მუხლი 2. მოთხოვნები სამრეწველო საწარმოების, შენობების და ნაგებობების განთავსებისა და ტერიტორიების მოვლისადმი

1. საწარმოო ფართის შერჩევა შახტებისა და გამამდიდრებელი ფაბრიკების მშენებლობისათვის, მასზე საამქროების, დანადგარების განთავსებისა და ტერიტორიის კეთილმოწყობის ღონისძიებები, მანძილი შენობა-ნაგებობებს შორის, სანიტარიული დაცვის ზონების (სდზ) სიდიდეები უნდა შეესაბამებოდეს დადგენილი სანიტარიული წესებისა და ნორმების მოთხოვნებს.
2. სანიტარიული დაცვის ზონა უნდა იყოს გამწვანებული და კეთილმოწყობილი.
3. საწარმოთა საავტომობილო გზები და სარკინიგზო მაგისტრალები, რომელიც განკუთვნილია სამთო მასისა და გამამდიდრებელ ფაბრიკათა ნარჩენების გადაზიდვისათვის, როგორც წესი, არ უნდა კვეთდეს საცხოვრებელი განაშენიანების ტერიტორიას. საავტომობილო გზებს, გასასვლელებს, ქვეითად მოსიარულეთა გზებს უნდა ჰქონდეს მყარი საფარი, სისტემატიურად იწმინდებოდეს გადმონაბნევებისაგან და ინამებოდეს, ან უნდა ტარდებოდეს სხვა ღონისძიებები მტვერწარმოქმნის თავიდან ასაცილებლად.
4. ნარჩენებისა და მეორადი პროდუქტების დაგროვება, დახარისხება, ტრანსპორტირება, დროებითი შენახვა, მათი გაუვნებელყოფა და დამარხვა უნდა სწარმოებდეს სპეციალურად ამ მიზნისათვის განსაზღვრულ ტერიტორიაზე, ქართა მარაოს გათვალისწინები