), ქსელის ბალანსის მხარდამჭერი ნაწილები, ელემენტის დამუხტვა, მოვლენების ვიზუალური შეტყობინება, როგორიცაა ელექტრონული ფოსტის მიღება, კარზე ზარის დარეკვა, გაფრთხილება, „სინათლის სიჩქარის“ გამოყენება (Li-Fi, ორმხრივი, მაღალსიჩქარიანი და სრულად ქსელური უკაბელო საკომუნიკაციო ტექნოლოგია).

ტერმინი „ნაწილები, რომლებიც არ გამოიყენება განათებისთვის“ ასევე მოიცავს მონაცემთა დამაკავშირებელ ნაწილებს, რომლებიც გამოიყენება სხვა ისეთი ფუნქციების შესასრულებლად, რომელსაც არ განეკუთვნება სინათლის გამოსხივების ფუნქციის კონტროლი;

პ) „სასარგებლო სინათლის ნაკადი“ (Φ_use) – სინათლის წყაროს სინათლის ნაკადის ნაწილი, რომელიც გათვალისწინებულია მისი ენერგოეფექტურობის განსაზღვრისას:

პ.ა) არამიმართული სინათლის წყაროსთვის სასარგებლო სინათლის ნაკადი არის მთლიანი ნაკადი, რომელიც გამოიყოფა სხივის კუთხით 4π sr (შეესაბამება 360° მოქმედების არეალს);

პ.ბ) მიმართული სინათლის წყაროებისთვის სხივის კუთხით ≥ 90° სასარგებლო სინათლის ნაკადი არის ნაკადი, რომელიც გამოიყოფა π sr მყარ კუთხეში (შეესაბამება კონუსს 120° კუთხით);

პ.გ) მიმართული სინათლის წყაროებისთვის სხივის კუთხით < 90° სასარგებლო სინათლის ნაკადი არის ნაკადი, რომელიც გამოიყოფა სხივის კუთხით 0,586 π sr (შეესაბამება კონუსს 90° კუთხით);

ჟ) „სხივის კუთხე“ – მიმართული სინათლის წყაროსთვის არის სიბრტყეში ორ წარმოსახვით ხაზს შორის კუთხე ოპტიკური სხივის ღერძის, სინათლის წყაროს წინა მხარის ცენტრში და იმ წერტილებში გავლით, რომლებშიც ნათების ინტენსივობა არის ცენტრალური სხივის ინტენსივობის 50% და როდესაც ცენტრალური სხივის ინტენსივობა არის ნათების ინტენსივობის მნიშვნელობა, რომელიც იზომება ოპტიკური სხივის ღერძზე;

რ) „სრული დატვირთვა“ – სინათლის წყაროს მდგომარეობა, განსაზღვრულ საოპერაციო პირობებში, რომელშიც იგი გამოყოფს მაქსიმალურ (დაუბინდავი) სინათლის ნაკადს;

ს) „ლოდინის რეჟიმი“ – მდგომარეობა, როდესაც სინათლის წყაროს ჩართულია კვების წყაროში, მაგრამ არ ასხივებს შუქს და სინათლის წყარო ელოდება საკონტროლო სიგნალს რომ დაუბრუნდეს შუქის გამოსხივების მდგომარეობას. ნათების საკონტროლო ნაწილები, რომლებიც უზრუნველყოფენ ლოდინის რეჟიმის ფუნქციას უნდა იყოს საკონტროლო რეჟიმში. ნაწილები რომლებიც არ გამოიყენება განათებისთვის არ უნდა იყოს დაკავშირებული ან უნდა იყოს გამორთული ან მათი ენერგიის მოთხოვნა მინიმუმამდე უნდა შემცირდეს მწარმოებლის ინსტრუქციის შესაბამისად;

ტ) „ქსელში ჩართული ლოდინის რეჟიმი“ – მდგომარეობა, როდესაც დაკავშირებული სინათლის წყაროს დაკავშირებულია ელექტროენერგიის მიწოდების წერტილთან მაგრამ სინათლის წყარო არ ასხივებს სინათლეს და ელოდება დისტანციურად ინიცირებულ გამომწვევს, რომ დაუბრუნდეს სინათლის გამოსხივების მდგომარეობას. განათების კონტროლის ნაწილები უნდა იყოს მათ საკონტროლო რეჟიმში. ნაწილები, რომლებიც არ გამოიყენება განათებისთვის არ უნდა იყოს დაკავშირებული. ან გამორთული უნდა იყოს ან მათი ენერგიის მოხმარება უნდა იყოს მინიმუმამდე დაყვანილი მწარმოებლის ინსტრუქციის შესაბამისად.

უ) „საკონტროლო რეჟიმი“ – მდგომარეობას, როდესაც განათების საკონტროლო ნაწილები დაკავშირებულია სინათლის წყაროსთან და ასრულებენ თავიანთ ფუნქციებს ისე, რომ საკონტროლო სიგნალი შიგნიდან წარმოიქმნას ან დისტანციურად ინიცირებული გამომწვევის მიღება შესაძლებელია სადენიანი ან უსადენო საშუალებით, და მუშავდება სინათლის წყაროს სინათლის ემისიის შესაცვლელად;

ფ) „დისტანციურად ინიცირებული გამომწვევი“ - სიგნალი, რომელიც მოდის სინათლის წყაროს გარედან ქსელის მეშვეობით;

ქ) „საკონტროლო სიგნალი“ - ანალოგიური ან ციფრული სიგნალი, რომელიც გადაეცემა სინათლის წყაროს უსადენო ან სადენიანი საშუალებით, ცალკე საკონტროლო სადენებში ძაბვის მოდულაციის ან მიწოდების ძაბვაში მოდულირებული სიგნალის მეშვეობით. სიგნალის გადაცემა ხდება არა ქსელის საშუალებით, არამედ შიდა წყაროდან ან პროდუქტთან ერთად მიწოდებული დისტანციური მართვის პულტიდან;

ღ) „ქსელი“ – საკომუნიკაციო ინფრასტრუქტურა ბმულების ტოპოლოგიით, არქიტექტურით, მათ შორის, ფიზიკური კომპონენტებით, ორგანიზაციული პრინციპებით, კომუნიკაციის პროცედურებით და ფორმატებით (პროტოკოლები);

ყ) „ჩართული რეჟიმის ენერგია“ (P_on) გამოხატული ვატებში

– სინათლის წყაროს სრული დატვირთვით ელექტროენერგიის მოხმარება განათების კონტროლის ყველა ნაწილისა და იმ ნაწილების გათიშვით, რომლებიც არ გამოიყენება განათებისთვის. თუ ამ ნაწილების გათიშვა შეუძლებელია, ისინი უნდა გამოირთოს ან მათი ენერგიის მოხმარება მინიმუმამდე უნდა შემცირდეს მწარმოებლის მითითებების შესაბამისად. არაქსელური სინათლის წყაროს შემთხვევაში, რომელიც საჭიროებს დამოუკიდებელ საკონტროლო მექანიზმს ოპერირებისთვის, P_on იზომება უშუალოდ სინათლის წყაროს შესასვლელთან, ან P_on განისაზღვრება საკონტროლო მექანიზმის გამოყენებით ცნობილი ეფექტურობით, რომლის ელექტროენერგიის მოხმარება შემდგომში გამოაკლდება ქსელის შემავალი ენერგიის გაზომილ მნიშვნელობას;

შ) „ლოდინის რეჟიმის ენერგია“ (P_sb) – სინათლის წყაროს ელექტროენერგიის მოხმარება ლოდინის რეჟიმში, რომელიც გამოიხატება ვტ-ში;

ჩ) „ქსელში ჩართული ლოდინის რეჟიმის ენერგია“ (P_net) – დაკავშირებული სინათლის წყაროს ელექტრო ენერგიის მოხმარება ქსელში ჩართულ ლოდინის რეჟიმში, რომელიც გამოიხატება ვტ-ში;

ც) „საცნობარო კონტროლის პარამეტრები“ (RCS) – საკონტროლო პარამეტრი ან საკონტროლო პარამეტრების კომბინაცია, რომელიც გამოიყენება სინათლის წყაროს ამ ტექნიკურ რეგლამენტთან შესაბამისობის შესამოწმებლად. ეს პარამეტრები რელევანტურია სინათლის წყაროებისთვის, რომლებიც საშუალებას აძლევს საბოლოო მომხმარებელს ხელით ან ავტომატურად, პირდაპირ ან დისტანციურად აკონტროლოს გამოსხივებული სინათლის ინტენსივობა, ფერი, კორელაციური ფერის ტემპერატურა, სპექტრი და/ან სხივის კუთხე.

საცნობარო კონტროლის პარამეტრები უნდა იყოს მწარმოებლის მიერ წინასწარ განსაზღვრული, როგორც ქარხნული პირველადი პარამეტრები, რომელსაც მომხმარებელი შეხვდება პირველი ინსტალაციისას (შეფუთვის მნიშვნელობები). თუ ინსტალაციის პროცედურა ითვალისწინებს პროგრამული უზრუნველყოფის ავტომატურ განახლებას პირველი ინსტალაციის დროს, ან თუ მომხმარებელს აქვს ასეთი განახლების არჩევის შესაძლებლობა, მხედველობაში მიიღება ცვლილებების შედეგად მიღებული პარამეტრები (ასეთის არსებობის შემთხვევაში).

