„საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ“

პროექტი საქართველოს კანონი საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ მუხლი 1. „ადმინისტრაციულ სამართალდარღვევათა კოდექსში“ (საქართველოს სსრ უმაღლესი საბჭოს უწყებები, №12, 1984 წელი, მუხ. 421) შეტანილ იქნეს შემდეგი ცვლილება: 1. მე-16 მუხლის: ა) სათაური ჩამოყალიბდეს შემდეგი რედაქციით: „მუხლი 16. სამხედრო მოსამსახურეთა და სხვა პირთა პასუხისმგებლობა ადმინისტრაციულ სამართალდარღვევათა ჩადენისათვის, რომლებზედაც ვრცელდება სპეციალური დისციპლინური ნორმები“; ბ) პირველი ნაწილი ჩამოყალიბდეს შემდეგი რედაქციით: „1. სამხედრო მოსამსახურეს, სარეზერვო სამხედრო სამსახურში გაწვეულ პირს, საქართველოს შინაგან საქმეთა სამინისტროს მოსამსახურეს და საქართველოს სახელმწიფო უსაფრთხოების სამსახურის მოსამსახურეს ადმინისტრაციული სამართალდარღვევის ჩადენისათვის პასუხისმგებლობა დაეკისრებათ სპეციალური დისციპლინური ნორმების მიხედვით, ხოლო ამ კოდექსით გათვალისწინებული საგზაო მოძრაობის წესების, ნადირობის, თევზჭერისა და თევზის მარაგის დაცვის წესებისა და საქართველოს საბაჟო კანონმდებლობის დარღვევისათვის, ამ კოდექსის 45-ე და 451 მუხლებით გათვალისწინებული ადმინისტრაციული სამართალდარღვევების ჩადენისათვის ადმინისტრაციული პასუხისმგებლობა დაეკისრებათ საერთო საფუძველზე, გარდა ამ მუხლის 11 ნაწილით გათვალისწინებული შემთხვევებისა. აღნიშნულ პირებს არ შეიძლება შეეფარდოთ გამასწორებელი სამუშაოები.“; გ) 11 და მე-2 ნაწილები ჩამოყალიბდეს შემდეგი რედაქციით: „11. ამ კოდექსის 45-ე, 451, 1151, 1184, 116-ე, 166-ე და 173-ე მუხლებით გათვალისწინებული სამართალდარღვევების ჩადენისთვის საქართველოს შინაგან საქმეთა სამინისტროს მოსამსახურეს, საქართველოს თავდაცვის სამინისტროს სისტემის სამხედრო მოსამსახურეს და საქართველოს სახელმწიფო უსაფრთხოების სამსახურის მოსამსახურეს ადმინისტრაციული პასუხისმგებლობა დაეკისრებათ საერთო საფუძველზე, აგრეთვე სპეციალური დისციპლინური ნორმების მიხედვით. 2. სხვა პირებს, ამ მუხლის პირველ ნაწილში ჩამოთვლილთა გარდა, რომლებზედაც ვრცელდება სპეციალური დისციპლინური ნორმების მოქმედება, უშუალოდ ამ სპეციალური დისციპლინური ნორმებით გათვალისწინებულ შემთხვევებში ადმინისტრაციულ სამართალდარღვევათა ჩადენისათვის დაეკისრებათ დისციპლინური პასუხისმგებლობა, ხოლო დანარჩენ შემთხვევებში – ადმინისტრაციული პასუხისმგებლობა საერთო საფუძველზე.“. 2. 32-ე მუხლის პირველი და მე-2 ნაწილები ჩამოყალიბდეს შემდეგი რედაქციით: „1. ადმინისტრაციული პატიმრობა დადგინდება და გამოიყენება მხოლოდ გამონაკლის შემთხვევებში, ადმინისტრაციული სამართალდარღვევებისათვის 15 დღემდე ვადით. პირს ადმინისტრაციულ პატიმრობას შეუფარდებს შესაბამისი რაიონის (ქალაქის) სასამართლოს მოსამართლე. 2. სამხედრო მოსამსახურის მიერ ამ კოდექსის 45-ე და 166-ე მუხლებით გათვალისწინებულ ადმინისტრაციულ სამართალდარღვევათა ჩადენის შემთხვევაში ადმინისტრაციული პატიმრობის შეფარდების თაობაზე საქმეს სასამართლო განიხილავს საქართველოს თავდაცვის სამინისტროს სამხედრო პოლიციის დეპარტამენტის შესაბამისი უფლებამოსილი პირის წარდგინების საფუძველზე. ყველა დანარჩენ შემთხვევაში ადმინისტრაციული პატიმრობის შეფარდების თაობაზე სასამართლოს მიმართავს საქართველოს შინაგან საქმეთა სამინისტროს შესაბამისი უფლებამოსილი პირი.“. 3. 194-ე მუხლის შემდგომ დაემატოს შემდეგი შინაარსის 1941 მუხლი: ,,მუხლი 1941. საქართველოს თავდაცვის კოდექსით გათვალისწინებული მშენებლობისა და სხვა საქმიანობის აკრძალვა საქართველოს თავდაცვის სამინიტროსთან შეთანხმების გარეშე ნებისმიერი საქმიანობა ან/და მშენებლობა საქართველოს თავდაცვის სამინისტროს ობიექტიდან დასახლებულ ზონაში სამინისტროს ობიექტიდან 100 მეტრის რადიუსში, ხოლო დაუსახლებელ ზონაში სამინისტროს ობიექტიდან 300 მეტრის რადიუსში გამოიწვევს ფიზიკური პირის დაჯარიმებას 500 ლარის, ხოლო იურიდიული პირის დაჯარიმებას 1000 ლარის ოდენობით.”. 4. 1961 მუხლი ჩამოყალიბდეს შემდეგი რედაქციით: „მუხლი 1961. წვევამდელთა (პირველად) სამხედრო აღრიცხვასთან დაკავშირებით მუნიციპალიტეტის მერიის, ხოლო ქალაქ თბილისის მუნიციპალიტეტში – ქალაქ თბილისის მუნიციპალიტეტის რაიონის გამგეობის უფლებამოსილი თანამდებობის პირის გამოძახებით მოქალაქის გამოუცხადებლობა წვევამდელთა (პირველად) სამხედრო აღრიცხვასთან დაკავშირებით მუნიციპალიტეტის მერიის, ხოლო ქალაქ თბილისის მუნიციპალიტეტში – ქალაქ თბილისის მუნიციპალიტეტის რაიონის გამგეობის უფლებამოსილი თანამდებობის პირის გამოძახებით მოქალაქის საპატიო მიზეზის გარეშე გამოუცხადებლობა,გამოიწვევს დაჯარიმებას 1000 ლარის ოდენობით.