მუხლი 3. ძირითადი ტერმინები

ამ წესის მიზნებისთვის გამოყენებულ ტერმინებს აქვს შემდეგი მნიშვნელობა:

ა) ძირითადი საშუალება – კერძო სამართლის იურიდიული პირის საკუთრებაში არსებული მატერიალური აქტივი, რომელიც გამოიყენება საქმიანობის განხორციელებისას და აკმაყოფილებს ბუღალტრული აღრიცხვის შესაბამისი სტანდარტებით დადგენილ მოთხოვნებს;

ბ) ამორტიზებული ძირითადი საშუალება – ძირითადი საშუალება, რომლის ღირებულება სრულად ან არსებითად არის ჩამოწერილი/ამორტიზებული ბუღალტრული აღრიცხვის მონაცემების შესაბამისად და რომლის შემდგომი გამოყენების შესაძლებლობა შეზღუდულია ან არ არსებობს;

გ) გამოუყენებელი ქონება – ძირითადი საშუალება, რომელიც ფაქტობრივად აღარ გამოიყენება იურიდიული პირის საქმიანობაში და რომლის შემდგომი გამოყენება არსებული მდგომარეობით შეუძლებელია, არაეფექტიანია ან ეკონომიკურად არარენტაბელურია;

დ) ჩამოსაწერი ქონება – ძირითადი საშუალება, რომლის ტექნიკური, ფიზიკური, მორალური ან ფუნქციური მდგომარეობიდან გამომდინარე დადგენილია მისი შემდგომი გამოყენების შეუძლებლობა ან არარენტაბელურობა და არსებობს მისი ბუღალტრული აღრიცხვიდან ჩამოწერის საფუძველი;

ე) ინვენტარიზაცია – იურიდიული პირის ქონების ფაქტობრივი არსებობის, მდგომარეობისა და შესაბამისი აღრიცხვის მონაცემებთან შესაბამისობის დადგენის პროცესი;

ვ) საინვენტარიზაციო კომისია – იურიდიული პირის ხელმძღვანელის მიერ შექმნილი მუდმივმოქმედი ან კონკრეტული შემთხვევისთვის შექმნილი კომისია, რომელიც ახორციელებს ქონების ინვენტარიზაციასა და ჩამოწერის მიზნით მის შესწავლას;

ზ) ტექნიკური მდგომარეობის შეფასება – ქონების ფიზიკური, ტექნიკური და ფუნქციური მდგომარეობის შესწავლა მისი შემდგომი გამოყენების შესაძლებლობის დასადგენად;

თ) შეფასება – ქონების ღირებულების განსაზღვრა კანონმდებლობისა და შესაბამისი პროფესიული სტანდარტების შესაბამისად;

ი) ნარჩენი ღირებულება – ჩამოწერის შედეგად მიღებული ქონების, მასალის, ჯართის ან ვარგისი ნაწილის სავარაუდო ღირებულება;

კ) ლიკვიდაცია – ჩამოსაწერი ძირითადი საშუალების დემონტაჟის, დაშლის, უტილიზაციის, განადგურების ან სხვა კანონიერად დასაშვები ფორმით ფაქტობრივი გაუქმების პროცესი;

ლ) შემფასებელი – შესაბამისი კვალიფიკაციის მქონე დამოუკიდებელი პირი ან ორგანიზაცია, რომელსაც კანონმდებლობის შესაბამისად შეუძლია ქონების შეფასება;

მ) ექსპერტი/სპეციალისტი – შესაბამის სფეროში ცოდნისა და კვალიფიკაციის მქონე პირი, რომლის დასკვნაც საჭიროა კონკრეტული ქონების ტექნიკური ან სხვა მდგომარეობის დასადგენად.

ინვენტარიზაცია და ქონების ფაქტობრივი მდგომარეობის დადგე