თუ შეფუთვის მნიშვნელობა დაყენებულია საცნობარო კონტროლის პარამეტრებისგან განსხვავებულად (მაგ., დაბალ სიმძლავრეზე უსაფრთხოების მიზნით), მწარმოებელმა ტექნიკურ დოკუმენტაციაში უნდა მიუთითოს საცნობარო კონტროლის პარამეტრების აღდგენის ინსტრუქცია შესაბამისობის შემოწმებისთვის და წარმადგინოს ტექნიკური დასაბუთება, თუ რატომ არის შეფუთვის მნიშვნელობა დაყენებული საცნობარო კონტროლის პარამეტრებისგან განსხვავებულად.

სინათლის წყაროს მწარმოებელმა უნდა განსაზღვროს საცნობარო კონტროლის შემდეგი პარამეტრები:

ც.ა) სინათლის წყარო შედის ამ ტექნიკური რეგლამენტის მოქმედების სფეროში 1-ლი მუხლის შესაბამისად და არ არის გამონაკლისი;

ც.ბ) განათების კონტროლის ნაწილები და ნაწილები, რომლებიც არ გამოიყენება განათებისთვის არ არის შეერთებული ან გამორთულია ან, თუ აღნიშნული შეუძლებელია, ამ ნაწილების ენერგიის მოხმარება მინიმალურია;

ც.გ) მიღებულია სრული დატვირთვის მდგომარეობა;

ც.დ) თუკი საბოლოო მომხმარებელი ირჩევს ქარხნული პარამეტრების გადატვირთვას, მიიღება საცნობარო კონტროლის პარამეტრები.

სინათლის წყაროებისთვის, რომლებიც შემცველი პროდუქტის მწარმოებელს საშუალებას აძლევს გააკეთოს საოპერაციო არჩევანი, რომელიც გავლენას ახდენს სინათლის წყაროს მახასიათებლებზე (მაგ., ოპერაციული დენის განსაზღვრა; თერმული დიზაინი) და რომელსაც ვერ აკონტროლებს საბოლოო მომხმარებელი, საცნობარო კონტროლის პარამეტრების განსაზღვრა არ არის საჭირო. ამ შემთხვევაში გამოიყენება სინათლის წყაროს მწარმოებლის მიერ განსაზღვრული ნომინალური ტესტირების პირობები;

ძ) „მაღალი წნევის ვერცხლისწყლის სინათლის წყარო“ – მაღალი ინტენსივობის განმუხტვის სინათლის წყარო, რომელშიც სინათლის ძირითადი ნაწილი წარმოიქმნება, პირდაპირ ან არაპირდაპირ, ძირითადად აორთქლებული ვერცხლისწყლის გამოსხივებით, რომელიც მოქმედებს ნაწილობრივ წნევაზე და აღემატება 100 კილოპასკალს;

წ) „მეტალის ჰალოგენური სინათლის წყარო“ (MH) – მაღალი ინტენსივობის განმუხტვის სინათლის წყარო, რომელშიც სინათლე წარმოიქმნება მეტალის ორთქლის, ლითონის ჰალოიდების და ლითონის ჰალოიდების დისოციაციის პროდუქტების ნარევიდან გამოსხივებით. მეტალის ჰალოგენური სინათლის წყაროებს გააჩნიათ ერთი ("ერთი დაბოლოებით") ან ორი ("ორმაგი დაბოლოებით") დამაკავშირებელი ელექტროენერგიის მიწოდების წერტილთან. მეტალის ჰალოგენური სინათლის წყაროების რკალის მილის მასალა შეიძლება იყოს კვარცი (QMH) ან კერამიკა (CMH);

ჭ) „კომპაქტური ფლუორესცენციული სინათლის წყარო (CFL)“ – ფლუორესცენციული სინათლის ერთსაფარიანი წყარო მოხრილი მილის კონსტრუქციით, რომელიც განკუთვნილია მცირე სივრცეებში განთავსებისთვის. კომპაქტური ფლუორესცენციული სინათლის წყარო შეიძლება იყოს სპირალისებური (ანუ ხვეული ფორმები) ან დაკავშირებული რამდენიმე პარალელური მილის სახით, მეორე ნათურის მსგავსი გარსით ან მის გარეშე. კომპაქტური ფლუორესცენციული სინათლის წყარო ხელმისაწვდომია ფიზიკურად ინტეგრირებული საკონტროლო მექანიზმით (CFLi) ან მის გარეშე (CFLni);

ხ) „T2“, „T5“, „T8“, „T9“ და „T12“ - მილისებრი სინათლის წყარო, რომლის დიამეტრია 7, 16, 26, 29 და 38 მმ. მილი შეიძლება იყოს სწორი (წრფივი) ან მოხრილი (U-ს ფორმის, წრიული);

ჯ) „LFL T5-HE“ – მაღალი ეფექტურობის ხაზოვანი ფლუორესცენციული T5 სინათლის წყარო მამოძრავებელი დენით, რომელიც 0,2 A-ზე ნაკლებია;

ჰ) „LFL T5-HO“ – მაღალი სიმძლავრის ხაზოვანი ფლუორესცენციული T5 სინათლის წყარო მამოძრავებელი დენით, რომელიც 0,2 A-ზე მეტია ან მისი ტოლია;

ჰ¹) „HL R7s“ – ქსელის ძაბვის, ორ-საფარიანი, ხაზოვანი ჰალოგენური სინათლის წყარო, რომლის საფარის დიამეტრია 7 მმ;

ჰ²) „ელემენტით მომუშავე“ – პროდუქტი, რომელიც მუშაობს მხოლოდ ერთსა და იმავე პროდუქტში შემავალი წყაროდან მიწოდებულ პირდაპირ დენზე (DC), ელექტროენერგიის ქსელთან პირდაპირ ან ირიბად მიერთების გარეშე;

ჰ³) „მეორე გარსი“ – მაღალი ინტენსივობის განმუხტვის სინათლის წყაროს მეორე გარე გარსი, რომელიც არ არის საჭირო სინათლის წარმოებისთვის, როგორიცაა გარე გარსი, ვერცხლისწყლისა და მინის გარემოში გაჟონვის თავიდან ასაცილებლად ნათურის გატეხვის შემთხვევაში. მეორე გარსის არსებობის დასადგენად HID რკალის მილები არ უნდა ჩაითვალოს გარსად;

ჰ⁴) „გაუმჭვირვალე გარსი“ – მაღალი ინტენსივობის განმუხტვის სინათლის წყაროს გაუმჭვირვალე გარე გარსი ან გარე მილი, რომელშიც სინათლის წარმომშობი რკალის მილი არ ჩანს;

ჰ⁵) „ანტირეფლექსური საფარი“ – მექანიკური ან ოპტიკური ამრეკლავი ან არაამრეკლავი გაუმჭვირვალე ბარიერი, რომელიც მიმართული სინათლის წყაროში შექმნილია სინათლის გამომცემის მიერ გამოცემული პირდაპირი ხილული გამოსხივების დაბლოკვის მიზნით, დროებითი ნაწილობრივი სიბრმავის (თვალისმომჭრელი სიბრმავე) თავიდან ასაცილებლად, როდესაც სინათლის წყაროს უშუალოდ ათვალიერებს დამკვირვებელი. ანტირეფლექსური საფარი არ შეიცავს მიმართული სინათლის წყაროს სინათლის გამომცემის ზედაპირულ დაფარვას;

ჰ⁶) „ციმციმი“ - ვიზუალური არასტაბილურობის აღქმა, რომელიც გამოწვეულია სინათლის სტიმულით, რომლის სიკაშკაშე ან სპექტრული განაწილება იცვლება დროთა განმავლობაში, სტატიკური დამკვირვებლისთვის სტატიკურ გარემოში. რყევები შეიძლება იყოს პერიოდული და არაპერიოდული და შეიძლება გამოწვეული იყოს თავად სინათლის წყაროს, ენერგიის წყაროს ან სხვა ფაქტორების მიერ.

ამ ტექნიკურ რეგლამენტში გამოყენებული ციმციმის საზომი არის პარამეტრი "Pst LM", სადაც „st“ ნიშნავს მოკლე დროს და „LM“ სინათლის ციმციმისმზომი მეთოდი. მნიშვნელობა Pst LM = 1 ნიშნავს, რომ საშუალო დამკვირვებელს აქვს ციმციმის აღმოჩენის 50% ალბათობა;

ჰ⁷) „სტრობოსკოპული ეფექტი” – მოძრაობის აღქმის ცვლილება, რომელიც გამოწვეულია სინათლის სტიმულით, რომლის სიკაშკაშე ან სპექტრული განაწილება დროთა განმავლობაში იცვლება, სტატიკური დამკვირვებლისთვის არასტატიკურ გარემოში. რყევები შეიძლება იყოს პერიოდული და არაპერიოდული და შეიძლება გამოწვეული იყოს თავად სინათლის წყაროს, ენერგიის წყაროს ან სხვა ფაქტორების მიერ.