“. 5. 1966 მუხლის შემდეგ დაემატოს შემდეგი შინაარსის 1967 მუხლი: ,,მუხლი 1967. წვევამდელის სამხედრო აღრიცხვაზე არმყოფი პირის საზღვარგარეთ საქართველოს დიპლომატიური წარმომადგენლობაში ან/და საკონსულო დაწესებულებაში გამოუცხადებლობა საზღვარგარეთ 6 თვეზე მეტი ვადით წასვლის შემთხვევაში, საქართველოს საზღვრის გადაკვეთიდან 2 კვირის ვადაში, წვევამდელის სამხედრო აღრიცხვაზე აყვანის მიზნით, წვევამდელის სამხედრო აღრიცხვაზე არმყოფი პირის საზღვარგარეთ საქართველოს დიპლომატიურ წარმომადგენლობაში ან/და საკონსულო დაწესებულებაში გამოუცხადებლობა, გამოიწვევს დაჯარიმებას 1000 ლარის ოდენობით.“. 6. 1971 მუხლის სათაური და პირველი ნაწილი ჩამოყალიბდეს შემდეგი რედაქციით: „მუხლი 1971. წვევამდელთა ეროვნულ სამხედრო სამსახურში გაწვევისაგან თავის არიდების მიზნით გამწვევ კომისიაში გამოუცხადებლობა 1. წვევამდელთა ეროვნულ სამხედრო სამსახურში გაწვევისაგან თავის არიდების მიზნით გამწვევ კომისიაში გამოუცხადებლობა, გამოიწვევს დაჯარიმებას 1000 ლარის ოდენობით.“. 7. 1972 მუხლი ამოღებულ იქნეს. 8. 1973 მუხლის სათაური და პირველი ნაწილი ჩამოყალიბდეს შემდეგი რედაქციით: „მუხლი 1973. სარეზერვო სამხედრო სამსახურში გამოუცხადებლობა სარეზერვო სამხედრო სამსახურისთვის თავის არიდების მიზნით 1. პირის მიერ სარეზერვო სამხედრო სამსახურში გამოუცხადებლობა სარეზერვო სამხედრო სამსახურისთვის თავის არიდების მიზნით, – გამოიწვევს დაჯარიმებას 500 ლარის ოდენობით.“. 9. 198-ე მუხლის შემდეგ დაემატოს შემდეგი შინაარსის 1981 მუხლი: „მუხლი 1981. თავდაცვის სამინისტროს სისტემაში დადგენილი ფორმის ტანსაცმლისა და მისი განმასხვავებელი ნიშნების უკანონოდ ტარება პირის მიერ, რომელიც არ არის სამხედრო მოსამსახურე, საქართველოს თავდაცვის სამინისტროს სისტემაში დადგენილი ფორმის ტანსაცმლისა და მისი განმასხვავებელი ნიშნების უკანონოდ ტარება, გამოიწვევს დაჯარიმებას 1000 ლარის ოდენობით.“. 10. 208-ე მუხლი ჩამოყალიბდეს შემდეგი რედაქციით: „მუხლი 208. რაიონული (საქალაქო) სასამართლოს სამართალდარღვევათა საქმეები განსჯადი ადმინისტრაციულ რაიონული (საქალაქო) სასამართლო განიხილავს იმ ადმინისტრაციულ სამართალდარღვევათა საქმეებს, რომლებიც გათვალისწინებულია ამ კოდექსის 43-ე მუხლის მე-2 ნაწილით, 431 −443 , 445 , 44 7 −4411 , 45-ე−464 , 48-ე, 49-ე, 501 , 51-ე−554 , 56-ე, 57-ე−59-ე, 592 −მე-60, 603 −611 , 63-ე−65-ე, 66-ე−69-ე, 71ე, 711 , 721 −78-ე, 791 −მე-80, 821 , 822 , 825 , 84-ე−86-ე, 871 −893 , 912 , 913 , 94-ე, 95-ე, 99-ე, 1001 , 1002 , 1031 , 104-ე და 1051 მუხლებით, 116-ე მუხლის მე-3, მე-5, მე-6, მე-8 და მე-9 ნაწილებით, 1271 მუხლის მე-5 ნაწილით, 1281 −1286 , 143-ე, 144-ე, 14410 , 145-ე, 1461 , 148-ე, 150-ე, 1501 , 151-ე, 152-ე, 1522 , 153-ე, 1531 და 1533 −1535 მუხლებით, 1536 მუხლის მე-2 და მე-5 ნაწილებით, 154-ე−1542 , 1551 და 1552 მუხლებით, 1553 მუხლის მე-11−მე-20 ნაწილებით, 1556 მუხლის მე-3−მე-5 ნაწილებით, 1557 −156-ე და 1571 −158 1 მუხლებით, 1585 მუხლის მე-3 და მე-4 ნაწილებით, 159-ე, 1591 , 1594 −15910 , 163-ე, 164-ე, 1644 , 165 1 −1653 , 166-ე, 1661 და 1701 მუხლებით, 171-ე მუხლის მე-3 ნაწილით, 1712 −1714 მუხლებით, 171 5 მუხლის პირველი, მე-2, მე-4−მე-6, მე-8 და მე-9−მე-18 ნაწილებით, 172-ე, 1724 −1726 , 173-ე, 1734 −173 7 , 1739 , 17314 , 17315 და 1741 მუხლებით, 17415 მუხლის მე-4 ნაწილით, 1751 და 1752 მუხლებით, 177-ე მუხლის მე-4, მე-5, მე-8, მე-12 და მე-13 ნაწილებით, 1778 , 1779 , 17711 და 17712 მუხლებით, 177 13 მუხლით (მხოლოდ ამ კოდექსის 245-ე მუხლის 41 ნაწილით გათვალისწინებულ შემთხვევაში), 178ე, 1791 −1793 და 180-ე მუხლებით, 1811 მუხლის მე-2 ნაწილით, 182-ე, 183-ე, 187-ე, 1871 , 189-ე, 192-ე, 195-ე, 1963 , 1966 , და 1971 მუხლებით, 1973 მუხლის მე-2 ნაწილითა და 1991 მუხლით.“. 11. 2093 მუხლის პირველი ნაწილის შემდეგ დაემატოს შემდეგი შინაარსის 11 ნაწილი: ,,11. ამ კოდექსის 1961, 1967, 197-ე და 198-ე მუხლებით გათვალისწინებული ადმინისტრაციული სამართალდარღვევათა საქმეების განხილვისა და ადმინისტრაციული სახდელების დადების უფლება აქვს მუნიციპალიტეტის მერს/თბილისის რაიონის გამგებელს ან მის მიერ უფლებამოსილ მუნიციპალიტეტის შესაბამისი ორგანოს საჯარო მოსამსახურეს.