1. კანდიდატის მოსამზადებელ კურსებზე მისაღები გამოცდები შედგება ორი ეტაპისაგან: საკვალიფიკაციო გამოცდა – ტესტირება და გასაუბრება.
2. ტესტირება და გასაუბრება ტარდება საქართველოს ფინანსთა მინისტრის მიერ დადგენილი წესის შესაბამისად შექმნილი სამსახურის საკონკურსო-საატესტაციო კომისიის მიერ.
3. კანდიდატმა მისაღები გამოცდის ორივე ეტაპზე უნდა მიიღოს დადებითი შეფასება.
4. სამსახურის საკონკურსო-საატესტაციო კომისია იმ კანდიდატთა სიას, რომლებმაც გამოცდების ორივე ეტაპზე მიიღეს დადებითი შეფასება, გამოცდების დამთავრებიდან სამი დღის ვადაში წარუდგენს სამსახურის უფროსს, ხოლო სამსახურის უფროსი სამსახურის ადმინისტრაციის მეშვეობით კანდიდატს გადასცემს მოსამზადებელ კურსებზე მისაღები გამოცდის ჩაბარების დამადასტურებელ მოწმობას.
5. კანდიდატი ამ მუხლის მე-4 პუნქტით გათვალისწინებულ მოწმობასთან ერთად მიიღებს მოსამზადებელი კურსების გავლის უფლების დამადასტურებელ მოწმობას, რომელშიც მითითებული უნდა იყოს მოსამზადებელი კურსების დაწყების თარიღი, დაწესებულების დასახელება და მისამართი