ამ ტექნიკურ რეგლამენტში გამოყენებული სტრობოსკოპული ეფექტის საზომი არის „SVM“ (სტრობოსკოპული ხილვადობის ზომა). SVM = 1 წარმოადგენს საშუალო დამკვირვებლის ხილვადობის ზღვარს;

ჰ⁸) „R9“ - წითელი ფერის ობიექტის ფერის გაცემის ინდექსი;

ჰ⁹) „დეკლარირებული მნიშვნელობები“ – მნიშვნელობები, რომელიც უფლებამოსილი ორგანოების მიერ შესაბამისობის შემოწმების მიზნებისთვის მითითებულია მიმწოდებლის მიერ, განსაზღვრული, გამოთვლილი ან გაზომილი ტექნიკური პარამეტრებისთვის „ენერგოეტიკეტირების შესახებ" საქართველოს კანონის მე-5 მუხლის მე-7 პუნქტის შესაბამისად და რომელიც შეესაბამება ამ ტექნიკური რეგლამენტის მე-3 მუხლის 1-ელი პუნქტის „დ" ქვეპუნქტსა და IV დანართს.

ჰ¹⁰) „სინათლის ინტენსივობა“ – შუქმფენი ნაკადის კოეფიციენტი, რომელიც ტოვებს წყაროს და მრავლდება მოცემული მიმართულების შემცველი მყარი კუთხის ელემენტში, მყარი კუთხის ელემენტით;

ჰ¹¹) „კორელაციური ფერის ტემპერატურა“ – პლანკიანი (შავი სხეულის) რადიატორის ტემპერატურა, რომლის აღქმული ფერი ყველაზე მეტად ჰგავს მოცემულ სტიმულს იმავე სიკაშკაშით და მითითებულ ხედვის პირობებში;

ჰ¹²) „ფერის სტაბილურობა“ – ერთი სინათლის წყაროს საწყისი (ხანმოკლე პერიოდის შემდეგ) სივრცით საშუალო ქრომატულობის კოორდინატების (x და y) მაქსიმალური გადახრა მწარმოებლის ან იმპორტიორის მიერ გამოცხადებული ცენტრალური ქრომატულობის წერტილიდან (cx და cy), გამოიხატება მაკადამის ელიფსის ზომით (ნაბიჯებით), რომელიც წარმოიქმნება ცენტრალური ქრომატულობის წერტილის გარშემო (cx და cy);

ჰ¹³) „ჩანაცვლების კოეფიციენტი (cos φ1)“ – φ1 ფაზის კუთხის კოსინუსი ქსელის მიწოდების ძაბვის ფუნდამენტურ ჰარმონიკასა და ქსელის დენის ფუნდამენტურ ჰარმონიკას შორის. ჩანაცვლების კოეფიციენტი გამოიყენება ქსელური სინათლის წყაროებისთვის LED ან OLED ტექნოლოგიის გამოყენებით. ჩანაცვლების კოეფიციენტი იზომება სრული დატვირთვით, საცნობარო კონტროლის პარამეტრებისთვის, განათების კონტროლის ნებისმიერი ნაწილის საკონტროლო რეჟიმში, ნაწილები, რომლებიც არ გამოიყენება განათებისთვის გათიშულ ან გამორთულ მდგომარეობაშია ან დაყენებულია მინიმალური ენერგიის მოხმარებაზე მწარმოებლის ინსტრუქციის შესაბამისად;

ჰ¹⁴) „მანათობელი ნაკადის ნათების კონსერვაციის კოეფიციენტი“ (X_LMF) - სინათლის წყაროს მიერ გამოსხივებული სინათლის ნაკადის თანაფარდობა საწყის სინათლის ნაკადთან ექსპლუატაციის პერიოდის გარკვეულ მონაკვეთში;

ჰ¹⁵) „შენარჩუნების კოეფიციენტი“ (SF) – სინათლის წყაროების მთლიანი რაოდენობის ის ნაწილი, რომელიც განაგრძობს მუშაობას გარკვეულ მომენტში და გადართვის სიხშირით;

ჰ¹⁶) „ექსპლუატაციის ვადა“ – დროის მონაკვეთი, რომელიც გამოიხატება საათებში სინათლის წყაროების გამოყენების დაწყებასა და იმ მომენტს შორის, როდესაც სინათლის წყაროების რაოდენობის 50%-ისთვის თანდათან მცირდება სინათლის გამომუშავება საწყისი სინათლის ნაკადის 70%-ზე დაბალ მნიშვნელობამდე. მას ასევე ეწოდება L₇₀B₅₀ ექსპლუატაციის ვადა;

ჰ¹⁷) „საჩვენებელი მოწყობილობის მექანიზმი“ – ნებისმიერი ეკრანი, მათ შორის, სენსორული ეკრანი ან სხვა ვიზუალური ტექნოლოგია, რომელიც გამოიყენება მომხმარებლებისთვის ინტერნეტკონტენტის საჩვენებლად;

ჰ¹⁸) „სენსორული ეკრანი“ – ეკრანი, რომელიც რეაგირებს შეხებაზე, როგორიცაა ტაბლეტი, პლანშეტი ან სმარტფონი;

ჰ¹⁹) „ჩასმული საჩვენებელი მოწყობილობა“ – ვიზუალური ინტერფეისი, სადაც გამოსახულებაზე ან მონაცემებზე წვდომა შესაძლებელია განხორციელდეს მაუსზე ხელის დაჭერით, მაუსის მოძრაობით ან სხვა სურათის ან მონაცემის სენსორულ ეკრანზე გაფართოებით;

ჰ²⁰) „ალტერნატიული ტექსტი“ – ტექსტი, რომელიც წარმოადგენს გრაფიკის ალტერნატივას და იძლევა შესაძლებლობას ინფორმაცია მოწოდებული იქნეს არაგრაფიკული ფორმით, მაშინ როდესაც გრაფიკის გახსნა საჩვენებლ მოწყობილობაზე შეუძლებელია ან არის ხელმისაწვდომობისთვის დამხმარე საშუალება, მაგალითად როგორიცაა ხმის სინთეზის პროგრამები;

ჰ²¹) „პროექტირებული სინათლის გამოსხივების ზედაპირის ფართობი“ (A) როგორც მოცემულია დანართი III-ის მეშვიდე პუნქტის ნახაზ 1.-ში – ზედაპირის ფართობი მმ² სინათლის გამოსხივების ზედაპირის ორთოგრაფიული პროექციის ყველაზე მაღალი სინათლის ინტენსივობის მიმართულებიდან, სადაც სინათლის გამოსხივების ზედაპირის ფართობი არის სინათლის წყაროს ზედაპირის ფართობი, რომელიც ასხივებს შუქს დეკლარირებული ოპტიკური მახასიათებლებით, როგორიცაა დაახლოებით სფერული რკალის ზედაპირი (a), ცილინდრული ძაფის სპირალური ზედაპირი (b) ან ნეონის ნათურა (c, d), ბრტყელი ან ნახევარსფერული LED გარსი (e).

სინათლის წყაროებისთვის გაუმჭვირვალე გარსით ან ანტირეფლექსური საფარით, სინათლის გამოსხივების ზედაპირის ფართობი არის მთელი არეალი, რომლის მეშვეობითაც სინათლე ტოვებს სინათლის წყაროს.

სინათლის წყაროებისთვის, რომლებიც შეიცავს ერთზე მეტ შუქის გამომცემს, ყველაზე მცირე მოცულობის პროექცია, რომელიც გარს აკრავს ყველა შუქის გამომცემს, ჩაითვლება სინათლის გამოსხივების ზედაპირის ფართობად.

მაღალი ინტენსივობის განმუხტვის (HID) სინათლის წყაროებისთვის, განმარტება (a) გამოიყენება, სადაც L არის მანძილი ელექტროდის წვეროებსა და რკალის მილის შიდა დიამეტრს (D) შორის, თუკი არ გამოიყენება (d)-ში განსაზღვრული ზომები L > D;

ჰ²²) „სწრაფი რეაგირების (QR) კოდი“ – პროდუქტის მოდელის ენერგეტიკულ ეტიკეტზე დატანილი მატრიცული შტრიხკოდი, რომელიც უკავშირდება ამ მოდელის შესახებ ინფორმაციას პროდუქტის მონაცემთა ბაზის საჯარო ნაწილში;

ჰ²³) „ხელოვნების ორიგინალური ნაწარმოები“ – გრაფიკული ან პლასტიკური ხელოვნების ნიმუში, როგორიცაა სურათები, ნახატები, კოლაჟები, ფერწერული ნამუშევრები, გრავიურები, პრინტები, ლითოგრაფიები, ქანდაკებები, გობელენები, კერამიკა, მინის ნაწარმი და ფოტოსურათები, იმ პირობით, რომ ისინი დამზადებულია თავად მხატვრის მიერ ან ასლი, რომელიც ითვლება ხელოვნების ორიგინალურ ნაწარმოებად.