“. 12. 220-ე მუხლი ჩამოყალიბდეს შემდეგი რედაქციით: „მუხლი 220. საქართველოს თავდაცვის სამინისტროს ორგანოები 1. საქართველოს თავდაცვის სამინისტროს ორგანოები, კომპეტენციის ფარგლებში, განიხილავენ იმ ადმინისტრაციულ სამართალდარღვევათა საქმეებს, რომლებიც გათვალისწინებულია ამ კოდექსის 45-ე, 451 მუხლებით, 119-ე მუხლის პირველი ნაწილით, 125-ე მუხლის პირველი - მე-2 ნაწილებით, 166-ე, 1711 (თავდაცვის ძალების დაწესებულების შენობა-ნაგებობაში ჩადენილი დარღვევებისათვის), 1941, 1973 მუხლის პირველი ნაწილის და 1981 მუხლებით. 2. ადმინისტრაციულ სამართალდარღვევათა საქმეების განხილვისა და ადმინისტრაციული სახდელის დადების უფლება აქვთ საქართველოს თავდაცვის მინისტრის სამართლებრივი აქტით განსაზღვრულ სუბიექტებს. 3. იმ ადმინისტრაციული სამართალდარღვევების ოქმებს, რომლებისთვისაც შეიძლება დადებულ იქნეს ადმინისტრაციული სახდელები სატრანსპორტო საშუალების მართვის უფლების შეჩერების სახით, საქართველოს თავდაცვის სამინისტრო გადასცემს საპატრულო პოლიციის დეპარტამენტს.“. 13. 239-ე მუხლის: ა) მე-13 ნაწილი ჩამოყალიბდეს შემდეგი რედაქციით: „13. ამ კოდექსის 4210 , 45-ე, 451 , 583 , 861 , 1002 , 107-ე, 1075 , 1141 , 1142 , 1151 , 116-ე–1163 და 118-ე−123ე მუხლებით, 125-ე მუხლით (გარდა ამ კოდექსის 125-ე მუხლის მე-16 ნაწილისა), 127-ე მუხლით, 127 1 მუხლის პირველი–მე-2 და მე-6−მე-7 ნაწილებით, 134-ე, 1352 −1354 , 1395 , 150-ე, 1527 , 1528 და 1533 მუხლებით, 1536 მუხლის მე-2 და მე-5 ნაწილებითა და 166-ე, 167-ე, 173-ე, 17314 , 17315 , 1741 , 17415 −174 18 , 1752 , 1761 , 1763 , 177-ე, 1771 , 17715 , 180-ე–183-ე, 190-ე, 1902 , 191-ე და 1991 მუხლებით გათვალისწინებული ადმინისტრაციული სამართალდარღვევის ჩადენისას შესაბამისი ადმინისტრაციული სამართალდარღვევის ოქმს ადგენს საქართველოს შინაგან საქმეთა ორგანო;“; ბ) 53-ე ნაწილი ჩამოყალიბდეს შემდეგი რედაქციით: „53. საქართველოს თავდაცვის სამინისტროს სისტემის სამხედრო მოსამსახურის მიერ ამ კოდექსის 45-ე, 451, 166-ე, 1711 (საქართველოს თავდაცვის ძალების დაწესებულების შენობა-ნაგებობაში ჩადენილი დარღვევებისათვის) და 1973 მუხლის პირველი ნაწილით, აგრეთვე პირის მიერ ამ კოდექსის 1941 და 1981 მუხლებით გათვალისწინებული ადმინისტრაციული სამართალდარღვევების ჩადენის შემთხვევაში, ადმინისტრაციულ სამართალდარღვევათა ოქმს ადგენს საქართველოს თავდაცვის სამინისტროს სამხედრო პოლიციის დეპარტამენტის შესაბამისი უფლებამოსილი პირი.“; გ) 66-ე ნაწილი ჩამოყალიბდეს შემდეგი რედაქციით: „66. ამ კოდექსის 1961, 1967, 197-ე და 198-ე მუხლებით გათვალისწინებული ადმინისტრაციულ სამართალდარღვევათა საქმეების განხილვისა და ადმინისტრაციული სახდელების დადების უფლება აქვს მუნიციპალიტეტის მერს/თბილისის რაიონის გამგებელს ან მის მიერ უფლებამოსილ მუნიციპალიტეტის შესაბამისი ორგანოს საჯარო მოსამსახურეს.“. 14. 243-ე მუხლის მე-4 ნაწილი ჩამოყალიბდეს შემდეგი რედაქციით: „4. ისეთი სამართალდარღვევის ჩადენისას, რომელიც დაკავშირებულია დაცული ობიექტის ხელყოფასთან ან აღნიშნულ ობიექტზე არსებული სარეჟიმო მოთხოვნების დარღვევასთან, სახელმწიფო და საზოგადოებრივი ქონების ხელყოფასთან, დამრღვევი შესაბამისად პოლიციის, სახელმწიფო დაცვის სპეციალური სამსახურის დაცვის მუშაკებმა შეიძლება მიიყვანონ პოლიციაში სამართალდარღვევის აღსაკვეთად, დამრღვევის პიროვნების დასადგენად და სამართალდარღვევის ოქმის შესადგენად.“. 15. 246-ე მუხლის „ა“ და ,,ბ“ ქვეპუნქტები ჩამოყალიბდეს შემდეგი რედაქციით: „ა) შინაგან საქმეთა ორგანოებს – წვრილმანი ხულიგნობის, შეკრების ან მანიფესტაციის ორგანიზებისა და ჩატარების წესის დარღვევის, პოლიციის მუშაკის, სამხედრო მოსამსახურის ან სპეციალური პენიტენციური სამსახურის მოსამსახურის ან მასთან გათანაბრებული პირის კანონიერი განკარგულებისადმი ან მოთხოვნისადმი დაუმორჩილებლობის, ამ კოდექსის 45-ე და 451 მუხლებით გათვალისწინებული ადმინისტრაციული სამართალდარღვევების ჩადენის, ქალთა მიმართ ძალადობის ან/და ოჯახში ძალადობის ჩადენის, არასრულწლოვნის განცალკევების შესახებ სოციალური მუშაკის გადაწყვეტილებისადმი დაუმორჩილებლობის, პროსტიტუციის, საზოგადოებრივ ადგილებში მთვრალ, ადამიანის ღირსებისა და საზოგადოებრივი ზნეობის შეურაცხმყოფელ მდგომარეობაში ყოფნის, საგზაო მოძრაობის წესების დარღვევის, ნადირობის, თევზჭერისა და თევზის მარაგის დაცვის წესების დარღვევის და ცხოველთა სამყაროს დაცვისა და გამოყენების შესახებ საქართველოს კანონმდებლობის სხვაგვარი დარღვევის, აგრეთვე საქართველოს საკანონმდებლო აქტებით უშუალოდ გათვალისწინებულ სხვა შემთხვევებში; ბ) დაცვის უფროს თანამდებობის პირს დასაცავი ობიექტის განლაგების ადგილას – დასაცავი ობიექტის, სხვა სახელმწიფო ან საზოგადოებრივი ქონების ხელყოფასთან დაკავშირებულ სამართალდარღვევათა ჩადენის შემთხვევებში;“. 