1. წინამდებარე სახელმძღვანელო დოკუმენტი შემუშავებულია ,,პროდუქციისა და მომსახურების სერტიფიკაციის შესახებ“, ,,გაზომვათა ერთიანობის უზრუნველყოფის შესახებ“ საქართველოს კანონების შესაბამისად, ეყრდნობა სსტ ენ 45001 : 2006, სსტ ისო/იეკ 17025:2006 სტანდარტებს და ადგენს მოთხოვნებს, რომელსაც უნდა შეესაბამებოდეს ტესტირების (საგამოცდო), მათ შორის, ანალიზური, გამზომი ლაბორატორიები, დაკალიბრების, მეტროლოგიური დამოწმების ლაბორატორიები (შემდგომში – ლაბორატორიები), რათა წინამდებარე დოკუმენტის და დამატებით სსტ ენ 45001 : 2006 ან სსტ ისო/იეკ 17025:2006 სტანდარტების (სტანდარტი შეირჩევა ლაბორატორიის მიერ) მოთხოვნათა შესაბამისად, ისინი აღიარებულ იქნენ ტექნიკურ კომპეტენტურობაზე ან ტექნიკური კომპეტენტურობასა და დამოუკიდებლობაზე, განსაზღვრული საქმიანობის სფეროში შესაბამისი სამუშაოების ჩასატარებლად.
2. წინამდებარე სახელმძღვანელო დოკუმენტი განკუთვნილია გამოსაყენებლად:
ა) სსიპ აკრედიტაციის ერთიანი ეროვნული ორგანო – აკრედიტაციის ცენტრის მიერ (შემდგომში – აკრედიტაციის ცენტრი) ლაბორატორიების აკრედიტაციისათვის;
ბ) ლაბორატორიებისათვის – აკრედიტაციისათვის მომზადების დროს და შემდგომი საქმიანობის განსახორციელებლად აკრედიტაციის კრიტერიუმების შესაბამისად.
3. ლაბორატორიების აკრედიტაციის ჩასატარებლად გამოსაყენებელი დოკუმენტების ფორმები მოცემულია წინამდებარე სახელმძღვანელო დოკუმენტში დანართების სახით