მუხლი 3. მიმწოდებლის ვალდებულებები და ვადები
1. სინათლის წყაროს მიმწოდებელი ვალდებულია უზრუნველყოს შემდეგი მოთხოვნების შესრულება:

ა) თითოეული სინათლის წყარო, რომელიც განთავსებულია ბაზარზე, როგორც დამოუკიდებელი პროდუქტი (და არა შემცველი პროდუქტის ნაწილი) მიწოდებულია ამ ტექნიკური რეგლამენტის II დანართით გათვალისწინებული ფორმატისა და ინფორმაციის შემცველ ბეჭდურ ეტიკეტთან ერთად;

ბ) პროდუქტის შესახებ საინფორმაციო ცხრილი, როგორც ეს მოცემულია III დანართში, ხელმისაწვდომია უფასოდ, ელექტრონულ ფორმატში;

გ) დილერის მიერ მოთხოვნის შემთხვევაში, პროდუქტის შესახებ საინფორმაციო ცხრილი უფასოდ ხელმისაწვდომია მისთვის, ბეჭდური ფორმით;

დ) ამ ტექნიკური რეგლამენტის IV დანართით გათვალისწინებული ტექნიკური დოკუმენტაციის შინაარსი, ხელმისაწვდომია საქართველოს ეკონომიკისა და მდგარდი განვითარების სამინისტროსა და შესაბამისი უფლებამოსილი ორგანოებისთვის, მოთხოვნის შემთხვევაში;

ე) სინათლის წყაროს კონკრეტული მოდელის ნებისმიერ ვიზუალურ რეკლამაში მითითებულია ინფორმაცია მოდელის ენერგოეფექტურობის კლასისა და ეტიკეტზე ხელმისაწვდომი ენერგოეფექტურობის კლასების სკალის შესახებ, ამ ტექნიკური რეგლამენტის V და VI დანართების შესაბამისად;

ვ) სინათლის წყაროს კონკრეტული მოდელის ნებისმიერ ტექნიკურ სარეკლამო მასალაში, მათ შორის, ინტერნეტში განთავსებულ მასალაში, რომელიც აღწერს მის სპეციფიკურ ტექნიკურ პარამეტრებს, მითითებულია ინფორმაცია ამ მოდელის ენერგოეფექტურობის კლასისა და ეტიკეტზე ხელმისაწვდომი ეფექტურობის კლასების სკალის შესახებ, ამ ტექნიკური რეგლამენტის Vდანართის შესაბამისად;

ზ) ამ ტექნიკური რეგლამენტის II დანართით გათვალისწინებული ფორმატისა და ინფორმაციის ელექტრონული ეტიკეტი, მიწოდებულია დილერებისთვის თითოეული სინათლის წყაროს მოდელი, რომელიც რეგისტრირებულია ევროკავშირის პროდუქტების მონაცემთა ბაზაში; იმ მოდელებისათვის, რომლებიც მხოლოდ ხელშემკვრელი მხარეების ბაზრებზე არიან განთავსებულნი და არ არიან რეგისტრირებული ევროკავშირის პროდუქტების მონაცემთა ბაზაში, ეტიკეტი წარმოიქმნება ევროკავშირის ლოგოს გარეშე, ხოლო QR კოდი უნდა იყოს მიბმული ვებსაიტზე მოდელის ინფორმაციით, რომელსაც ანახლებს მწარმოებელი;

თ) თითოეული სინათლის წყაროს მოდელი დილერისთვის მიწოდებულია ამ ტექნიკური რეგლამენტის III დანართის გათვალისწინებული ელექტრონული ფორმატის პროდუქტის შესახებ საინფორმაციო ცხრილთან ერთად;

ი) დილერის მოთხოვნის საფუძველზე, პროდუქტის მასშტაბის შესაცვლელად დაბეჭდილი ეტიკეტები მიწოდებულია იგივე ზომის სტიკერის სახით, როგორც უკვე არსებული ეტიკეტი.

2. შემცველი პროდუქტების მიმწოდებელი ვალდებულია უზრუნველყოს შემდეგი მოთხოვნების შესრულება:

ა) შემცველი სინათლის წყარო(ებ)ის შესახებ ინფორმაცია მიწოდებულია ამ ტექნიკური რეგლამენტის III დანართის მე-3 პუნქტის შესაბამისად;

ბ) საქართველოს ეკონომიკისა და მდგარდი განვითარების სამინისტროსა და შესაბამისი უფლებამოსილი ორგანოების მიერ მოთხოვნის შემთხვევაში, მიწოდებულია ინფორმაცია შემოწმების მიზნებისთვის სინათლის წყაროს განცალკევების შესახებ, მისი დაზიანების გარეშე.

3. ენერგოეფექტურობის კლასი ეფუძნება ამ ტექნიკური რეგლამენტის I დანართით გათვალისწინებულ მონაცემებს.

მუხლი 4. დილერის ვალდებულებები

1. სინათლის წყაროს დილერი ვალდებულია უზრუნველყოს, რომ:

ა) თითოეული სინათლის წყარო, რომელიც არ არის შემცველი პროდუქტი, გაყიდვის პუნქტში წარმოდგენილია ამ ტექნიკური რეგლამენტის მე-3 მუხლის პირველი პუნქტის „ა“ ქვეპუნქტით გათვალისწინებულ მიმწოდებლის ეტიკეტთან ერთად. ეტიკეტი ან ენერგოეფექტურობის კლასი თვალსაჩინოდ უნდა იყოს განთავსებული ამ ტექნიკური რეგლამენტის II დანართის შესაბამისად;

ბ) დისტანციური გაყიდვის შემთხვევაში, სინათლის წყაროს ეტიკეტი და პროდუქტის შესახებ საინფორმაციო ცხრილი მიწოდებულია ამ ტექნიკური რეგლამენტის V და VI დანართების შესაბამისად;

გ) სინათლის წყაროს კონკრეტული მოდელის ნებისმიერი ვიზუალური რეკლამა, მათ შორის, ინტერნეტრეკლამა, მოიცავს მოდელის ენერგოეფექტურობის კლასისა და ეტიკეტზე ხელმისაწვდომი ეფექტურობის კლასების სკალის შესახებ მითითებას ამ ტექნიკური რეგლამენტის V დანათის შესაბამისად;

დ) სინათლის წყაროს კონკრეტულ მოდელთან დაკავშირებული ნებისმიერი ტექნიკური სარეკლამო მასალა, რომელიც ეხება მას და აღწერს მის კონკრეტულ ტექნიკურ პარამეტრებს, მათ შორის, ინტერნეტში განთავსებული ტექნიკური სარეკლამო მასალა, მოიცავს ამ მოდელის ენერგოეფექტურობის კლასისა და ეტიკეტზე ხელმისაწვდომი ეფექტურობის კლასების სკალის შესახებ ინფორმაციას ამ ტექნიკური რეგლამენტის V დანართის შესაბამისად.

მუხლი 5. მომსახურების მიმწოდებლის ვალდებულებები ინტერნეტჰოსტინგის პლატფორმებზე

ჰოსტინგის სერვისის მიმწოდებლის მიერ პროდუქტის ინტერნეტვებგვერდის მეშვეობით გაყიდვის შემთხვევაში, სერვისის მიმწოდებელი ვალდებულია უზრუნველყოს დილერის მიერ მიწოდებული ელექტრონული ეტიკეტისა და პროდუქტის შესახებ ელექტრონული საინფორმაციო ცხრილის ჩვენება საჩვენებელი მექანიზმებით, ამ ტექნიკური რეგლამენტის VI დანართის შესაბამისად. ჰოსტინგის სერვისის მიმწოდებელი ასევე ვალდებულია დილერს მიაწოდოს ინფორმაცია მათი ჩვენების ვალდებულების შესახებ.

მუხლი 6. გაზომვის მეთოდები

ამ ტექნიკური რეგლამენტის მე-3 და მე-4 მუხლების შესაბამისად წარმოსადგენი ინფორმაცია მოპოვებული უნდა იქნეს სარწმუნო, უტყუარი და აღწარმოებადი გაზომვის და გამოთვლის პროცედურების შედეგად, რომლებიც ითვალისწინებენ აღიარებულ უახლესი გაზომვისა და გაანგარიშების მეთოდს, როგორც მითითებულია I დანართში.

მუხლი 7. ბაზარზე ზედამხედველობა

1. ბაზარზე ზედამხედველობა ხორციელდება „ენერგოეტიკეტირების შესახებ“ საქართველოს კანონისა და „ბაზარზე ზედამხედველობის წესისა და პროდუქტის რეალიზაციის შეჩერების, ბაზრიდან ამოღების, გამოთხოვისა და განადგურების წესის დამტკიცების შესახებ" საქართველოს მთავრობის 2018 წლის 14 ნოემბრის №539 დადგენილების შესაბამისად.

2. უფლებამოსილი პირი შესაბამისობის შეფასებისას იყენებს ამ ტექნიკური რეგლამენტის VII დანართით გათვალისწინებულ პროცედურას.

3. სინათლის წყაროს კონკრეტული მოდელის ნებისმიერი სახის რეკლამაში მითითებული ინფორმაციის შესაბამისობის დადგენა მის ენერგოეფექტურობის კლასთან დაკავშირებით, არ წარმოადგენს სააგენტოს ვალდებულებასა და პასუხისმგებლობას.

4. სინათლის წყაროსკონკრეტული მოდელის ონლაინ ვაჭრობაზე ზედამხედველობა, არ წარმოადგენს სააგენტოს ვალდებულებასა და პასუხისმგებლობას.

დანართი I. ენერგოეფექტურობის კლასები და გაანგარიშების მეთოდი

1. სინათლის წყაროს ენერგოეფექტურობის კლასი განისაზღვრება ცხრილი 1-ის შესაბამისად, ქსელის ჯამური ეფექტურობის საფუძველზე η_TM.