16. 248-ე მუხლის პირველი და მე-3 ნაწილები ჩამოყალიბდეს შემდეგი რედაქციით: „1. პირადი გასინჯვა შეიძლება აწარმოონ შინაგან საქმეთა, სახელმწიფო დაცვის სპეციალური სამსახურის, სამოქალაქო ავიაციის ორგანოების, საქართველოს ფინანსთა სამინისტროს შესაბამისი სამსახურის, საგადასახადო და საბაჟო ორგანოების, საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის − აღსრულების ეროვნული ბიუროს სტრუქტურული ერთეულის − აღსრულების პოლიციის სამმართველოს საამისოდ უფლებამოსილმა თანამდებობის პირებმა და სპეციალური პენიტენციური სამსახურის მონიტორინგის დეპარტამენტის უფლებამოსილმა თანამშრომლებმა, ხოლო საქართველოს საკანონმდებლო აქტებით უშუალოდ გათვალისწინებულ შემთხვევებში – აგრეთვე საამისოდ უფლებამოსილმა სხვა ორგანოების თანამდებობის პირებმა.“. „3. ნივთების გასინჯვა შეიძლება აწარმოონ შინაგან საქმეთა, სახელმწიფო დაცვის სპეციალური სამსახურის, სამოქალაქო ავიაციის ორგანოების, საქართველოს ფინანსთა სამინისტროს შესაბამისი სამსახურის, საგადასახადო და საბაჟო ორგანოების, სასაზღვრო პოლიციის, საქართველოს გარემოს დაცვისა და სოფლის მეურნეობის სამინისტროს სისტემაში შემავალი დაწესებულებების, საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის − აღსრულების ეროვნული ბიუროს სტრუქტურული ერთეულის − აღსრულების პოლიციის სამმართველოს საამისოდ უფლებამოსილმა თანამდებობის პირებმა და სპეციალური პენიტენციური სამსახურის მონიტორინგის დეპარტამენტის უფლებამოსილმა თანამშრომლებმა, ხოლო საქართველოს საკანონმდებლო აქტებით უშუალოდ გათვალისწინებულ შემთხვევებში – აგრეთვე საამისოდ უფლებამოსილმა სხვა ორგანოების თანამდებობის პირებმა.“. 17. 272-ე მუხლის პირველი ნაწილის „ე“ ქვეპუნქტი ამოღებულ იქნეს. 18. 284-ე მუხლის მე-2 ნაწილი ჩამოყალიბდეს შემდეგი რედაქციით: „2. დადგენილება ადმინისტრაციული პატიმრობის შესახებ, აღსრულდება შინაგან საქმეთა ორგანოების მიერ.“. 19. 309-ე მუხლის პირველი ნაწილი ჩამოყალიბდეს შემდეგი რედაქციით: „1. პირი, რომელსაც შეფარდებული აქვს ადმინისტრაციული პატიმრობა, პატიმრობას იხდის საქართველოს შინაგან საქმეთა სამინისტროს მიერ განსაზღვრულ ადგილებში. ადმინისტრაციული პატიმრობის შესახებ დადგენილების აღსრულებისას დაპატიმრებულებს პირადად გასინჯავენ.“. 20. 313-ე მუხლს დაემატოს შემდეგი შინაარსის 22-ე ნაწილი: ,,22. 2025 წლის 1 იანვრამდე: ა) ადმინისტრაციული პატიმრობა დადგინდება და გამოიყენება მხოლოდ გამონაკლის შემთხვევებში, ცალკეულ სახეობათა სამხედრო სამსახურის წესის დარღვევისათვის 15 დღემდე ვადით. პირს ადმინისტრაციულ პატიმრობას შეუფარდებს შესაბამისი რაიონის (ქალაქის) სასამართლოს მოსამართლე. სამხედრო მოსამსახურის მიერ სამხედრო სამსახურის წესის დარღვევის შემთხვევაში საქართველოს შინაგან საქმეთა სამინისტროს უფლებამოსილი პირის წარდგინების საფუძველზე. ბ) საქართველოს შინაგან საქმეთა სამინისტროს სამხედრო მოსამსახურის მიერ ამ კოდექსის 45-ე, 451, 166-ე და 1972 მუხლებით გათვალისწინებული ადმინისტრაციული სამართალდარღვევის ჩადენისას შესაბამისი ადმინისტრაციული სამართალდარღვევის ოქმს ადგენს საქართველოს შინაგან საქმეთა სამინისტროს უფლებამოსილი პირი. გ) საქართველოს შინაგან საქმეთა სამინისტროს სამხედრო მოსამსახურის მიერ სამხედრო სამსახურის წესის დარღვევის შემთხვევაში ადმინისტრაციული დაკავება შეუძლიათ შინაგან საქმეთა ორგანოებს; დ) საქართველოს შინაგან საქმეთა სამინისტროს მოსამსახურეს და საქართველოს სახელმწიფო უსაფრთხოების სამსახურის მოსამსახურეს ამ კოდექსით გათვალისწინებული სამხედრო სამსახურის წესის დარღვევისათვის ადმინისტრაციული პასუხისმგებლობა დაეკისრებათ ამ კოდექსის შესაბამისად. ე) დადგენილება საქართველოს შინაგან საქმეთა სამინისტროს სამხედრო მოსამსახურის მიმართ ადმინისტრაციული პატიმრობის შეფარდების შესახებ, აღსრულდება შინაგან საქმეთა ორგანოების მიერ, ხოლო სხვა უწყების სამხედრო მოსამსახურის პატიმრობის შემთხვევაში, –კანონმდებლობით დადგენილი წესით.”. მუხლი 2. 1. ეს კანონი, გარდა ამ კანონის პირველი მუხლის პირველი ნაწილის „ბ“ ქვეპუნქტისა, მე-2, მე-3, მე5, მე-7, მე-9, მე-10, მე-12, მე-13 ნაწილის „ბ“ და „გ“ ქვეპუნქტები, მე-14, მე-15, მე-16 და მე-18 ნაწილებისა ამოქმედდეს გამოქვეყნებისთანავე. 2. ამ კანონის პირველი მუხლის: ა) მე-3, მე-5, მე-9, მე-12 ნაწილები, მე-13 ნაწილის „ბ“ და „გ“ ქვეპუნქტები ამოქმედდეს გამოქვეყნებიდან მე-15 დღეს. ბ) პირველი ნაწილის „ბ“ ქვეპუნქტი, მე-2, მე-7, მე-10, მე-13 ნაწილის „ა“ ქვეპუნქტი, მე-14, მე-15, მე16 და მე-18 ნაწილები ამოქმედდეს 2025 წლის 1 იანვრიდან. საქართველოს პრეზიდენტი სალომე ზურაბიშვილი

