2. ვიბრაციული ეტიოლოგიის ცერებრულ-ანგიოდისტონური სინდრომი, რომელიც ვითარდება ვეგეტატურ-სენსორული პოლინევროპათიის და პერიფერიული სისხლძარღვოვანი მოშლილობის ფონზე, ხშირად დიფერენცირდება ცერებრულ ათეროსკლეროზთან, ვერტებრო-ბაზილარულ სისხლძარღვოვან უკმარისობის კლინიკურ სურათსა და კისრის სიმპატიკურ სინდრომთან (ბარრე-ლეუ). ეს უკანასკნელი ხშირად ვითარდება ხერხემლის კისრის მალების ოსტეოქონდროზთან დაკავშირებით, თუმცა მათი ეტიოლოგია განსხვავებულია.
3. ვიბრაციული დაავადების მკვეთრად გამოხარული ფორმა (III ხარისხი) ნაკლებად გვხვდება და უვითარდებათ იმ პროფესიული ჯგუფის მუშებს, რომლებიც განიცდიან ლოკალური ვიბრაციისა და სხვა მავნე პროფესიული ფაქტორების ერთდროულ მოქმედებას (სამთამადნო წარმოების მუშები, შემომჭრელები და სხვ.).
4. დაავადების ეს ფორმა ვლინდება ზემო კიდურების სენსომოტორული პოლინევროპათიის სინდრომით, პოლინევროპათიით ცერებრული და პერიფერიული ხასიათის დიფუზური, დისცირკულატორული სისხლძარღვოვანი დარღვევებით.
5. ზემო და ზოგჯერ ქვემო კიდურების პერიფერიული ნერვულ-სისხლძარღვოვანი ცვლილებების ფონზე აღინიშნება მიკროკეროვანი ცერებრული სიმპტომატიკა ასთენიით. შესაძლებელია გამოვლინდეს ვერტებრობაზილარული სისხლძარღვოვანი უკმარისობის ნიშნები, ღეროვანი, ჰიპოთალამური, ან ვეგეტატურ-ვესტიბულური ხასიათის სიმპტომები, რაც მიუთითებს დისცირკულაციურ ენცეფალოპათიის ჩამოყალიბებაზე. იგი ვითარდება ენცეფალოპოლინევროპათიის სინდრომის სახით პერიფერიული პოლინევროპათიის ფონზე.
6. ცალკეულ შემთხვევებში პროცესი პროგრესირებს რეინოს სინდრომის ტიპით მიმდინარე გენერალიზებული ანგიოსპასტიკური მოვლენების ხარჯზე. აკროანგიოსპაზმის შეტევები ვითარდება როგორც მტევნებზე, ასევე-ტერფებზეც. განსხვავებით რეინოს დაავადებისაგან, ვიბრაციული გენეზის გენერალიზებული აკროსპაზმი უკვე კარგად გამოხატული პოლინევროპათიის ფონზე ზემო კიდურებში ვითარდება. პოლინევროპათიის სინდრომი გენერალიზებული აკროანგიოსპაზმით შეიძლება განვითარდეს მაღალი სიხშირის ინტენსიური ვიბრაციის ხანგრძლივი მოქმედების შედეგად