ყაზბეგის მუნიციპალიტეტში მცხოვრები სოციალურად დაუცველი ოჯახებისათვის ბუნებრივი აირის საფასურის კომპენსირების შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №499
2007 წლის 14 სექტემბერი
ქ. თბილისი
ყაზბეგის მუნიციპალიტეტში მცხოვრები სოციალურად დაუცველი ოჯახებისათვის ბუნებრივი აირის საფასურის კომპენსირების შესახებ
1. ყაზბეგის მუნიციპალიტეტში მცხოვრები სოციალურად დაუცველი ოჯახების მონაცემთა ერთიან ბაზაში რეგისტრირებულ ოჯახებს, რომელთა სოციალურ-ეკონომიკური მდგომარეობის მაჩვენებელი შეადგენს ან ნაკლებია 100.000 ქულაზე, საქართველოს შრომის, ჯანმრთელობისა და სოციალური დაცვის სამინისტროს საჯარო სამართლის იურიდიულმა პირმა – სოციალური სუბსიდიების სააგენტომ (შემდგომში – სსიპ – სოციალური სუბსიდიების სააგენტო) ყოველთვიურად აუნაზღაუროს 700 კუბ. მ ბუნებრივი აირის საფასური 2007 წლის 15 ოქტომბრიდან მომდევნო წლის 15 მაისამდე.
2. განკარგულების პირველი პუნქტის შესასრულებლად საქართველოს ფინანსთა სამინისტრომ (ნ. გილაური) „საქართველოს 2007 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან სსიპ – სოციალური სუბსიდიების სააგენტოსათვის გადასაცემად გამოყოს 542 000 (ხუთას ორმოცდაორი ათასი) ლარი 2007 წლის 15 ოქტომბრიდან 31 დეკემბრამდე საჭირო ხარჯების დასაფარავად.
3. საქართველოს შრომის, ჯანმრთელობისა და სოციალური დაცვის სამინისტრომ (დ. ტყეშელაშვილი) განკარგულების პირველი პუნქტის შესასრულებლად 2008 წლის სახელმწიფო ბიუჯეტის ასიგნებათა ფარგლებში გაითვალისწინოს ყაზბეგის მუნიციპალიტეტის სოციალურად დაუცველი მოსახლეობისათვის ბუნებრივი აირის საფასურის ასანაზღაურებელი თანხა.
4. სსიპ – სოციალური სუბსიდიების სააგენტომ (ლ. ფერაძე) ყაზბეგის მუნიციპალიტეტს მიაწოდოს ინფორმაცია სოციალურად დაუცველი ოჯახების მონაცემთა ერთიან ბაზაში რეგისტრირებული ყაზბეგის მუნიციპალიტეტში მცხოვრები იმ ოჯახების შესახებ, რომელთა სოციალურ-ეკონომიკური მდგომარეობის მაჩვენებელი შეადგენს ან ნაკლებია 100.000 ქულაზე.
5. ყაზბეგის მუნიციპალიტეტმა (ტ. ხულელიძე) ფულადი კომპენსაციის გადარიცხვამდე 5 კალენდარული დღით ადრე სსიპ – სოციალური სუბსიდიების სააგენტოს მიაწოდოს 2007 წლის 15 ოქტომბრიდან 2008 წლის 15 მაისამდე პერიოდში ყაზბეგის მუნიციპალიტეტში მუდმივად მცხოვრები ოჯახების დამოწმებული სია.
6. განკარგულების შესრულების კონტროლი განახორციელოს საქართველოს ადმინისტრაციულ-ტერიტორიულ ერთეულებში (დუშეთის, თიანეთის, მცხეთისა და ყაზბეგის მუნიციპალიტეტები) სახელმწიფო რწმუნებულმა – გუბერნატორმა ვ. მაღლაფერიძემ.
7. განკარგულება ძალაშია ხელმოწერის დღიდან.
პრემიერ-მინისტრი ზ. ნოღაიდელი