მუხლი 2. კონკურსის/ატესტაციის ამოცანები და პრინციპები

1. კონკურსის/ატესტაციის ამოცანებია:
ა) კანდიდატის/მოხელის კვალიფიკაციის, პროფესიული დონის, შესაძლებლობებისა და პიროვნული თვისებების შეფასება;
ბ) კანდიდატის/მოხელის პროფესიული ჩვევების, კვალიფიკაციის, შესაძლებლობებისა და პიროვნული თვისებების დასაკავებელი/დაკავებული თანამდებობის მოთხოვნებთან შესაბამისობის დონის განსაზღვრა;
გ) მოხელის მიერ საატესტაციო პერიოდში შესრულებული პროფესიული სამსახურებრივი საქმიანობის შეფასება;
დ) მოხელისათვის საკლასო ჩინისა და სპეციალური წოდების მინიჭებასა ან ჩამორთმევასთან დაკავშირებით გადაწყვეტილების მიღება;
ე) მოხელის პროფესიული დონის გამოყენების პერსპექტივების განსაზღვრა;
ვ) მოხელის კვალიფიკაციის ამაღლების, პროფესიული მომზადების ან გადამზადების საჭიროების დადგენა;
ზ) მოხელის პროფესიული ზრდის სტიმულირება;
თ) მოხელეთა კარიერის დაგეგმვა და მართვა.
2.  კონკურსის/ატესტაციის პრინციპებია:
ა) ობიექტურობა – კონკურსის/ატესტაციის პროცედურები უნდა იყოს არადისკრიმინაციული და მაქსიმალურად გამოირიცხოს სუბიექტური გადაწყვეტილების შესაძლებლობა;
ბ) გამჭვირვალეობა – გამოყენებული პროცედურები, მეთოდები და შეფასების კრიტერიუმები უნდა იყოს ნათლად ფორმულირებული, გასაგები და აღქმადი ყველა კანდიდატისთვის/მოხელისთვის;
გ) არადისკრიმინაციულობა – კონკურსის/ატესტაციის პროცედურები უნდა უზრუნველყოფდეს მოქალაქეთა თანასწორობას განურჩევლად რასის, სქესის, რელიგიის, პოლიტიკური და სხვა შეხედულებებისა, საზოგადოებაში მათი მდგომარეობის, ეროვნული, ეთნიკური და სოციალური კუთვნილებისა;
დ) საჯაროობა – კონკურსის/ატესტაციის პროცედურასთან დაკავშირებული სამართლებრივი აქტები, კომისიის სხდომის ოქმები და კონკურსის/ატესტაციის შედეგები ხელმისაწვდომი უნდა იყოს ყველა დაინტერესებული პირისათვის;
ე) კოლეგიურობა – კონკურსის/ატესტაციის ეტაპები უნდა ჩატარდეს და შედეგები უნდა დამტკიცდეს კომისიის მიერ;
ვ) კორექტულობა – კონკურსის/ატესტაციის ჩატარების ფორმები და მეთოდები, დასმული შეკითხვები უნდა იყოს კორექტული, კომისია უნდა იყოს კეთილგანწყობილი და არ ახდენდეს კანდიდატზე/მოხელეზე ფსიქოლოგიურ ზეწოლას.
თავი II
საკონკურსო-საატესტაციო კომისი