მუხლი 5. ხანძარსაწინააღმდეგო სამმართველო თავისი კომპეტენ­ციის ფარგლებში:

ა) ორგანიზებას უწევს და აკონტროლებს ადგილობრივი თვითმმართველობის ორგანოების სახანძრო დაცვის დანაყოფებში სახელმწიფო სახანძრო ზედამხედველობის განხორციელებას;
ბ) ორგანიზებას უწევს და ახორციელებს ზედამხედველობის ობიექტების შემოწმებას, მათ შორის აღმასრულებელი ხელისუფლების და ადგილობრივი თვითმმართველობის ორგანოების მიერ სახანძრო უსაფრთხოების მოთხოვნების შესრულებას;
გ) დამოუკიდებლად ან დაინტერესებულ ორგანიზაციებთან ერთად შეიმუშავებს, ასევე განიხილავს აღმასრულებელი ხელისუფლების, ადგილობრივი თვითმმართველობის ორგანოების და სახელმწიფო ხანძარსაწინააღმდეგო ზედამხედველობის უფლებამოსილი ორგანოების მიერ მომზადებული ნორმატიული აქტების პროექტებს სახანძრო უსაფრთხოების სფეროში;
დ) სახანძრო უსაფრთხოების მოთხოვნებიდან დასაბუთებული გადახვევებისას ან აღნიშნული მოთხოვნების არარსებობისას განიხილავს და შეითანხმებს მშენებლობის და ტექნიკური გადაიარაღების საპროექტო დოკუმენტაციას. ცალკეულ შემთხვევებში, სახელმწიფო ხანძარსაწინააღმდეგო ზედამხედველობის შესაბამის ორგანოს წერილობით ანიჭებს ამ დოკუმენტაციის შეთანხმების უფლებას;
ე) მონაწილეობს მშენებლობადამთავრებული (რეკონსტრუირებული) ობიექტების მიმღები კომისიების მუშაობაში;
ვ) სახანძრო უსაფრთხოების მოთხოვნების შესაბამისობის ფარგლებში ატარებს მშენებლობისა და ტექნიკური გადაიარაღების საპროექტო დოკუმენტაციის განხილვას;
ზ) სახანძრო უსაფრთხოების მოთხოვნათა ნაწილში შეითანხმებს სახელმწიფო ხელისუფლების ორგანოების გადაწყვეტილებათა თანახმად ინვესტიციებით გათვალისწინებულ ისეთ პროექტებს, რომლებიც თავისი არსით ხასიათდება მომეტებული სახანძრო საშიშროებით;
თ) აუქმებს (შეცვლის) ქვემდგომი სახელმწიფო ინსპექტორის მიერ გამოცემული სახანძრო უსაფრთხოების მოთხოვნათა დარღვევის აღმოფხვრის მიწერილობაში, ადმინისტრაციული სახდელის დაკისრების დადგენილებაში, შენობა-ნაგებობების და სათავსების ექსპლუატაციის, ცალკეული სახის სამუშაოების ჩატარების მთლიანად ან ნაწილობრივ შეჩერების შესახებ მიწერილობებში მითითებულ და სხვა არაკანონიერ, დაუსაბუთებელ გადაწყვეტილებებს;
ი) აწვდის ინფორმაციას სახელმწიფო ხელისუფლების და ადგილობრივი თვითმმართველობის ორგანოებს დასახლებული პუნქტების და ზედამხედველობის ობიექტების სახანძრო უსაფრთხოების მდგომარეობის შესახებ;
კ) დადგენილი წესით განიხილავს ნორმატიული დოკუმენტებით და დაპროექტების ნორმებით დადგენილ სახანძრო უსაფრთხოების მოთხოვნებიდან გადახვევების მაკომპენსირებელ ხანძარსაწინააღმდეგო ღონისძიებებს;
ლ) ატარებს სახანძრო უსაფრთხოების შესახებ ნორმატიული დოკუმენტების მოთხოვნათა გამოყენების მონიტორინგს;
მ) ახორციელებს სახელმწიფო სახანძრო ზედამხედველობის საქმიანობის შეჯამებას, შეჯერებას და ანალიზს;
ნ) კოორდინირებას უწევს სახანძრო უსაფრთხოების სფეროში ტერიტორიული ნორმატიული დოკუმენტების შექმნას;
ო) შეისწავლის და ავრცელებს სახელმწიფო სახანძრო ზედამხედველობის განხორციელების დადებით გამოცდილებას, ახალ ეფექტურ ფორმებსა და მეთოდებს;
პ) განაზოგადებს საზედამხედველო საქმიანობის პრაქტიკას და ამზადებს წინადადებებს სახელმწიფო სახანძრო ზედამხედველობის განხორციელებისა და ორგანიზების სფეროში მაკორექტირებელი ღონისძიებათა ჩასატარებლად;
ჟ) ახორციელებს საქართველოს კანონმდებლობით დადგენილ სახელმწიფო ხანძარსაწინააღმდეგო ზედამხედველობის სხვა ფუნქციებს