1. საგანგებო სიტუაციების მართვის სამსახურში მეხანძრე-მაშველად მიიღება ქმედუნარიანი პირი, რომელიც აკმაყოფილებს შემდეგ მოთხოვნებს:

ა) არის საქართველოს მოქალაქე;

ბ) ფლობს სახელმწიფო ენას;

გ) მიაღწია 18 წელს;

დ) მიღებული აქვს არანაკლებ სრული ზოგადი განათლება;

ე) პიროვნული და საქმიანი თვისებების, ჯანმრთელობის მდგომარეობის და ფიზიკური მომზადების გათვალისწინებით შეუძლია დაკისრებული ფუნქციების შესრულება;

ვ) საგანგებო სიტუაციების მართვის სამსახურის უფროსის/მინისტრის სამართლებრივი აქტით დადგენილ სხვა მოთხოვნებს.

2. საჯარო მოსამსახურედ და სამოქალაქო პირად (გარდა საგანგებო სიტუაციების მართვის სამსახურის სახანძრო-სამაშველო ძალების დეპარტამენტის საშტატო ნუსხით განსაზღვრული თანამდებობისა) მიიღება ქმედუნარიანი პირი, რომელიც არის საქართველოს მოქალაქე, რომელმაც იცის საქართველოს სახელმწიფო ენა, აქვს უმაღლესი განათლება, ასევე თავისი პიროვნული და საქმიანი თვისებებისა და ჯანმრთელობის მდგომარეობის შესაბამისად შეუძლია დაკისრებული ფუნქცია-მოვალეობების შესრულება. პირი საჯარო მოსამსახურედ მიიღება გამოსაცდელი ვადის განმავლობაში. გამოსაცდელი ვადის შემდეგ საჯარო მოსამსახურეს ენიჭება სამოქალაქო უსაფრთხოების სახელმწიფო სპეციალური წოდება ამ წესითა და საქართველოს კანონმდებლობით დადგენილი პირობების გათვალისწინებით.

3. საგანგებო სიტუაციების მართვის სამსახურში ამ მუხლის მე-2 პუნქტით განსაზღვრული მოსამსახურის მიღებისას ვრცელდება ამ წესის 22-ე და 24-ე მუხლებით დადგენილი წესი.

4. საშტატო ერთეულთა ჩამონათვალი, რომელზეც შეიძლება დანიშნულ იქნეს სრული ზოგადი განათლების მქონე პირი, განისაზღვრება მინისტრის ინდივიდუალური ადმინისტრაციულ-სამართლებრივი აქტით.

5. საგანგებო სიტუაციების მართვის სამსახურის მეხანძრე-მაშველთა საშტატო ნუსხით განსაზღვრულ თანამდებობაზე მისაღებ მოსამსახურეს უმაღლესი განათლება, მოეთხოვება იმ შემთხვევაში, თუ იგი ინიშნება განყოფილების უფროსზე უფრო მაღალ თანამდებობაზე.

6. საგანგებო სიტუაციების მართვის სამსახურის სახანძრო-სამაშველო ძალების დეპარტამენტის განსაზღვრულ განყოფილების უფროსზე უფრო მაღალ თანამდებობაზე სრული ზოგადი განათლების მქონე პირი შეიძლება დაინიშნოს დასაბუთებული წარდგინებითა და სამსახურის უფროსის გადაწყვეტილებით მხოლოდ ერთ-ერთი შემდეგი განსაკუთრებული გარემოების არსებობისას:

ა) კანდიდატის პიროვნული თვისებების, გამოცდილების, პროფესიული უნარ-ჩვევებისა და სამსახურის პერიოდში მიღწევების გათვალისწინებით;

ბ) სამსახურებრივი აუცილებლობიდან გამომდინარე.

7. საგანგებო სიტუაციების მართვის სამსახურში კონკრეტული თანამდებობისთვის, მისი ფუნქციებისა და შესასრულებელი სამუშაოს თავისებურებების გათვალისწინებით, სამსახურის უფროსის ბრძანებით შეიძლება განისაზღვროს დამატებითი საკვალიფიკაციო მოთხოვნებ