1. დისციპლინურ პასუხისგებაში მიცემულ მოსამართლეს, აგრეთვე დისციპლინურ პასუხისგებაში მიმცემი თანამდებობის პირის ან ორგანოს წარმომადგენელს უფლება აქვს სადისციპლინო კოლეგიის წევრს ან კოლეგიის მთელ შემადგენლობას მისცეს აცილება, მაგრამ იგი ვალდებულია დაასახელოს და დაასაბუთოს აცილების მოტივი.
2. შუამდგომლობას აცილების შესახებ განიხილავს სადისციპლინო კოლეგია სათათბირო ოთახში.
3. აცილების შესახებ შუამდგომლობა უნდა დაკმაყოფილდეს, თუ სადისციპლინო კოლეგიის წევრის ან კოლეგიის მთელი შემადგენლობის მიუკერძოებლობა საფუძვლიან ეჭვს იწვევს.
4. სადისციპლინო კოლეგიის წევრის მიერ წარსულში მოსამართლის მიერ გამოტანილი სასამართლო გადაწყვეტილების გაუქმება ან შეცვლა არ ჩაითვლება სადისციპლინო კოლეგიის წევრის მიკერძოებისა და, შესაბამისად, მისი აცილების საფუძვლად. ამავე დროს, თუ სადისციპლინო კოლეგიის წევრი, როგორც ზემდგომი ინსტანციის მოსამართლე, მონაწილეობდა ქვემდგომი სასამართლოს მოსამართლის მიერ საქმეზე მიღებული გადაწყვეტილების გაუქმებასა და შეცვლაში და მისი დისციპლინურ პასუხისგებაში მიცემა სწორედ ამ საქმის განხილვის დროს კანონის დარღვევას უკავშირდება, ეს გარემოება ჩაითვლება სადისციპლინო კოლეგიის წევრის აცილების საფუძვლად.
5. სადისციპლინო კოლეგიის წევრის აცილების შუამდგომლობა აუცილებლად უნდა დაკმაყოფილდეს, თუ არსებობს ამ დებულების 21-ე მუხლის მე-2 პუნქტში მითითებული რომელიმე გარემოება.
6. შუამდგომლობის დაკმაყოფილების შემთხვევაში სადისციპლინო კოლეგია გადადებს საქმის განხილვას და შესაბამისი მოხსენებითი ბარათით დაუყოვნებლივ მიმართავს სადისციპლინო კოლეგიის თავმჯდომარეს სადისციპლინო კოლეგიის სხვა შემადგენლობისათვის საქმის გადასაცემად.
7. სადისციპლინო კოლეგიის აცილებით გამოწვეული საქმის განხილვის გადადების ვადა არ ჩაითვლება დისციპლინური სახდელის დაკისრებისათვის ამ დებულებით დადგენილ ვადაში.
8. აცილების შესახებ შუამდგომლობის დაუკმაყოფილებლობის შემთხვევაში სადისციპლინო კოლეგია იმავე სხდომაზე აგრძელებს საქმის განხილვას