2. ქსელის ჯამური ეფექტურობა η_TM გამოითვლება დეკლარირებული სასარგებლო სინათლის ნაკადის Φ_use (გამოიხატება ლმ-ში) გაყოფით დეკლარირებულ ჩართული რეჟიმის ენერგიის მოხმარებაზე P_on (გამოიხატება ვტ-ში) და გამრავლებული გამოსაყენებელ კოეფიციენტზე F_TM მე-2 ცხრილის შესაბამისად, ქვემოთ მოცემული ფორმულის საფუძველზე:

η_TM = (Φ_use/P_on) × F_TM (lm/W).

ცხრილი 1
სინათლის წყაროს ენერგოეფექტურობის კლასები

ცხრილი 2

კოეფიციენტები F_TM სინათლის წყაროს ტიპის მიხედვით

დანართი II. სინათლის წყაროს ეტიკეტი

1. ეტიკეტი

1. გაყიდვის პუნქტში გასაყიდად განთავსებული სინათლის წყარო მიწოდებულია ამ დანართით გათვალისწინებული ფორმატისა და ინფორმაციის შემცველ ბეჭდურ ეტიკეტთან ერთად.

2. მიმწოდებლის ეტიკეტი უნდა შეესაბამებოდეს ამ დანართის 1.9 ან 1.10 პუნქტებს.

3. ეტიკეტი უნდა აკმაყოფილებდეს შემდეგ მოთხოვნებს:

ა) სტანდარტული ზომის ეტიკეტის სიგანე 36 მმ და სიმაღლე 72 მმ-ია;

ბ) მცირე ზომის ეტიკეტის, რომლის სიგანე 36 მმ-ზე ნაკლებია, სიგანე სულ მცირე 20 მმ და სიმაღლე 54 მმ-ია.

4. სინათლის წყაროს შეფუთვის სიგანე არ უნდა იყოს 20 მმ-ზე, ხოლო სიმაღლე 54 მმ-ზე ნაკლები.

5. იმ შემთხვევაში, თუ ეტიკეტი დაბეჭდილია უფრო დიდი ფორმატით, მისი შინაარსი უნდა იყოს ამ დანართით გათვალისწინებული სპეციფიკაციების პროპორციული.

6. დაუშვებელია მცირე ზომის ეტიკეტის გამოყენება 36 მმ ან მეტი სიგანის მქონე შეფუთვაზე.

7. ეტიკეტი და ენერგოეფექტურობის კლასის აღმნიშვნელი ისარი შეიძლება დაიბეჭდოს მონოქრომული სახით, ამ დანართის 1.9 და 1.10 პუნქტების შესაბამისად, იმ შემთხვევაში, თუ პროდუქტის შეფუთვაზე ყველა სხვა ინფორმაცია, მათ შორის, გრაფიკი, დაბეჭდილია მონოქრომული სახით.

8. იმ შემთხვევაში, თუ ეტიკეტი არ არის დაბეჭდილი შეფუთვის იმ ნაწილზე, რომელიც მიმართულია პოტენციური მომხმარებლისთვის, ისარი, რომელიც შეიცავს ენერგოეფექტურობის კლასის აღმნიშვნელ ასოს, ნაჩვენები უნდა იყოს პირველ სურათზე მოცემული ფორმით, ხოლო ისარი იმ ფერში, რომელიც შეესაბამება ენერგოეფექტურობის აღმნიშვნელ ასოს და კლასს. ამ პუნქტით გათვალისწინებული ეტიკეტის ზომა უნდა იყოს მკაფიო და გასაგები. ენერგოეფექტურობის კლასის აღმნიშვნელ ისარში ასო უნდა განთავსდეს ისრის მართკუთხა ნაწილის ცენტრში, 0,5 pt 100% შავ ფერში ხილული საზღვრით მოთავსებული ისრის გარშემო და ენერგოეფექტურობის კლასის აღმნიშვნელი ასო.

სურათი 1

ფერადი/მონოქრომული მარცხნივ/მარჯვნივ ისარი, შეფუთვის იმ ნაწილისთვის, რომელიც მიმართულია პოტენციური მომხმარებლისთვის

1.9. სტანდარტული ზომის ეტიკეტი უნდა იყოს შემდეგი სახის:

1.10. მცირე ზომის ეტიკეტი უნდა იყოს შემდეგი სახის:

1. სინათლის წყაროს ეტიკეტზე დატანილი უნდა იყოს შემდეგი ინფორმაცია:

I. მიმწოდებლის სახელი ან სავაჭრო ნიშანი;

II. მიმწოდებლის მოდელის იდენტიფიკატორი;

III. ენერგოეფექტურობის კლასების A-დან G-ს ჩათვლით სკალა;

IV. ჩართულ რეჟიმში სინათლის წყაროს ენერგიის მოხმარება, გამოიხატება კვტ/სთ ენერგიის მოხმარება თითოეულ 1 000 საათში;

V. QR კოდი (თუკი პროდუქტის მოდელი ხელმისაწვდომია პროდუქტის მონაცემთა ბაზის საჯარო ნაწილში);

VI. ენერგოეფექტურობის კლასი I დანართს შესაბამისად;

VII. რეგლამენტის ნომერი - „#“.

2. ეტიკეტის დიზაინი

   1. სტანდარტული ზომის ეტიკეტს უნდა ჰქონდეს შემდეგი დიზაინი:

2. მცირე ზომის ეტიკეტს უნდა ჰქონდეს შემდეგი დიზაინი:

ამასთან,

ა) ეტიკეტის შემადგენელი ელემენტების ზომები და სპეციფიკაციები უნდა შეესაბამებოდეს II დანართის პირველ პუნქტს და სინათლის წყაროს სტანდარტული და მცირე ზომის ეტიკეტების დიზაინს.

ბ) ეტიკეტის ფონი უნდა იყოს 100 % თეთრი.

გ) შრიფტები უნდა იყოს Verdana და Calibri.

დ) ფერები უნდა იყოს CMYK - ფირუზისფერი, მეწამული, ყვითელი და შავი შემდეგი მაგალითის შესაბამისად: 0-70-100-0: 0% ფირუზისფერი, 70 % მეწამული, 100 % ყვითელი, 0% შავი;

ე) ეტიკეტი უნდა აკმაყოფილებდეს ყველა ქვემოთ ჩამოთვლილ მოთხოვნას (რიცხვები მიესადაგება ზემოთ მოცემულ სურათს):

❶ ენერგიის ლოგოს ფერი – 100,80,0,0;

❷ მიმწოდებლის სახელი უნდა იყოს 100% შავი და შრიფტი Verdana მუქი 8 pt – 5 pt (სტანდარტული ზომის ეტიკეტი – მცირე ზომის ეტიკეტი);

❸ მოდელის იდენტიფიკატორი უნდა იყოს 100% შავი და შრიფტი Verdana ჩვეულებრივი 8 pt – 5 pt (სტანდარტული ზომის ეტიკეტი - მცირე ზომის ეტიკეტი);

❹ A-დან G-ს ჩათვლით სკალა უნდა იყოს შემდეგნაირი:

• ენერგოეფექტურობის სკალის ასოები უნდა იყოს 100% თეთრი და შრიფტი Calibri მუქი 10,5 pt – 7 pt (სტანდარტული ზომის ეტიკეტი - მცირე ზომის ეტიკეტი);

ასოები უნდა იყოს ცენტრში განთავსებული ღერძზე ისრების მარცხენა მხრიდან 2 მმ -1.5 მმ (სტანდარტული ზომის ეტიკეტი - მცირე ზომის ეტიკეტი);

• A-დან G-ს ჩათვლით სკალის ისრების ფერი უნდა იყოს შემდეგნაირი:

• A-კლასი: 100,0,100,0;

• B-კლასი: 70,0,100,0;

• C-კლასი: 30,0,100,0;

• D-კლასი: 0,0,100,0;

• E-კლასი: 0,30,100,0;

• F-კლასი: 0,70,100,0;

• G-კლასი: 0,100,100,0;

❺ ეტიკეტის მართკუთხა საზღვარსა და შიდა გამყოფებს უნდა ჰქონდეს წონა 0,5 pt და ფერი უნდა იყოს 100% შავი;

❻ ენერგოეფექტურობის კლასის შესაბამისი ასო უნდა იყოს 100% თეთრი და Calibri მუქი 16 pt – 10 pt (სტანდარტული ზომის ეტიკეტი - მცირე ზომის ეტიკეტი). ენერგოეფექტურობის კლასის ისარი და შესაბამისი ისარი A-დან G-ს ჩათვლით სკალაზე ისე უნდა იყოს განლაგებული, რომ მათი წვერები გასწორებული იყოს. ენერგოეფექტურობის კლასის ისარში შესაბამისი ასო განლაგებული უნდა იყოს ისრის მართკუთხა ნაწილის ცენტრში, რომელიც უნდა იყოს 100% შავი;

❼ ენერგიის მოხმარების მნიშვნელობა უნდა გამოიხატოს შრიფტით Verdana მუქი 12 pt; „კვტ/სთ/1 000 სთ“ უნდა გამოიხატოს შრიფტით Verdana ჩვეულებრივი 8 pt – 5 pt (სტანდარტული ზომის ეტიკეტი – მცირე ზომის ეტიკეტი), 100% შავი;

❽ QR კოდი უნდა იყოს 100% შავი;

❾ რეგლამენტის ნომერი უნდა იყოს 100% შავი და შრიფტით Verdana ჩვეულებრივი 5 pt.

