1. ცერებრულ-ანგიოდისტონური სინდრომი ხასიათდება იშვიათი ან ხშირი თავის ტკივილით, არასისტემატური ხასიათის თავბრუსხვევით, პულსის ლაბილობით, არტერიული წნევის არასტაბილურობით. ავადმყოფებს აღენიშნებათ თვალის ფსკერის სისხლძარღვთა ცვლილებებით (ბადურის ანგიოპათია), მყარი არტერიული ჰიპერტონია, რეოენცეფალოგრაფიის მონაცემებით სისხლსავსეობის მაჩვენებლის ლაბილურობა. აღნიშნული ცვლილებები ხშირად ერწყმის ნევრასთენიული ხასიათის ნიშნებს და ვეგეტატურ დისფუნქციას, როგორიცაა: დაღლილობა, გაღიზიანებადობა, უძილობა, ოფლიანობა, გულის არეში მსუბუქი ტკივილი და სხვ.
2. უნდა აღინიშნოს, რომ ცერებრულ-ანგიოდისტონიური სინდრომი გამოირჩევა კლინიკური ნიშნების გამოვლინების არამდგრადობით. თანამედროვე ტექნიკის პირობებში, ორგანიზმზე ზოგადი ვიბრაციის მოქმედებისათვის მყარი იზოლირებული ცერებრულ-სისხლძარღვოვანი ცვლილებები არ არის დამახასიათებელი, თუმცა სხვადასხვა ეტიოლოგიის ცერებრული ანგიოდისტონიის დიფერენციალური დიაგნოზისას მათი პოლიეტიოლოგიურობა და მოსახლეობაში ფართოდ გავრცელება აუცილებლად უნდა იქნეს გათვალისწინებული