1. სადისციპლინო კოლეგია ვალდებულია მხარეებს შეუქმნას თანაბარი პირობები და შესაძლებლობები, რომ წარმოადგინონ და დაიცვან თავიანთი პოზიციები.
2. დაუშვებელია რომელიმე მხარესთან წინასწარი შეხვედრა ან მათგან რაიმე ინფორმაციის მიღება მეორე მხარის დაუსწრებლად ან მისთვის ამ ინფორმაციის შინაარსის უცნობებლად, თუ ეს საქმის ორგანიზაციულ მხარეს არ შეეხება.
3. სადისციპლინო კოლეგიის წევრი ვალდებულია როგორც საქმის განხილვამდე, ისე განხილვის პროცესში არ გამოხატოს თავისი დამოკიდებულება ერთ-ერთი მხარის სასარგებლოდ ან წინასწარი განწყობა, რომელსაც შეუძლია ეჭვქვეშ დააყენოს სადისციპლინო კოლეგიის მიუკერძოებლობა