„ადგილობრივი თვითმმართველი ერთეულებისათვის საქართველოს სახელმწიფო ბიუჯეტიდან თანხის გამოყოფის შესახებ“ საქართველოს მთავრობის 2008 წლის 25 თებერვლის №71 განკარგულებაში ცვლილებების შეტანის თაობაზე

საქართველოს მთავრობის

განკარგულება №340

2008 წლის 15 მაისი

ქ. თბილისი

„ადგილობრივი თვითმმართველი ერთეულებისათვის საქართველოს სახელმწიფო ბიუჯეტიდან თანხის გამოყოფის შესახებ“საქართველოს მთავრობის 2008 წლის 25 თებერვლის №71 განკარგულებაში ცვლილებების შეტანის თაობაზე

1. საქართველოს ზოგადი ადმინისტრაციული კოდექსის 63-ე მუხლის თანახმად „ადგილობრივი თვითმმართველი ერთეულებისათვის საქართველოს სახელმწიფო ბიუჯეტიდან თანხის გამოყოფის შესახებ“საქართველოს მთავრობის 2008 წლის 25 თებერვლის №71 განკარგულებაში შეტანილ იქნეს შემდეგი ცვლილებები:

ა) №3 დანართის მე-2 პუნქტი ჩამოყალიბდეს შემდეგი რედაქციით:

„2. ონის მუნიციპალიტეტს – 350 000 (სამას ორმოცდაათი ათასი) ლარი შემდეგი პროექტების განსახორციელებლად:

ა) სოფლებში: შარდომეთი, ღები, გომი, ცხმორი, ღუნდა, სევა, სორი და ქ. ონში ვახტანგ VI-ის ქუჩაზე წყალმომარაგების სისტემის რეაბილიტაცია;

ბ) სოფლებში: ქრისტესი-სხიერი, ბარი-მრავალძალი, ფარახეთი, ცხმორი, ფსორი, ბაჯიხევი, ღები-თევრეშო, ბოყვა-შქმერი, ჩიტაური-წოლა, სორგითი-ღუნდა შიდა გზების რეაბილიტაცია;

გ) სოფელ შარდომეთში ნაპირსამაგრი სამუშაოები;

დ) ქ. ონში ტაბიძის ქუჩაზე წყალსადენის გაყვანილობის რეაბილიტაცია;

ე) სასამართლო გადაწყვეტილების აღსრულების ხარჯები – 4 536 (ოთხი ათას ხუთას ოცდათექვსმეტი) ლარი;“;

ბ) №3 დანართის მე-3 პუნქტი ჩამოყალიბდეს შემდეგი რედაქციით:

„3. ცაგერის მუნიციპალიტეტს – 800 000 (რვაასი ათასი) ლარი შემდეგი პროექტების განსახორციელებლად:

ა) სოფლებში: ალპანა, ღვირიში, წილამიერი, ლაილაში, ორბელი, ჩხუტელი, ქ. ცაგერში აღმაშენებლის ქუჩა, ლასურიაში, დეხვირი, მახაში, ლაცორია, მახურა _ წყალმომარაგებისათვის მილებისა და სხვა საჭირო მასალების შეძენა და სოფლებისათვის გადაცემა;

ბ) სოფლებში: ჩხუტელი, ზუბი, ნაკურალეში, ღვირიში, ტვიში, ორხვი, უცხერი, ალპანა, აღვი, ლაილაში, ღუ, სურმუში, ლაჯანა, ორბელი, ყურცობი, ლაცორია, ჩხუტელი-ლასურიაში, ლასურიაში-აღვი, მახაში, დეხვირი, ზარაგულა, ლასურიაში, ლარჩვალი, ბარდნალა, მახურა, კენაში, წილამიერი-ლესინდი, საირმე, ქვემო ცაგერი, ლაშიჭალა, სპათაგორი, ხოჯი, წიფერჩი, უსახელო, თაბორი, სანორჩი-ნასპერი, ოყურეში, ჩქუმი-ქულბაქი, ალპანა-ზოგიში-ცაგერა და ქ. ცაგერში შიდა გზების რეაბილიტაცია;

გ) სოფლებში: ქვემო ცაგერი, ჩხუტელი, ლაჯა-გაგულეჩი, ღვირიში, სპათაგორი, ლაილაში და ქ. ცაგერში გარე განათების მოწყობა-რეაბილიტაცია;“;