დანართი III . პროდუქტის შესახებ საინფორმაციო ცხრილი

1. სინათლის წყაროს პროდუქტის შესახებ საინფორმაციო ცხრილში ინფორმაცია მოცემული და ასახული უნდა იყოს ქართულ ენაზე ამ მუხლით გათვალისწინებული პირველი ცხრილის შესაბამისად.

ცხრილი 3
პროდუქტის შესახებ საინფორმაციო ცხრილი

ცხრილი 4

მითითებული შუქმფენი ნაკადი ეკვივალენტური მოთხოვნისთვის

ცხრილი 5

გამრავლების კოეფიციენტი სინათლის ნაკადის სტაბილურობის შესანარჩუნებლად

ცხრილი 6

გამრავლების კოეფიციენტი LED სინათლის წყაროსთვის

ცხრილი 7

ეკვივალენტურობის მოთხოვნა არამიმართული სინათლის წყაროებისთვის

ცხრილი 8

მინიმალური ეფექტურობის მნიშვნელობა T8 და T5 სინათლის წყაროებისთვის

2. სინათლის წყაროებისთვის, რომელთა მომართვა შესაძლებელია განსხვავებული მახასიათებლებით სრული დატვირთვით შუქის გამოსხივებაზე, პარამეტრების მნიშვნელობები, რომლებიც განსხვავდება ამ მუხლით გათვალისწინებული მახასიათებლებისგან, უნდა იყოს აღნიშნული საცნობარო კონტროლის პარამეტრებში.

3. ინფორმაცია, რომელიც უნდა იყოს ნაჩვენები დოკუმენტაციაში შემცველი პროდუქტისთვის - იმ შემთხვევაში, თუ სინათლის წყარო ბაზარზე განთავსებულია შემცველი პროდუქტის ნაწილად, მისი ტექნიკური დოკუმენტაცია უნდა მოიცავდეს შემდეგ ინფორმაციას:

ა) შემავალი სინათლის წყარო(ები) და მათი ენერგოეფექტურობის კლასი;

ბ) მკაფიო და გასაგები ტექსტი, რომელიც უნდა იყოს თანდართული მომხმარებლის სახელძღვანელოში ან ინსტრუქციის ბუკლეტში:

„ეს პროდუქტი შეიცავს სინათლის წყაროს, რომლის ენერგოეფექტურობის კლასია <X>.

„X“ მნიშვნელობა აღნიშნავს შემავალი სინათლის წყაროს ენერგოეფექტურობის კლასს.

4. თუკი პროდუქტი შეიცავს ერთზე მეტ სინათლის წყაროს, ამ მუხლის მე-3 პუნქტით გათვალისწინებული წინადადება შეიძლება იყოს მითითებული მრავლობით რიცხვში ან განმეორდეს პროდუქტში შემავალი თითოეული სინათლის წყაროსთვის.

5. მიმწოდებლის უფასო წვდომის ვებ გვერდზე უნდა განთავსდეს პროდუქტის შესახებ შემდეგი ინფორმაცია:

ა) მითითებითი საკონტროლო პარამეტრები და საჭიროების შემთხვევაში, მათი დანერგვის ინსტრუქცია;

ბ) განათების კონტროლის ნაწილების და/ან იმ ნაწილების ამოღების, ასევე მათი გამორთვის ან ენერგიის მოხმარების შემცირების ინსტრუქცია, რომელიც არ გამოიყენება განათებისთვის;

გ) იმ შემთხვევაში, თუ სინათლის წყაროს გააჩნა დაბნელების შესაძლებლობა: რეოსტატის სია, რომელთანაც ის თავსებადია და სინათლის წყაროსა და რეოსტატის თავსებადობის სტანდარტ(ებ)ი, ასეთის არსებობის შემთხვევაში;

დ) იმ შემთხვევაში, თუ სინათლის წყარო შეიცავს ვერცხლისწყალს: ნამსხვრევების გასუფთავების ინსტრუქცია, შემთხვევითი გატეხვის დროს;

ე) ექსპლუატაციის ვადის გასვლის შემდეგ სინათლის წყაროს განადგურების შესახებ რეკომენდაცია.

6. ამ ტექნიკური რეგლამენტის პირველი მუხლის მე-5 პუნქტით გათვალისწინებული სინათლის წყაროების შეფუთვაზე, პროდუქტის შესახებ ინფორმაციასა და რეკლამაში აღნიშნული უნდა იყოს მათი დანიშნულება და მითითება, იმის შესახებ, რომ სინათლის წყარო არ არის გამიზნული სხვა/განსხვავებული გამოყენებისთვის.

7. პროექტირებული სინათლის გამოსხივების ზედაპირის ფართობი.

ნახაზი 1.

8. ტექნიკური დოკუმენტაციის ფაილი, რომელიც შედგენილია შესაბამისობის შეფასების მიზით, საქართველოს კანონის „ენერგოეტიკეტირების შესახებ“ მე-5 მუხლის მე-2 და მე-7 პუნქტების შესაბამისად, უნდა შეიცავდეს ტექნიკური პარამეტების სიას, რომელიც პროდუქტის დიზაინს აქცევს სპეციფიკურად იმისათვის, რომ ის კვალიფიცირდეს გამონაკლისად.

დანართი IV. ტექნიკური დოკუმენტაცია

1. ამ ტექნიკური რეგლამენტის მე-3 მუხლის პირველი პუნქტის „დ“ ქვეპუნქტში მითითებული სინათლის წყაროს ტექნიკური დოკუმენტაცია უნდა მოიცავდეს შემდეგ ინფორმაციას:

ა) მიმწოდებლის სახელი და მისამართი;

ბ) მიმწოდებლის მოდელის იდენტიფიკატორი;

გ) მითითება ბაზარზე განთავსებული ყველა ეკვივალენტური მოდელის და მისი იდენტიფიკატორის შესახებ;

დ) მიმწოდებლის უფლებამოსილი პირის საიდენტიფიკაციო მონაცემები და ხელმოწერა;

ე) მითითება ტექნიკური პარამეტრების განსაზღვრული მნიშვნელობების შესახებ. აღნიშნული მნიშვნელობები განიხილება როგორც განსაზღვრული მნიშვნელობები ამ ტექნიკური რეგლამენტის VII დანართით გათვალისწინებული შემოწმების პროცედურის მიზნებისთვის:

ე.ა) სასარგებლო სინათლის ნაკადი Φ_use ლმ-ში;

ე.ბ) ფერის გაცემის ინდექსი (CRI);

ე.გ) ჩართული რეჟიმის სიმძლავრე (P_on) ვტ-ში;

ე.დ) მიმართული სინათლის წყაროებისთვის (DLS) სხივის კუთხე გრადუსებში;

ე.ე) მიმართული სინათლის წყაროებისთვის (DLS) პიკური ნათების ინტენსივობა ცდ-ში;

ე.ვ) კორელაციური სინათლის ტემპერატურა (CCT) K-ში;

ე.ზ) ლოდინის რეჟიმის სიმძლავრე (P_sb) ვტ-ში, მათ შორის, როდესაც ის 0-ის ტოლია;

ე.თ) დაკავშირებული სინათლის წყაროებისთვის (CLS) ქსელური ლოდინის რეჟიმის სიმძლავრე (P_net) ვტ-ში;

ე.ი) LED და OLED სინათლის წყაროსთვის R9 ფერის გაცემის ინდექსის მნიშვნელობა;

ე.კ) LED და OLED სინათლის წყაროსთვის შენარჩუნების კოეფიციენტი;

ე.ლ) LED და OLED სინათლის წყაროსთვის სინათლის ნაკადის სტაბილურობის შენარჩუნების კოეფიციენტი;

ე.მ) LED და OLED სინათლის წყაროსთვის მითითებული ექსპლუატაციის ვადა L₇₀B₅₀;

ე.ნ) LED და OLED ქსელური სინათლის წყაროსთვის ჩანაცვლების კოეფიციენტი (cos φ1);

ე.ო) LED და OLED სინათლის წყაროსთვის ფერის სტაბილურობა მაკადამ ელიფსის (MacAdam ellipse) ნაბიჯებში;

ე.პ) მაღალი ნათების სინათლის წყაროს სიკაშკაშე ცდ/მმ²-ში;

ე.ჟ) LED და OLED სინათლის წყაროსთვის ციმციმის საზომი (PstLM);

ე.რ) LED და OLED სინათლის წყაროსთვის სტრობოსკოპული ეფექტის საზომი (SVM);

ე.ს) ფერის ტონის პირობითი სისუფთავე, მხოლოდ ფერის რეგულირებადი სინათლის წყაროსთვის (CTLS) ქვემოთ მოცემული ფერებისა და დომინანტური ტალღის სიგრძისთვის მოცემულ დიაპაზონში:

ფერი დომინანტური ტალღის სიგრძის დიაპაზონი

ლურჯი 440 მმ - 490 მმ

მწვანე 520 მმ - 570 მმ

წითელი 610 მმ - 670 მმ.

