2. თუ ფეთქებადნივთიერებიანი ვაგონის მიწოდება-გამოყვანა ხდება მყარსაწვავიანი ორთქლმავლით, იგი აღჭურვილი უნდა იყოს ნაპერწკალჩამქრობი მოწყობილობით. აღნიშნული სამუშაოს შესრულებისას დაცულ უნდა იქნეს სახანძრო უსაფრთხოების ზომები, რომელიც კომისიურად არის დადგენილი თითოეული ობიექტისთვის.
3. ფეთქებადი ნივთიერების ჩასატვირთად ვაგონის მიწოდებამდე სამანევრო დისპეტჩერი (სადგურის მორიგე) ვალდებულია შეამოწმოს, რომ ვაგონმა გაიარა დათვალიერება და მოცემული ტვირთის გადასაზიდად ტექნიკურად ვარგისად არის ცნობილი.
4. ფეთქებადი ნივთიერებით დატვირთული ვაგონის მიწოდება-გამოყვანისას მისასვლელ ლიანდაგზე მას უნდა ჰქონდეს საფარი ამ წესის 118-ე მუხლით განსაზღვრული ნორმის შესაბამისად.
5. ფეთქებადნივთიერებიანი ვაგონის გადმოსატვირთად მიმღები ან გამგზავნი მისასვლელი ლიანდაგის მომსახურების ადგილობრივ ინსტრუქციაში გათვალისწინებული უნდა იყოს ამ ვაგონის მიწოდება-გამოყვანის მარშრუტი, გადაადგილების სიჩქარე სამანევრო შემადგენლობასთან, გადასასვლელსა და დაცულ პუნქტში მარშრუტის სვლის წესი, აგრეთვე უსაფრთხოების უზრუნველმყოფი სხვა ზომა