განმარტებითი ბარათი საქართველოს კანონის პროექტზე ,,საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ“ ა) ზოგადი ინფორმაცია კანონპროექტის შესახებ ა.ა) კანონპროექტის მიღების მიზეზი: ა.ა.ა) პრობლემა, რომლის გადაჭრასაც მიზნად ისახავს კანონპროექტი: კანონპროექტი წარმოადგენს საკანონმდებლო პაკეტის შემადგენელ ნაწილს. იგი გამომდინარეობს თავდაცვის კოდექსის პროექტიდან და მიზნად ისახავს აღნიშნული კოდექსის პროექტით გათვალისწინებულ ახალ სამართლებრივ რეგულაციებთან საქართველოს ადმინისტრაციულ სამართალდარღვევათა კოდექსის შესაბამისობაში მოყვანას. ა.ა.ბ) არსებული პრობლემის გადასაჭრელად კანონის მიღების აუცილებლობა: საქართველოს ადმინისტრაციულ სამართალდარღვევათა კოდექსის თავდაცვის კოდექსთან შესაბამისობაში მოყვანისთვის საჭიროა, კანონში შეტანილი იქნას შესაბამისი ცვლილება. ა.ბ) კანონპროექტის მოსალოდნელი შედეგები: ცვლილების შემდგომ, საქართველოს ადმინისტრაციულ სამართალდარღვევათა სათანადო ნორმები შესაბამისობაში იქნება თავდაცვის კოდექსთან. კოდექსის ა.გ) კანონპროექტის ძირითადი არსი: საქართველოს თავდაცვის სამინისტროს სისტემაში მოქმედებს „საქართველოს თავდაცვის სამინისტროს სისტემის სამხედრო მოსამსახურეთა სამხედრო სადისციპლინო წესდების დამტკიცების შესახებ“ საქართველოს მთავრობის 2016 წლის 17 მარტის №124 დადგენილებით დამტკიცებული წესდება, რომელიც გამოცემულია „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „წ“ ქვეპუნქტის საფუძველზე. აღსანიშნავია, რომ მოცემული წესდება ნაწილობრივ უნდა გაერთიანდეს თავდაცვის კოდექსის პროექტში. კერძოდ, თავდაცვის კოდექსის პროექტის მიხედვით, განისაზღვრება მხოლოდ დისციპლინური პასუხისმგებლობის ზომები და დისციპლინური წარმოების წესი. რაც შეეხება, დისციპლინური გადაცდომის სახეებს, რომელთა ჩადენის შემთხვევაშიც გამოყენებული უნდა იქნეს თავდაცვის კოდექსით განსაზღვრული დისციპლინური პასუხისმგებლობის ზომები, თავდაცვის კოდექსის პროექტის თანახმად, უნდა განისაზღვროს მინისტრის ნორმატიული აქტით. შესაბამისად, საქართველოს მთავრობის 2016 წლის 17 მარტის №124 დადგენილებით დამტკიცებული წესდება დაკარგავს იურიდიულ ძალას. ყოველივე აღნიშნულიდან გამომდინარე, მიზანშეწონილია ადმინისტრაციულ სამართალდარღვევათა კოდექსის მე-16 მუხლში ტერმინი - „დისციპლინური წესდება“ განზოგადდეს და მის ნაცვლად მიეთითოს ტერმინი „სპეციალური დისციპლინური ნორმები“. 1961 მუხლის მიხედვით, წვევამდელთა (პირველად) სამხედრო აღრიცხვასთან დაკავშირებით მუნიციპალიტეტის მერიის, ხოლო ქალაქ თბილისის მუნიციპალიტეტში – ქალაქ თბილისის მუნიციპალიტეტის რაიონის გამგეობის უფლებამოსილი თანამდებობის პირის გამოძახებით მოქალაქის გამოუცხადებლობა ადმინისტრაციული სახდელის სახით ითვალისწინებს გაფრთხილებას. საქართველოს რეგიონული განვითარებისა და ინფრასტრუქტურის სამინისტროს მობილიზაციისა და სამხედრო სამსახურში გაწვევის კოორდინირების სამმართველოს მიერ მოწოდებული ინფორმაციის შესაბამისად, ადმინისტრაციული სახდელი - გაფრთხილება არ არის ეფექტიანი პრევენციის მიზნით და მიზანშეწონილია იგი შეიცვალოს ჯარიმით - 1000 ლარის ოდენობით. შესაბამისად, ახლებურად ყალიბდება 1961 მუხლი. თავდაცვის კოდექსის პროექტის მიხედვით, სამხედრო სამსახურის სახეები განისაზღვრა შემდეგნაირად: რეგულარული სამხედრო სამსახური და სარეზერვო სამხედრო სამსახური. თავის მხრივ, რეგულარული სამხედრო სამსახური იყოფა წვევამდელთა ეროვნულ სამხედრო სამსახურად და პროფესიულ სამხედრო სამსახურად. აღნიშნულის გათვალისწინებით, საქართველოს ადმინისტრაციულ სამართალდარღვევათა კოდექსის მე-16, 1971, 1973 მუხლებში გამოყენებული ტერმინები: „სამხედრო სავალდებულო სამსახური“ და „სამხედრო სარეზერვო სამსახური“ უნდა შეიცვალოს ტერმინებით „წვევამდელთა ეროვნული სამხედრო სამსახური“ და „სარეზერვო სამხედრო სამსახური“. თავდაცვის კოდექსის