ვ) მითითება პარამეტრების საფუძველზე შესრულებული გამოთვლების შესახებ, რაც ასევე მოიცავს ენერგოეფექტურობის კლასის განსაზღვრას;

ზ) მითითება გამოყენებული საქართველოს სტანდარტებისა და მეტროლოგიის სააგენტოს შესაბამის ვებგვერდზე მოცემული სტანდარტების ან გაზომვის სხვა სტანდარტების შესახებ;

თ) მითითება ტესტირების პირობების შესახებ;

ი) მითითება საცნობარო კონტროლის პარამეტრებისა და მათი დანერგვის ინსტრუქციების შესახებ;

კ) განათების საკონტროლო ნაწილების და/ან იმ ნაწილების ამოღების, გამორთვის ან ენერგიის მოხმარების შემცირების შესახებ ინსტრუქცია, რომლებიც არ გამოიყენება განათებისთვის;

ლ) მითითება სპეციფიკური სიფრთხილის ზომების შესახებ, რაც აუცილებელია მოდელის აწყობის, დაყენების, ექსპლუატაციის ან ტესტირებისას.

დანართი V. ინფორმაცია, რომელიც უნდა იქნეს წარმოდგენილი ვიზუალურ რეკლამებში, ტექნიკურ სარეკლამო მასალაში დისტანციური გაყიდვებისა და ტელემარკეტინგის შემთხვევაში და არ მოიცავს ინტერნეტის მეშვეობით დისტანციურ გაყიდვებს

1. ამ ტექნიკური რეგლამენტის მე-3 მუხლის პირველი პუნქტის „ე“ ქვეპუნქტსა და მე-4 მუხლის პირველი პუნქტის „გ“ ქვეპუნქტთან შესაბამისობის უზრუნველსაყოფად, სინათლის წყაროს ვიზუალურ რეკლამებში ნაჩვენები უნდა იყოს ენერგოეფექტურობის კლასი და ეტიკეტზე არსებული ენერგოეფექტურობის კლასების სკალა, ამ მუხლის მე-4 პუნქტის შესაბამისად.

2. ამ ტექნიკური რეგლამენტის მე-3 მუხლის პირველი პუნქტის „ვ“ ქვეპუნქტის და მე-4 მუხლის პირველი პუნქტის „დ“ ქვეპუნქტთან შესაბამისობის უზრუნველსაყოფად, სინათლის წყაროს ტექნიკურ სარეკლამო მასალაში ნაჩვენები უნდა იყოს ენერგოეფექტურობის კლასი და ეტიკეტზე არსებული ენერგოეფექტურობის კლასების სკალა, ამ მუხლის მე-4 პუნქტის შესაბამისად.

3. სინათლის წყაროს დოკუმენტაციის საფუძველზე ნებისმიერი დისტანციური გაყიდვისას ნაჩვენები უნდა იყოს ენერგოეფექტურობის კლასი და ეტიკეტზე არსებული ენერგოეფექტურობის კლასების სკალა, ამ მუხლის მე-4 პუნქტის შესაბამისად.

4. ამ დანართით გათვალისწინებული ენერგოეფექტურობის კლასი და ენერგოეფექტურობის კლასების სკალა ნაჩვენები უნდა იყოს მეორე სურათის შესაბამისად, შემდეგი მოთხოვნების დაცვით:

ა) ენერგოეფექტურობის კლასის აღმნიშვნელი ასოს შემცველი ისარი 100% თეთრ ფერში, შრიფტი Calibri მუქი, ფასის მისათითებლად გამოყენებული შრიფტის ზომით;

ბ) ისრის ფერი შეესაბამება ენერგოეფექტურობის კლასის ფერს;

გ) ხელმისაწვდომი ენერგოეფექტურობის კლასების სკალა 100% შავ ფერში, და

დ) მკაფიო და გასაგები ზომის ენერგოეფექტურობის კლასის აღმნიშვნელ ისარში ასო განთავსებულია ისრის მართკუთხა ნაწილის ცენტრში, ისრის გარშემო 0,5 pt 100% შავ ფერში ხილული საზღვრით და ენერგოეფექტურობის კლასის აღმნიშვნელი ასო.

თუკი ვიზუალური რეკლამა, ტექნიკური სარეკლამო მასალა ან დოკუმენტაციის საფუძველზე დისტანციური გაყიდვის შემთხვევაში დაბეჭდილია მონოქრომულად, ისარი შეიძლება იყოს მონოქრომული.

სურათი 2

ფერადი/მონოქრომული მარცხნივ/მარჯვნივ ისარი, რომელზეც მითითებულია ენერგოეფექტურობის კლასების სკალა

5. ტელემარკეტინგის საფუძველზე დისტანციური გაყიდვის შემთხვევაში, მომხმარებელს უნდა მიეწოდოს ინფორმაცია ეტიკეტზე ხელმისაწვდომი პროდუქტის ენერგოეფექტურობის კლასის და ენერგოეფექტურობის კლასების სკალის შესახებ, ასევე დაბეჭდილი ასლის მოთხოვნის ან უფასოდ ხელმისაწვდომ ვებგვერდზე განთავსების გზით ეტიკეტზე და პროდუქტის შესახებ საინფორმაციო ცხრილზე წვდომის შესაძლებლობის შესახებ.

6. ამ დანართის პირველი, მე-2, მე-3 და მე-5 პუნქტებით გათვალისწინებულ შემთხვევებში, მომხმარებელს უფლება აქვს მოთხოვნის შემთხვევაში მიიღოს ეტიკეტის დაბეჭდილი ასლი და პროდუქტის შესახებ საინფორმაციო ცხრილი.

დანართი VI. ინტერნეტის გამოყენებით პროდუქტის გაყიდვის შემთხვევაში მისაწოდებელი ინფორმაცია

1. ამ ტექნიკური რეგლამენტის მე-3 მუხლის პირველი პუნქტის „ზ“ ქვეპუნქტის შესაბამისად მიმწოდებლის მიერ მიწოდებული ეტიკეტი საჩვენებელ მოწყობილობაზე უნდა განთავსდეს პროდუქტის ფასთან ახლოს. ამ მუხლის შესაბამისად წარმოსადგენი ეტიკეტის ზომა უნდა იყოს მკაფიო და გასაგები და უნდა შეესაბამებოდეს ამ ტექნიკური რეგლამენტის II დანართით განსაზღვრულ მოთხოვნებს. ეტიკეტი შეიძლება ნაჩვენები იყოს ჩასმული ეკრანის მეშვეობით. ასეთ შემთხვევაში გამოსახულება, რომლის მეშვეობითაც ხორციელდება ეტიკეტზე წვდომა უნდა აკმაყოფილებდეს ამ დანართის მე-3 პუნქტით დადგენილ მოთხოვნებს. ჩასმული ეკრანის გამოყენების შემთხვევაში, ეტიკეტი უნდა გამოჩნდეს მაუსზე ხელის პირველივე დაჭერაზე, მაუსის მოძრაობაზე ან სურათის სენსორული ეკრანის მეშვეობით გაფართოებით.

2. ჩასმული ეკრანის გამოყენების შემთხვევაში გამოსახულება, რომელიც გამოიყენება ეტიკეტის სანახავად, მე-3 სურათის შესაბამისად უნდა აკმაყოფილებდეს შემდეგ მოთხოვნებს:

ა) ისრის ფერი უნდა შეესაბამებოდეს ეტიკეტზე დატანილ პროდუქტის ენერგოეფექტურობის კლასს;

ბ) ისარზე პროდუქტის ენერგოეფექტურობის კლასი მითითებული უნდა იყოს 100% თეთრ ფერში, შრიფტი Calibri მუქი ფერის და იმავე შრიფტის ზომით, რაც ფასის მისათითებლად არის გამოყენებული;

გ) მითითებულია ხელმისაწვდომი ენერგოეფექტურობის კლასების სკალა 100% შავი ფერში; და

დ) გამოსახულება შეესაბამება შემდეგ დიზაინთაგან ერთ-ერთს, რომლის ზომა უნდა იყოს მკაფიო და გასაგები. ენერგოეფექტურობის კლასის ისარზე დატანილი ასო უნდა განთავსდეს ისრის მართკუთხა ნაწილის ცენტრში, 100% შავი ფერში ისრის გარშემო მოთავსებული ხილული საზღვრით და ენერგოეფექტურობის კლასის აღმნიშვნელი ასო:

სურათი 3

ფერადი მარცხენა/მარჯვენა ისარი, ენერგოეფექტურობის სკალით

3. ჩასმული ეკრანის გამოყენების შემთხვევაში, ეტიკეტის ჩვენება უნდა განხორციელდეს შემდეგი თანმიმდევრობით:

ა) ამ დანართის მე-2 პუნქტით გათვალისწინებული გამოსახულება საჩვენებელ მოწყობილობაზე უნდა განთავსდეს პროდუქტის ფასთან ახლოს;

ბ) გამოსახულება უნდა უკავშირდებოდეს ეტიკეტს, II დანართის შესაბამისად;

გ) ეტიკეტი უნდა გამოჩნდეს მაუსზე ხელის დაჭერით, მაუსის მოძრაობით ან სენსორული ეკრანის მეშვეობით გამოსახულების გაფართოებით;

დ) ეტიკეტი ეკრანზე უნდა გამოჩნდეს დაუყოვნებლივ, ახალ ფანჯარაში, ახალ გვერდზე ან ჩახურული ეკრანის გამოჩენით;

ე) სენსორულ ეკრანზე ეტიკეტის გასადიდებლად გამოიყენება სენსორული ეკრანზე გამოსახულების გადიდების საშუალებები;

ვ) ეტიკეტის უნდა ჩაიხუროს დახურვის ოფციის ან დახურვის სხვა სტანდარტული მექანიზმის მეშვეობით; და

ზ) გრაფიკული გამოსახულების ალტერნატიული ტექსტი, რომელიც ეკრანზე უნდა გამოჩნდეს იმ შემთხვევაში, როდესაც ეტიკეტი არ გამოჩნდა, არის პროდუქტის ენერგოეფექტურობის კლასი. მისი შრიფტის ზომა უნდა იყოს იგივე, რაც ფასის მისათითებლად არის გამოყენებული.

