1. სამოქალაქო ავიაციის ობიექტებისა და საშუალებების დაცვის ღონისძიებების განმახორციელებელ პერსონალს  უნდა ჰქონდეს დაცვითი  ღონისძიებების  განხორციელებისთვის  საჭირო ფიზიკური მონაცემები, რაც გულისხმობს საქმიანობის განხორციელებისთვის საჭირო ადეკვატურ სმენას და მხედველობას (რომელიც შესაძლოა მიღწეულ იქნეს დამხმარე საშუალებების  გამოყენებით, როგორებიც არის სათვალე, კონტაქტური ლინზა, სმენის აპარატი და სხვა).

2. შემოწმების ოპერატორს უნდა ჰქონდეს:

ა) შემოწმების სამუშაოების განხორციელებისათვის საჭირო ფიზიკური მონაცემები,  ასევე ფერთა ადეკვატურად აღქმა, რაც მისცემს შესაძლებლობას რენტგენური დანადგარის ეკრანზე გამოსახული საგნის სწორად ამოცნობის შესაძლებლობას, კარგი სმენა, რომელიც შესაძლოა მიღწეულ იქნეს დამხმარე საშუალებების გამოყენებით, კარგი მეტყველების უნარი, კომუნიკაციის მარტივად დამყარების მიზნით;

ბ) ინგლისური ენის საბაზისო ცოდნა იმ შემოწმების ოპერატორებს, რომელთაც უწევთ მგზავრთან კომუნიკაცია;

გ)  შემოწმების ოპერატორების მომზადების დამადასტურებელი მოქმედი სერტიფიკატი.

3. საავიაციო უშიშროების სამსახურის ხელმძღვანელ პირს, ცვლის უფროსს უნდა ჰქონდეს:

ა) საავიაციო უშიშროების სფეროში მუშაობის, სულ მცირე, 2 (ორი) წლის გამოცდილება;

ბ) ხელმძღვანელი პირებისათვის განკუთვნილი მომზადების დამადასტურებელი მოქმედი სერტიფიკატი;

გ) საავიაციო უშიშროების  სფეროში ეროვნული კანონმდებლობით დადგენილი მოთხოვნებისა და  საერთაშორისო სამოქალაქო ავიაციის შესახებ“ ჩიკაგოს 1944 წლის კონვენციით განსაზღვრული  სტანდარტებისა და რეკომენდებული პრაქტიკის ცოდნა;

დ) ინგლისურ ენაზე  კომუნიკაციის  წარმართვის უნარი (საჭიროებისამებრ, განსაზღვრავს ავიასაწარმო).

4. ავიასაწარმოს საავიაციო უშიშროებაზე პასუხისმგებელ პირს უნდა ჰქონდეს:

ა) უმაღლესი განათლება;

ბ) საავიაციო უშიშროების სფეროში მინიმუმ სამი წლის სამუშაო გამოცდილება;

გ) ხელმძღვანელი პირებისათვის განკუთვნილი მომზადების დამადასტურებელი სერტიფიკატი;

დ) საავიაციო უშიშროების  სფეროში ეროვნული კანონმდებლობით დადგენილი მოთხოვნებისა და „საერთაშორისო სამოქალაქო ავიაციის შესახებ“ ჩიკაგოს 1944 წლის კონვენციით განსაზღვრული  სტანდარტებისა და რეკომენდებული პრაქტიკის ცოდნა.

5. საავიაციო უშიშროების ინსტრუქტორს უნდა ჰქონდეს:

ა) უმაღლესი განათლება;

ბ) საავიაციო უშიშროების სფეროში სამი წლის სამუშაო გამოცდილება;

გ) საავიაციო უშიშროების ინსტრუქტორის მომზადების გავლის დამადასტურებელი  და სააგენტოს მიერ გაცემული ინსტრუქტორის მოქმედი სერტიფიკატი;

დ) საავიაციო უშიშროების მარეგულირებელი ეროვნული ნორმატიული აქტების, „საერთაშორისო სამოქალაქო ავიაციის შესახებ“ ჩიკაგოს 1944 წლის კონვენციის მე-17 დანართის,  საავიაციო უშიშროების სფეროს მარეგულირებელი  ევრორეგულაციების,    სამოქალაქო ავიაციის საერთაშორისო ორგანიზაციის (ICAO) საავიაციო უშიშროების სახელმძღვანელოს Doc 8973 და სხვა სახელმძღვანელო მასალის, ასევე ევროპის  სამოქალაქო ავიაციის ევროპის კონფერენციის (ECAC) სახელმძღვანელოს Doc 30 ცოდნა;

ე) გამართული მეტყველება და კომუნიკაციის უნარი;

ვ) საავიაციო უშიშროების ინსტრუქტორს, რომელიც ახორციელებს შემოწმების ოპერატორების მომზადებას, უნდა ჰქონდეს შემოწმების ოპერატორად მუშაობის, სულ მცირე, 3 წლის გამოცდილება.

6. ავიასაწარმოს საავიაციო უშიშროების ხარისხის შიდა კონტროლის განმახორციელებელი პირის საკვალიფიკაციო მოთხოვნები განსაზღვრულია  საქართველოს მთავრობის 2016 წლის 2 ივნისის №242 დადგენილებით  დამტკიცებული „სამოქალაქო ავიაციის სფეროში საავიაციო უშიშროების ხარისხის კონტროლის სახელმწიფო პროგრამით“.

7. ფრენის უსაფრთხოების ინსპექტორის საკვალიფიკაციო მოთხოვნები განსაზღვრულია „საჯარო სამართლის იურიდიული პირის – სამოქალაქო ავიაციის სააგენტოს ფრენის უსაფრთხოების ინსპექტორების საკვალიფიკაციო მოთხოვნების დამტკიცების შესახებ“ სსიპ – სამოქალაქო ავიაციის სააგენტოს დირექტორის 2020 წლის 24 სექტემბრის №155 ბრძანები