პროექტის მიხედვით პირი, რომელიც არ იმყოფება წვევამდელის სამხედრო აღრიცხვაზე, საზღვარგარეთ 6 თვეზე მეტი ვადით წასვლის შემთხვევაში, წვევამდელის სამხედრო აღრიცხვაზე აყვანის მიზნით, ვალდებულია საქართველოს საზღვრის გადაკვეთიდან 2 კვირის ვადაში, გამოცხადდეს საზღვარგარეთ საქართველოს დიპლომატიური წარმომადგენლობაში ან/და საკონსულო დაწესებულებაში. აღნიშნული მოთხოვნის ადმინისტრირების უზრუნველსაყოფად, საქართველოს ადმინისტრაციულ სამართალდარღვევათა კოდექსს ემატება 1967 მუხლი, რომლის თანახმად პირი, რომელიც არ იმყოფება წვევამდელის სამხედრო აღრიცხვაზე და გაემგზავრება საზღვარგარეთ 6 თვეზე მეტი ვადით და წვევამდელის სამხედრო აღრიცხვაზე აყვანის მიზნით, საქართველოს საზღვრის გადაკვეთიდან 2 კვირის ვადაში არ გამოცხადდება საქართველოს დიპლომატიურ წარმომადგენლობაში ან/და საკონსულო დაწესებულებაში დაეკისრება ჯარიმა 1000 ლარის ოდენობით. მსგავსი შემთხვევები ხშირია და წლის განმავლობაში ასეთი პირების რაოდენობა დაახლოებით შეადგენს 200 ერთეულს. ამასთან, ცვლილება შედის 239-ე მუხლის 66-ე ნაწილში, სადაც ემატება 1967 მუხლი. საქართველოს ადმინისტრაციულ სამართალდარღვევათა კოდექსს ემატება: - 1941 მუხლი, რომლის თანახმად, განისაზღვრება ჯარიმა თავდაცვის კოდექსით გათვალისწინებული მშენებლობისა და სხვა საქმიანობის აკრძალვასთან დაკავშირებით. კერძოდ, საქართველოს თავდაცვის სამინისტროსთან შეთანხმების გარეშე ნებისმიერი საქმიანობა ან/და მშენებლობა საქართველოს თავდაცვის სამინისტროს ობიექტიდან დასახლებულ ზონაში სამინისტროს ობიექტიდან 100 მეტრის რადიუსში, ხოლო დაუსახლებელ ზონაში სამინისტროს ობიექტიდან 300 მეტრის რადიუსში გამოიწვევს ფიზიკური პირის დაჯარიმებას 500 ლარის, ხოლო იურიდიული პირის დაჯარიმებას 1000 ლარის ოდენობით. - 1981 მუხლი, რომლის შესაბამისად, საქართველოს თავდაცვის სამინისტროს მოსამსახურის ფორმის ტანსაცმლის განმასხვავებელი ნიშნების უკანონოდ ტარება - გამოიწვევს დაჯარიმებას 1000 ლარის ოდენობით. აღნიშნულის გათვალისწინებით, ცვლილება შედის კოდექსის 220-ე და 239-ე მუხლის 53-ე ნაწილში, რომლებსაც ემატება 1941 და 1981 მუხლები. ამასთან, კანონპროექტის მიხედვით, ახლებურად ყალიბდება საქართველოს ადმინისტრაციულ სამართალდარღვევათა კოდექსის 220-ე მუხლი, ვინაიდან ნორმა მოძველებულია და აღარ შეესაბამება არსებულ რეალობას. კერძოდ, კოდექსის 119-ე მუხლის პირველი ნაწილითა და 125-ე მუხლის პირველი და მეორე ნაწილებით გათვალისწინებული ადმინისტრაციული სამართალდარღვევათა განხილვა წარმოადგენს შინაგან საქმეთა სამინისტროს უფლებამოსილებას, ხოლო 1961, 197-ე და 198-ე მუხლებით გათვალისწინებული ადმინისტრაციული სამართალდარღვევათა განხილვა - მუნიციპალიტეტის მერის/თბილისის რაიონის გამგებელის ან მის მიერ უფლებამოსილი მუნიციპალიტეტის შესაბამისი ორგანოს საჯარო მოსამსახურის უფლებამოსილებას. ასევე დღეისათვის არ არსებობს 220-ე მუხლის მე-2 ნაწილის „ბ“ ქვეპუნქტში მითითებული თანამდებობები. კანონპროექტის მიხედვით, 239-ე მუხლის 53-ე ნაწილი ყალიბდება ახალი რედაქციით. კერძოდ, მკაფიოდ განისაზღვრება ის სამართალდარღვევები, რომელთა ჩადენის შემთხვევაშიც ოქმის შედგენაზე უფლებამოსილი იქნება საქართველოს თავდაცვის სამინისტრო. სამხედრო საავტომობილო ინსპექციის არარსებობის გამო, კოდექსიდან ასევე ამოღებული იქნება 272-ე მუხლის პირველი ნაწილის „ე“ ქვეპუნქტი. უნდა აღინიშნოს, რომ საქართველოს თავდაცვის სამინისტრო, ადმინისტრაციული სახდელის სახით, არ იყენებს ადმინისტრაციულ პატიმრობას. შესაბამისად, სამინისტროს სისტემაში გაუქმებულია ადმინისტრაციული პატიმრობის ადგილები. ამდენად, საქართველოს თავდაცვის სამინისტროს არ გააჩნია არც სათანადო მანდატი და არც სათანადო რესურსი, უზრუნველყოს სხვა უწყების სამხედრო მოსამსახურეების ადმინისტრაციული პატიმრობა. ყოველივე აღნიშნულიდან გამომდინარე, იცვლება 284-ე მუხლის მე-2 ნაწილის შინაარსი და ყალიბდება ახალი რედაქციით. ანალოგიურად, იცვლება კოდექსის 309-ე მუხლის პირველი ნაწილის შინაარსი, ვინაიდან ყველა ადმინისტრაციული პატიმრობის აღსრულება ხდება საქართველოს შინაგან საქმეთა სამინისტროს სისტემაში. თავდაცვის კოდექსის პროექტის მიხედვით ერთი-ერთი ფუნდამენტური სიახლეა სამხედრო სამსახურის გავლა მხოლოდ თავდაცვის სამინისტროს სისტემაში. კერძოდ, 2025 წლის პირველი იანვარიდან წვევამდელთა ეროვნულ სამხედრო სამსახურში გაწვეული პირი და სამხედრო მოსამსახურის სტატუსის მქონე პირი, სამხედრო სამსახურს გაივლის მხოლოდ თავდაცვის სამინისტროს სისტემაში. აღნიშნულიდან გამომდინარე ცვლილება შედის როგორც საქართველოს ადმინისტრაციულ სამართალდარღვევათა კოდექსის სათანადო ნორმებში, ასევე, კოდექსს ემატება გარდამავალი დებულებები. ა.