მუხლი 28. მოთხოვნები ხმაურისა და ვიბრაციისაგან დაცვისადმი

1. მოწყობილობებით წარმოქმნილი ხმაურის შესამცირებლად აუცილებელია:
ა) შესაძლებლობის მიხედვით, მართვის ორგანოების გარდა მათი დაფარვა ბგერასაიზოლაციო გარსაცმით;
ბ) გარსაცმის შიდა ზედაპირების მოპირკეთება ვიბროშთანთქმელი მასტიკებით;
გ) მბრუნავი დეტალების და კვანძების სტატიკური და დინამიკური ბალანსირების და რეგულირების სისტემატიური ჩატარება;
დ) ხმაურის წარმომქმნელი ლითონის დეტალების შეცვლა „უხმო მასალებისაგან“ დამზადებული დეტალებით.
2. ხელის მექანიზებული ხელსაწყოებით დასამუშავებელი ნაკეთობები ისე უნდა ჩაეწყოს და დამაგრდეს, რომ თავიდან ავიცილოთ დამატებითი ვიბრაციის წარმოქმნა.
3. იმ მოწყობილობებთან მუშაობისას, რომელთა ვიბრაცია გვევლინება ტექნოლოგიური პროცესის ძირითად ელემენტად (ვიბროშემჭიდროება), იკრძალება მომუშავეთა ყოფნა მოვიბრირე ზედაპირებზე.
4. ვიბრაციისაგან დასაცავად მისი გავრცელების გზებზე მოწყობილობებიდან, რომლებიც დაყენებულია გადახურვებში, საჭიროა გამოყენებული იყოს ვიბროსაიზოლაციო საყრდენები, მანქანების მომსახურების ბაქნის აკუსტიკური გართვა და სხვა მოწყობილობები