გ) №8 დანართის მე-5 პუნქტი ჩამოყალიბდეს შემდეგი რედაქციით:

„5. ბორჯომის მუნიციპალიტეტის გამგეობას – 852 240 (რვაას ორმოცდათორმეტი ათას ორას ორმოცი) ლარი შემდეგი პროექტების განსახორციელებლად:

ა) ქ. ბორჯომში დაზიანებული საყრდენი კედლებისა და ფეხით სავალი ნაწილების, პარკების, სკვერების კეთილმოწყობა;

ბ) სოფელ დვირის ცენტრალური ნაწილის კეთილმოწყობა (სკოლისა და საბავშვო ბაღის შემოღობვა, სათამაშო მოედნის მოწყობა, ავტობუსის გასაჩერებელი პუნქტის მოწყობა);

გ) დაბა ახალდაბის წყალსადენის შიდა ქსელების რეაბილიტაცია;

დ) სოფელ ზანავში წყალსადენის მშენებლობა;

ე) სოფელ კორტანეთის წყალსადენის მშენებლობა;

ვ) დაბა ბაკურიანის ცენტრალური ნაწილის კეთილმოწყობა (სკვერები და პარკები);

ზ) სოფელ რველისა და სოფელ ზანავის გაზიფიცირება;

თ) დაბა ბაკურიანში სპორტული მოედნის მოწყობა;“.

დ) №9 დანართი ჩამოყალიბდეს შემდეგი რედაქციით:

„დანართი №9

სიღნაღის, ლაგოდეხის, ყვარლის, ახმეტის, საგარეჯოს, დედოფლისწყაროს, თელავის, გურჯაანის მუნიციპალიტეტებს გამოეყოთ 13 000 000 (ცამეტი მილიონი) ლარი, მათ შორის:

1. სიღნაღის მუნიციპალიტეტის გამგეობას – 2 306 000 (ორი მილიონ სამას ექვსი ათასი) ლარი შემდეგი პროექტების განსახორციელებლად:

ა) წყლის სისტემის რეაბილიტაცია;

ბ) გზების ორმული დამუშავება;

გ) საბავშვო ბაღისათვის შენობისა და ინვენტარის შეძენა;

დ) სოფლების გაზიფიცირება;

ე) მრავალსართულიანი სახლების სახურავების შეკეთება;

ვ) სანიაღვრე და საკანალიზაციო სისტემის რეაბილიტაცია;

ზ) გარე განათების სამუშაოები;

თ) მინი-სტადიონის მოწყობა;

ი) რაიონის კეთილმოწყობისათვის აუცილებელი სამუშაოები.

2. ლაგოდეხის მუნიციპალიტეტის გამგეობას – 1 560 000 (ერთი მილიონ ხუთას სამოცი ათასი) ლარი შემდეგი პროექტების განსახორციელებლად:

ა) გაზიფიცირების სამუშაოები;

ბ) მრავალსართულიანი სახლების ფასადების სამუშაოები;

გ) წყლის სათავეების რეაბილიტაცია;

დ) შიდა გზების რეაბილიტაცია;

ე) გარე განათების სამუშაოები;

ვ) სასმელი წყლის ჭაბურღილების მოწყობა;

ზ) მინი-სტადიონის მოწყობა;

თ) ხიდის მშენებლობა;

ი) სადრენაჟე არხის რეაბილიტაცია;

კ) მუნიციპალიტეტის კეთილმოწყობისათვის აუცილებელი სამუშაოები.

3. ყვარლის მუნიციპალიტეტის გამგეობას – 1 340 000 (ერთი მილიონ სამას ორმოცი ათასი) ლარი შემდეგი პროექტების განსახორციელებლად:

ა) მრავალსართულიანი სახლების სახურავებისა და ფასადების შეკეთება;

ბ) წყლის სათავე ნაგებობისა და ქსელის რეაბილიტაცია;

გ) საბავშვო ბაგა-ბაღების კაპიტალური რემონტი;

დ) სასმელი წყლის ჭაბურღილის მოწყობა;

ე) სპორტული კომპლექსის რემონტი;

ვ) მინი-სტადიონის მოწყობა;

ზ) გზის ორმული შეკეთება;

თ) ადმინისტრაციული შენობის სარემონტო სამუშაოები;

ი) გაზიფიცირება.