დ) კანონპროექტის კავშირი სამთავრობო პროგრამასთან და შესაბამის სფეროში არსებულ სამოქმედო გეგმასთან, ასეთის არსებობის შემთხვევაში (საქართველოს მთავრობის მიერ ინიცირებული კანონპროექტის შემთხვევაში): ასეთი არ არსებობს. ა.ე) კანონპროექტის ძალაში შესვლის თარიღის შერჩევის პრინციპი, ხოლო კანონისთვის უკუძალის მინიჭების შემთხვევაში − აღნიშნულის თაობაზე შესაბამისი დასაბუთება: კანონი, გარდა ამ კანონის პირველი მუხლის პირველი ნაწილის „ბ“ ქვეპუნქტისა, მე-2, მე-3, მე-5, მე7, მე-9, მე-10, მე-12, მე-13 ნაწილის „ბ“ და „გ“ ქვეპუნქტები, მე-14, მე-15, მე-16 და მე-18 ნაწილებისა, ამოქმედდება გამოქვეყნებისთანავე,ვინაიდან, მისი ამოქმედება დაკავშირებულია თავდაცვის კოდექსის შესაბამისი ნორმების ამოქმედების ვადასთან. კანონის პირველი მუხლის მე-3, მე-5, მე-9, მე-12 ნაწილები, მე-13 ნაწილის „ბ“ და „გ“ ქვეპუნქტები ამოქმედდეს გამოქვეყნებიდან მე-15 დღეს, „ნორმატიული აქტების შესახებ“ საქართველოს ორგანული კანონის 23-ე მუხლის მე-3 პუნქტით დადგენილი წესით. კანონის პირველი მუხლის პირველი ნაწილის „ბ“ ქვეპუნქტი, მე-2, მე-7, მე-10, მე-13 ნაწილის „ა“ ქვეპუნქტი, მე-14, მე-15, მე-16 და მე-18 ნაწილები ამოქმედდეს 2025 წლის 1 იანვრიდან, ვინაიდან, სამხედრო სამსახურთან დაკავშირებული საკითხები, რომლებიც თავდაცვის კოდესის პროექტით მიხედვით უნდა ამოქმედდეს 2025 წლის 1 იანვრიდან. კანონპროექტი არ ითვალისწინებს კანონისთვის უკუძალის მინიჭებას. ა.ვ) კანონპროექტის დაჩქარებული წესით განხილვის მიზეზები და შესაბამისი დასაბუთება (თუ ინიციატორი ითხოვს კანონპროექტის დაჩქარებული წესით განხილვას): კანონპროექტის დაჩქარებული წესით განხილვა არ არის მოთხოვნილი. ბ) კანონპროექტის ფინანსური გავლენის შეფასება საშუალოვადიან პერიოდში (კანონპროექტის ამოქმედების წელი და შემდგომი 3 წელი): ბ.ა) კანონპროექტის მიღებასთან დაკავშირებით აუცილებელი ხარჯების დაფინანსების წყარო: კანონპროექტის მიღება არ გამოიწვევს დამატებით ხარჯებს. ადმინისტრაციულ სამართალდარღვევათა საქმეების განხილვა განხორციელდება კომპეტენციის შესაბამისად, საქართველოს თავდაცვის სამინისტროსა და შესაბამისი მუნიციპალიტეტების ასიგნებების ფარგლებში. ბ.ბ) კანონპროექტის გავლენა სახელმწიფო, ავტონომიური რესპუბლიკის რესპუბლიკური ან/და მუნიციპალიტეტის ბიუჯეტის საშემოსავლო ნაწილზე: კანონპროექტის მიღება გავლენას არ იქონიებს ავტონომიური რესპუბლიკის რესპუბლიკური ან/და მუნიციპალიტეტის ბიუჯეტის საშემოსავლო ნაწილზე. რაც შეეხება სახელმწიფო ბიუჯეტს, კანონპროექტს ექნება მასზე გავლენა, რამდენადაც კანონპროექტი ითვალისწინებს ახალ სამართალდარღვევების განსაზღვრას და შესაბამისად, სანქციების შემოღებას. რაც თავის მხრივ იქონიებს ზეგავლენას სახელმწიფო ბიუჯეტის საშეემოსავლო ნაწილზე. გავლენის ოდენობა დამოკიდებული იქნება დაჯარიმებულ პირთა რაოდენობაზე. ადმინისტრაციული სახდელები მიემართება სახელმწიფო ბიუჯეტში. ბ.გ) კანონპროექტის გავლენა სახელმწიფო, ავტონომიური რესპუბლიკის რესპუბლიკური ან/და მუნიციპალიტეტის ბიუჯეტის ხარჯვით ნაწილზე: კანონპროექტის მიღება ზეგავლენას არ მოახდენს სახელმწიფო, ავტონომიური რესპუბლიკის რესპუბლიკური ან/და მუნიციპალიტეტის ბიუჯეტის ხარჯვით ნაწილზე. მართალია კანონპროექტით დგინდება ახალი ადმინისტრაციული სამართალდარღვევები, რომელთა ადმინისტრირება განახორციელდება არსებული ადამიანური რესურსისა და გამოყოფილი ასიგნებების ფარგლებში. კანონპროექტის თანახმად, ადმინისტრაციულ სამართალდარღვევათა საქმეებს კომპეტენციის ფარგლებში განიხილავს როგორც საქართველოს თავდაცვის სამინისტრო ასევე, შესაბამისი მუნიციპალიტეტი მათთვის გამოყოფილი ასიგნებების ფარგლებში. ამასთან, 284-ე მუხლის მე-2 ნაწილისა და 309-ე მუხლის მე-2 ნაწილში განხორციელებული ცვლილება საქართველოს თავდაცვის სამინისტროსა და საქართველოს შინაგან საქმეთა სამინისტროს ხარჯვით ნაწილზე გავლენას არ იქონიებს. ბ.დ) სახელმწიფოს ახალი ფინანსური ვალდებულებები, კანონპროექტის გავლენით სახელმწიფოს ან მის სისტემაში არსებული უწყების მიერ მისაღები პირდაპირი ფინანსური ვალდებულებების (საშინაო ან საგარეო ვალდებულებები) მითითებით: კანონპროექტი არ ითვალისწინებს სახელმწიფოს ახალ ფინანსურ ვალდებულებებს, აგრეთვე სახელმწიფოს ან/და მის სისტემაში არსებული უწყების მიერ მისაღებ ფინანსურ ვალდებულებებს. ბ.