ქ. თბილისი შპს „თამ-ველის“ სახელმწიფო საკუთრებაში არსებული 100 პროცენტი წილის შპს „თბილავიამშენისათვის“ მართვის უფლებით გადაცემის შესახებ

საქართველოს მ თ ავრობის

განკარგულება №427

2005 წლის 14 ოქტომბერი

ქ. თბილისი

შპს „თამ-ველის“სახელმწიფო საკუთრებაში არსებული 100 პროცენტი წილის შპს „თბილავიამშენისათვის“მართვის უფლებით გადაცემის შესახებ

საქართველოს პრეზიდენტის 2004 წლის 12 ნოემბრის № 1003 განკარგულების, „სს „თბილავიამშენის“სახელმწიფო საკუთრებაში არსებული საწესდებო კაპიტალის ყველა აქციის 90 პროცენტის შპს „თბილავიამშენისათვის“პირდაპირი მიყიდ­ვის შესახებ“საქართველოს ეკონომიკური განვითარების სამინისტროსა და შპს „თბილავიამშენს“შორის 2004 წლის 24 ნოემბერს გაფორმებული ნასყიდობის ხელშეკრულების, საქართველოს პრეზიდენტის 2003 წლის 11 მაისის № 203 ბრძა­ნე­ბულებით დამტკიცებული „საწარმოთა მართვის სააგენტოდან სხვა სუბიექტებისათვის აქციებისა და წილების მართვის უფ­ლე­ბით გადაცემის წესის“შესაბამისად:

1. გადაეცეს შპს „თბილავიამშენს“მართვის უფლებით, ოცდახუთი წლის ვადით, შპს „თამ-ველის“სახელმწიფო სა­კუთ­რებაში არსებული 100 პროცენტი წილი.

2. შპს „თამ- ველის“სახელმწიფო საკუთრებაში არსებუ­ლი 100 პროცენტი წილის შპს „თბილავიამშენისათვის“მარ­თვის უფლებით გადაცემის პირობად განისაზღვროს:

ა) სს „თბილავიამშენის“საცდელი საწარმოს (აეროდრო­მის) მიმდებარე ტერიტორიაზე არსებული ასაფრენ-დასაფრენი ზოლისა და ფრენის მართვის სისტემების რეაბილიტაცია და მუდმივი ექსპლოატაციისათვის მზადყოფნა;

ბ) ასაფრენ-დასაფრენი ზოლის რეაბილიტაციისათვის არანაკლებ ორი მილიონი ლარის ინვესტიციის განხორციე­ლება.

3. საქართველოს ეკონომიკური განვითარების სამინის­ტრომ (ი. ჩოგოვაძე) ამ განკარგულების შესრულების მიზნით გა­ნახორციელოს შესაბამისი ღონისძიებები მოქმედი კანონ­მდებ­ლობის თანახმად.

პრემიერ-მინისტრი                                                                                   ზ. ნოღაიდელი