2. თუ ფეთქებადი ნივთიერებით დატვირთული ვაგონის გადაზიდვის საბუთებში არის შტემპელი „გორაკიდან დაშვება აკრძალულია”, მის მიმართ სამანევრო სამუშაო სრულდება ლოკომოტივის დახე-ვინებით ან აღებით გორაკის მხრიდან, საფარის ნორმების დაცვით, განსაკუთრებული სიფრთხილით, ბიძგისა და მკვეთრი გაჩერების გარეშე. ფეთქებადნივთიერებიანი ვაგონების შეჯახების სიჩქარე, სხვა ვაგონთან ან ლოკომოტივთან გადაბმისას, არ უნდა აღემატებოდეს 3 კმ/სთ-ში. ამ ვაგონის დაშვება მახარისხებელი გორაკიდან ნებადართულია მხოლოდ ლოკომოტივთან ერთად.
3. მახარისხებელ ლიანდაგზე დაყენების შემდეგ გორაკის, ნახევარვაგონის ან გაწევის მხრიდან ვაგონი დაუყოვნებლივ უნდა შემოიღობოს ორი დამცავი სამუხრუჭე ბუნიკით, რომელიც იწყობა ორივე რელსზე ერთმანეთისგან 25მ-ანი ინტერვალით ისე, რომ საერთო მანძილი დაცულ ფეთქებადნივთიერებიან ვაგონსა და მახარისხებელ მოწყობილობასთან განლაგებულ უახლოეს სამუხრუჭე ბუნიკს შორის იყოს არანაკლებ 50 მ-ისა.
4. შემდგომი ანახსნი, რომელიც იგზავნება ამ მიმართულებით, შეჩერებულ უნდა იქნეს დამცავი სამუხრუჭე ბუნიკის ადგილმდებარეობამდე, არანაკლებ ათვაგონიანი ჯგუფის დაგროვების პირობით. ვაგონების დაშლის ნორმალური რეჟიმი ან მანევრებისას მათი ბიძგით გადაადგილება შეიძლება მხოლოდ იმ შემთხვევაში აღდგეს, თუ ფეთქებადი ნივთიერებით დატვირთული ვაგონი დაფარულია მასთან წინასწარ გადაბმული ამ ჯგუფის ვაგონით. თუ ფეთქებადნივთიერებიან ვაგონსა და სამუხრუჭე პოზიციის ბოლომდე არსებული მანძილი გორაკის, ერთნახევრიანის ან გაწევის მხრიდან 50 მ-ზე ნაკლებია, მაშინ ამ მიმართულებით შემდგომი ანახსნი უნდა გაიგზავნოს მხოლოდ დახევის მეშვეობით