4. ახმეტის მუნიციპალიტეტის გამგეობას – 1 198 000 (ერთი მილიონ ას ოთხმოცდათვრამეტი ათასი) ლარი შემდეგი პროექტების განსახორციელებლად:

ა) საერთო საცხოვრებლების სახურავების გადახურვა და ფასადების შეღებვა;

ბ) გზების ორმული შეკეთება;

გ) ნაპირსამაგრი სამუშაოები;

დ) სასმელი წყლის ქსელის რეაბილიტაცია;

ე) სასმელი წყლის მაგისტრალის მშენებლობა;

ვ) ხიდების მოწყობა;

ზ) საბავშვო ბაღის რემონტი.

5. საგარეჯოს მუნიციპალიტეტის გამგეობას – 1 472 000 (ერთი მილიონ ოთხას სამოცდათორმეტი ათასი) ლარი შემდეგი პროექტების განსახორციელებლად:

ა) ქუჩების მოასფალტება;

ბ) სასმელი წყლის ქსელის მშენებლობა;

გ) გაზიფიცირების სამუშაოები;

დ) მუნიციპალიტეტის კეთილმოწყობისათვის აუცილებელი სამუშაოები.

6. დედოფლისწყაროს მუნიციპალიტეტის გამგეობას – 948 000 (ცხრაას ორმოცდარვა ათასი) ლარი შემდეგი პროექტების განსახორციელებლად:

ა) წყალმომარაგების ქსელების მშენებლობა-რეაბილიტაცია;

ბ) შიდა სასოფლო გზების მოხრეშვა;

გ) გაზმომარაგების სისტემების მშენებლობა-რეაბილიტაცია;

დ) სათავე ნაგებობების აღდგენა;

ე) სანიაღვრე არხების აღდგენა;

ვ) მინი-სპორტული მოედნების მოწყობა.

7. თელავის მუნიციპალიტეტის გამგეობას – 2 084 000 (ორი მილიონ ოთხმოცდაოთხი ათასი) ლარი შემდეგი პროექტების განსახორციელებლად:

ა) მოასფალტებული გზების ორმული შეკეთება;

ბ) გზების მოხრეშვა;

გ) გარე განათების სამუშაოები;

დ) მრავალსართულიანი სახლების სახურავების შეკეთება;

ე) წყალმომარაგების ქსელების მშენებლობა-რეაბილიტაცია;

ვ) ჭაბურღილების მოწყობა;

ზ) კულტურის სახლების შეკეთება;

თ) ეკლესიების შეკეთება;

ი) მინი-სტადიონების მოწყობა;

კ) გაბიონის მოწყობა;

ლ) სატრანსფორმატორო პუნქტის გაძლიერება;

მ) საცალფეხო ხიდის შეკეთება;

ნ) საბავშვო ბაღის კაპიტალური რემონტი;

ო) სკვერის მოწყობა;

პ) ხევების გაწმენდა;

ჟ) სპორტული დარბაზის მოწყობა;

რ) ეკლესიის ეზოს კეთილმოწყობა.

8. გურჯაანის მუნიციპალიტეტის გამგეობას – 2 092 000 (ორი მილიონ ოთხმოცდათორმეტი ათასი) ლარი შემდეგი პროექტების განსახორციელებლად:

ა) გაზიფიცირება;

ბ) გარე განათების სამუშაოები;

გ) სასმელი წყლის სათავე ნაგებობის, შიდა ქსელებისა და საკანალიზაციო სისტემების რეაბილიტაცია;

დ) გზების რეაბილიტაცია;

ე) მრავალსართულიანი სახლების სახურავების შეკეთება;

ვ) მინი-სპორტული მოედნის მოწყობა;

ზ) წყლის ახალი ჭაბურღილის მოწყობა;

თ) სოფლებში ეკლესიების შემოღობვის სამუშაოები;

ი) 2005 წელს სტიქიის შედეგად დაზარალებული სოფელ ვაზისუბნის მოსახლეობისათვის დაკარგული მიწის სავარგულების აღდგენა-კომპენსაცია;

კ) მუნიციპალიტეტის კეთილმოწყობისათვის აუცილებელი სამუშაოები;“.

2. განკარგულება ძალაშია ხელმოწერის დღიდან.

პრემიერ-მინისტრი                               ვ. გურგენიძე