1. ვეგეტატურ-ვესტიბულური სინდრომი წარმოადგენს ცერებრულ-ანგიოდისტონიური ცვლილებების ნაირსახეობას. მისი დამოუკიდებელ ფორმად გამოყოფა დაკავშირებულია ვესტიბულური ანალიზატორის სპეციფიურ თავისებურებაზე, კერძოდ, ვიბრაციულ და ვესტიბულურ დატვირთვაზე პირველად რეაგირებაზე. ეს სინდრომი ხშირად არამდგრადი ხასიათისაა, მისი ნიშნები განსაკუთრებით ტრანსპორტით მგზავრობისას ძლიერდება. ამის გამო ხდება “რყევის” სინდრომისაგან მისი დიფერენცირება. ამ დროს რომბერგის პოზაში და სიარულისას აღინიშნება არასისტემური თავბრუსხვევა, ნისტაგმოიდი, არამდგრადობა, ბუნებრივ და ექსპერიმენტულ დატვირთვაზე ვესტიბულო-ვეგეტატიური რეაქციის მომატება. პროცესის გაღრმავებისას (II ხარისხი) მოცემული სინდრომი დამოუკიდებლად არ ვლინდება და შედის ცერებრული ანგიოდისტონური სინდრომის სტრუქტურაში, იზოლირებული ფორმით, არც ეს უკანასკნელია გამოხატული, იგი შერწყმულია პერიფერიულ ნერვულ-სისხლძარღვოვან ცვლილებებთან