1. დისციპლინური საქმის შემოსვლისას, მისი განხილვის დაწყებამდე, სადისციპლინო კოლეგია ვალდებულია შეამოწმოს, ხომ არ არის დარღვეული ამ დებულებით დადგენილი მოსამართლის მიმართ დისციპლინური დევნის აღძვრის ან მისი დისციპლინურ პასუხისგებაში მიცემის ვადა, ანდა ამოწურული მოსამართლისათვის დისციპლინური სახდელის დაკისრების ვადა (თუ ეს ვადები დარღვეულია, სადისციპლინო კოლეგიამ უნდა შეამოწმოს, მოხდა თუ არა ეს არასაპატიო მიზეზით).
2. თუ ამ მუხლის პირველ ნაწილში აღნიშნული ვადიდან რომელიმეა დარღვეული (არასაპატიო მიზეზით), სადისციპლინო კოლეგია ვალდებულია არ შეუდგეს საქმის არსებით განხილვას, დაუყოვნებლივ მიიღოს გადაწყვეტილება დისციპლინური საქმის წარმოების შეწყვეტის შესახებ და აცნობოს ეს მოსამართლის დისციპლინურ პასუხისგებაში მიმცემ ორგანოს ან თანამდებობის პირს და იმ მოსამართლეს, ვისაც ეს შეეხება