4. ამ ტექნიკური რეგლამენტის მე-3 მუხლის პირველი პუნქტის „თ“ ქვეპუნქტის შესაბამისად მიმწოდებლის მიერ მიწოდებული პროდუქტის შესახებ საინფორმაციო ცხრილი საჩვენებელ მოწყობილობაზე უნდა განთავსდეს პროდუქტის ფასთან ახლოს. პროდუქტის შესახებ საინფორმაციო ცხრილის ზომა უნდა იყოს მკაფიო და გასაგები. პროდუქტის შესახებ საინფორმაციო ცხრილი შეიძლება გამოსახული იყოს ჩასმული ეკრანის მეშვეობით. ასეთ შემთხვევაში ბმული, რომლის მეშვეობითაც ხორციელდება ეტიკეტზე წვდომა მკაფიოდ და გასაგებად უნდა შეიცავდეს მითითებას „პროდუქტის შესახებ საინფორმაციო ცხრილი“. ჩასმული ეკრანის გამოყენების შემთხვევაში, პროდუქტის შესახებ საინფორმაციო ცხრილი უნდა გამოჩნდეს მაუსის პირველივე დაჭერისთანავე, მაუსის მოძრაობით ან სენსორული ეკრანის მეშვეობით ბმულზე გადასვლით.

დანართი VII. ბაზარზე ზედამხედველობის განხორციელებისთვის საჭირო შემოწმების
პროცედურა

1. ტექნიკური რეგლამენტით განსაზღვრული დასაშვები გადახრა უკავშირდება მხოლოდ დეკლარირებული მნიშვნელობების შემოწმებას ხელშემკვრელი მხარის უფლებამოსილი ორგანოების მიერ და არ შეიძლება გამოყენებული იქნეს მიმწოდებლის მიერ როგორც ტექნიკურ დოკუმენტაციაში მისათითებელი მნიშვნელობის დასაშვები გადახრის,განსაზღვრის ან ინტერპრეტირების საშუალება შესაბამისობის მიღწევისან ნებისმიერი საშუალებით უკეთესი შესრულების კომუნიკაციის მიზნით. ეტიკეტზე ან პროდუქტის შესახებ საინფორმაციო ცხრილში (ფირფიტა) მოცემული მნიშვნელობები და კლასი არ შეიძლება მიმწოდებლისთვის იყოს უფრო ხელსაყრელი, ვიდრე ის მნიშვნელობები რომლებიც მოცემულია ტექნიკურ დოკუმენტაციაში.

2. ნებისმიერი მოდელი და ეკვივალენტი მოდელი ჩაითვლება შეუსაბამოდ იმ შემთხვევებში, როდესაც მოდელი შექმნილია იმგვარად, რომ მას შეუძლია დაადგინოს, რომ ის გადის ტესტირებას (მაგალითად, ტესტის პირობების ან ტესტის ციკლის იდენტიფიცირებით) და შესაბამისი რეაგირების გზით მისი მუშაობის შესრულებას ავტომატურად შეცვლის მთელი ტესტის განმავლობაში, რათა მიაღწიოს უფრო ხელსაყრელ დონეს ამ რეგლამენტში აღნიშნულ ან ტექნიკურ დოკუმენტაციაში, ან ნებისმიერ მოწოდებულ დოკუმენტაციაში მითითებულ პარამეტრებთან დასაახლობლად.

3. ამ დანართის 4(ა) და 4(ბ) პუნქტებისთვის უფლებამოსილი ორგანო ამოწმებს მოდელის ერთ ერთეულს. ამ დანართის 4 (გ) პუნქტისთვის უფლებამოსილმა ორგანომ უნდა შეამოწმოს სინათლის წყაროს მოდელის ათი ერთეული. ამ დანართის ცხრილი 9 ასახავს დასაშვებ გადახრას.

4. მოდელი ჩაითვლება მოქმედ მოთხოვნებთან შესაბამისობაში, თუ:

ა) ენერგოეტიკეტირების შესახებ საქართველოს კანონის მე-5 მუხლის მე-7 პუნქტის შესაბამისად დეკლარირებული მნიშვნელობები და ამ მნიშვნელობების გამოსათვლელად გამოყენებული მნიშვნელობები, ასეთის არსებობის შემთხვევაში, არ არის უფრო ხელსაყრელი მიმწოდებლისთვის, ვიდრე გამოცდის ანგარიშებში მითითებული შესაბამისი მნიშვნელობები; და

ბ) ეტიკეტზე და პროდუქტის საინფორმაციო ცხრილში გამოქვეყნებული მნიშვნელობები არ არის უფრო ხელსაყრელი მიმწოდებლისთვის, ვიდრე დეკლარირებული მნიშვნელობები, ხოლო მითითებული ენერგოეფექტურობის კლასი არ არის უფრო ხელსაყრელი მიმწოდებლისთვის, ვიდრე დეკლარირებული მნიშვნელობებით განსაზღვრული კლასი; და

გ) როდესაც უფლებამოსილი ორგანოები ამოწმებენ მოდელის ერთეულებს, განსაზღვრული მნიშვნელობები უნდა შეესაბამებოდეს შესაბამის დასაშვებ გადახრას, როგორც მოცემულია ცხრილი 9-ში, სადაც „განსაზღვრული მნიშვნელობა“ ნიშნავს გარკვეული პარამეტრის გაზომილი მნიშვნელობების ტესტირებული ერთეულების საშუალო არითმეტიკულს ან სხვა გაზომილი მნიშვნელობებიდან მიღებული პარამეტრის მნიშვნელობების საშუალო არითმეტიკულ მნიშვნელობას.

5. თუ მე-4 პუნქტის „ა“, „ბ“ ან „გ“ პუნქტში მითითებული შედეგები არ არის მიღწეული, ჩაითვლება, რომ მოდელი და არც ერთი მისი ეკვივალენტი მოდელი არ შეესაბამება ამ ტექნიკურ რეგლამენტს.

6. უფლებამოსილმა პირმა უნდა მიაწოდოს ყველა საჭირო ინფორმაცია ენერგეტიკული გაერთიანების ხელშემკვრელი მხარეების უფლებამოსილ ორგანოებს და ენერგეტიკული გაერთიანების სამდივნოს ამ დანართის მე-5 პუნქტის შესაბამისად მოდელის შეუსაბამობის შესახებ გადაწყვეტილების მიღებიდან დაუყოვნებლივ.

უფლებამოსილმა პირმა ამ დანართის მოთხოვნებისთვის უნდა გამოიყენოს მხოლოდ ცხრილი 9-ში მითითებული დასაშვები გადახრები და ამ დანართის პირველი-მეხუთე პუნქტებით გათვალისწინებული პროცედურები. დაუშვებელია სხვა სტანდარტებში ან გაზომვის სხვა მეთოდებში მითითებული გადახრების გამოყენება.

ცხრილი 9
დასაშვები გადახრა

უფლებამოსილი ორგანოების მიერ ჩატარებული გადამოწმების ტესტები უნდა ითვალისწინებდეს 50 სმ სიგრძეს წრფივი გეომეტრიის მქონე სინათლის წყაროებისთვის, რომლებიც გაზომვადია და აქვთ რელევანტური სიგრძე, როგორიცაა LED შუქდიოდური ლენტები ან სიმები. თუ სინათლის წყარო არ არის გაზომვადი, უნდა იქნეს გამოყენებული მნიშვნელობა უახლოეს 50 სმ-მდე. სინათლის წყაროს მომწოდებელმა უნდა მიუთითოს, რომელი საკონტროლო მექანიზმია შესაფერისი კონკრეტული სიგრძისთვის.

იმისათვის, რომ დადგინდეს, არის თუ არა პროდუქტი სინათლის წყარო, უფლებამოსილმა ორგანოებმა პირდაპირ უნდა შეადარონ ყოველგვარი დასაშვები გადახრის დაშვების გარეშე ქრომატულობის კოორდინატების (x და y), მანათობელი ნაკადის, მანათობელი ნაკადის სიმკვრივისა და ფერის გაცემის ინდექსის გაზომილი მნიშვნელობები, ამ რეგლამენტის მე-2 მუხლის სინათლის წყაროს განმარტებაში მითითებულ ზღვრულ მნიშვნელობებთან. პროდუქტის მოდელი ჩაითვლება სინათლის წყაროდ, თუ ნიმუშის ათი ერთეულიდან რომელიმე დააკმაყოფილებს საჭირო მოთხოვნებს.

მართვის საკონტროლო პარამეტრით შეფასებული უნდა იყოს ის სინათლის წყაროები, რომლებიც აძლევენ საბოლოო მომხმარებელს საშუალებას ავტომატიზირებულად ან მექანიკურად, პირდაპირ ან დისტანციურად აკონტროლოს გამომუშავებული სინათლის სიკაშკაშე, ფერი, შესაბამისი ფერის ტემპერატურა, სპექტრი და/ან სხივის კუთხე.