ე) კანონპროექტის მოსალოდნელი ფინანსური შედეგები იმ პირთათვის, რომელთა მიმართაც ვრცელდება კანონპროექტის მოქმედება, იმ ფიზიკურ და იურიდიულ პირებზე გავლენის ბუნებისა და მიმართულების მითითებით, რომლებზედაც მოსალოდნელია კანონპროექტით განსაზღვრულ ქმედებებს ჰქონდეს პირდაპირი გავლენა: კანონპროექტი მოახდენს ფინანსურ გავლენას იმ პირთა მიმართ, რომლებიც დაჯარიმდებიან ცვლილებით გათვალისწინებული სამართალდარღვევების ჩადენისთვის. ფინანსური ზეგავლენის მოცულობა დამოკიდებული იქნება მათ მიერ ჩადენილ სამართალდარღვევების რაოდენობაზე. ბ.ვ) კანონპროექტით დადგენილი გადასახადის, მოსაკრებლის ან სხვა სახის გადასახდელის (ფულადი შენატანის) ოდენობა შესაბამის ბიუჯეტში და ოდენობის განსაზღვრის პრინციპი; კანონპროექტით ითვალისწინებს ახალ სამართალდარღვევების განსაზღვრას: - საქართველოს თავდაცვის სამინიტროსთან შეთანხმების გარეშე ნებისმიერი საქმიანობა ან/და მშენებლობა საქართველოს თავდაცვის სამინისტროს ობიექტიდან დასახლებულ ზონაში სამინისტროს ობიექტიდან 100 მეტრის რადიუსში, ხოლო დაუსახლებელ ზონაში სამინისტროს ობიექტიდან 300 მეტრის რადიუსში გამოიწვევს ფიზიკური პირის დაჯარიმებას 500 ლარის, ხოლო იურიდიული პირის დაჯარიმებას 1000 ლარის ოდენობით. - პირი, რომელიც არ იმყოფება წვევამდელის სამხედრო აღრიცხვაზე და გაემგზავრება საზღვარგარეთ 6 თვეზე მეტი ვადით და წვევამდელის სამხედრო აღრიცხვაზე აყვანის მიზნით, საქართველოს საზღვრის გადაკვეთიდან 2 კვირის ვადაში არ გამოცხადდება საქართველოს დიპლომატიურ წარმომადგენლობაში ან/და საკონსულო დაწესებულებაში დაეკისრება ჯარიმა 1000 ლარის ოდენობით. - საქართველოს თავდაცვის სამინისტროს სისტემაში დადგენილი ფორმის ტანსაცმლისა და მისი განმასხვავებელი ნიშნების უკანონოდ ტარება გამოიწვევს დაჯარიმებას 1000 ლარის ოდენობით. აღნიშნული ჯარიმები მიემართება სახელმწიფო ბიუჯეტში. ბ1) ბავშვის უფლებრივ მდგომარეობაზე კანონპროექტის ზეგავლენის შეფასება კანონპროექტი არ ახდენს ზეგავლენას ბავშვის უფლებრივ მდგომარეობაზე. გ) კანონპროექტის მიმართება საერთაშორისო სამართლებრივ სტანდარტებთან. გ.ა) კანონპროექტის მიმართება ევროკავშირის სამართალთან: კანონპროექტის მიღება არ ეწინააღმდეგება ევროკავშირის სამართალს. გ.ბ) კანონპროექტის მიმართება საერთაშორისო ორგანიზაციებში საქართველოს წევრობასთან დაკავშირებულ ვალდებულებებთან: კანონპროექტის მიღება არ ეწინააღმდეგება საერთაშორისო ორგანიზაციებში საქართველოს წევრობასთან დაკავშირებულ ვალდებულებებს. გ.გ) კანონპროექტის მიმართება საქართველოს ორმხრივ და მრავალმხრივ ხელშეკრულებებთან და შეთანხმებებთან, აგრეთვე, ისეთი ხელშეკრულების/შეთანხმების არსებობის შემთხვევაში, რომელსაც უკავშირდება კანონპროექტის მომზადება, − მისი შესაბამისი მუხლი ან/და ნაწილი: კანონპროექტის მიღება არ ეწინააღმდეგება საქართველოს ორმხრივ და მრავალმხრივ ხელშეკრულებებს და შეთანხმებებს. კანონპროექტის მიღება არ უკავშირდება საქართველოს მიერ დადებულ ხელშეკრულებას/შეთანხმებას. გ.დ) არსებობის შემთხვევაში, ევროკავშირის ის სამართლებრივი აქტი, რომელთან დაახლოების ვალდებულებაც გამომდინარეობს „ერთი მხრივ, საქართველოსა და, მეორე მხრივ, ევროკავშირსა და ევროპის ატომური ენერგიის გაერთიანებას და მათ წევრ სახელმწიფოებს შორის ასოცირების შესახებ შეთანხმებიდან“ ან ევროკავშირთან დადებული საქართველოს სხვა ორმხრივი და მრავალმხრივი ხელშეკრულებებიდან: ასეთი არ არსებობს. დ) კანონპროექტის მომზადების პროცესში მიღებული კონსულტაციები: დ.ა) სახელმწიფო, არასახელმწიფო ან/და საერთაშორისო ორგანიზაცია/დაწესებულება, ექსპერტი, სამუშაო ჯგუფი, რომელმაც მონაწილეობა მიიღო კანონპროექტის შემუშავებაში, ასეთის არსებობის შემთხვევაში ასეთი არ არსებობს. დ.ბ) კანონპროექტის შემუშავებაში მონაწილე ორგანიზაციის/დაწესებულების, სამუშაო ჯგუფის, ექსპერტის შეფასება კანონპროექტის მიმართ, ასეთის არსებობის შემთხვევაში; ასეთი არ არსებობს. დ.გ) სხვა ქვეყნების გამოცდილება კანონპროექტის მსგავსი კანონების იმპლემენტაციის სფეროში, იმ გამოცდილების მიმოხილვა, რომელიც მაგალითად იქნა გამოყენებული კანონპროექტის მომზადებისას, ასეთი მიმოხილვის მომზადების შემთხვევაში: ასეთი მიმოხილვა არ მომზადებულა. ე) კანონპროექტის ავტორი: საქართველოს თავდაცვის სამინისტრო. ვ) კანონპროექტის ინიციატორი: საქართველოს მთავრობა.