მუხლი 10. სამსახურის თანამშრომლის ფიცი

1. სამსახურის თანამშრომელი, რომელიც ამ კანონით დადგენილი წესით პირველად მიიღება სამსახურში, წარადგენს შემდეგი შინაარსის ფიცს:
„შეგნებული მაქვს საქართველოს ფინანსთა სამინისტროს საგამოძიებო სამსახურში ჩემზე დაკისრებული პასუხისმგებლობა, ვფიცავ, ერთგულად ვემსახურო საქართველოს სახელმწიფოს და მის ხალხს, დავიცვა საქართველოს კონსტიტუცია და კანონები, პატივი ვცე სახელმწიფო ინტერესებს და ავტორიტეტს, მოქალაქეთა უფლებებსა და თავისუფლებებს, დავიცვა საქართველოს სუვერენიტეტი და უსაფრთხოება, კეთილსინდისიერად აღვასრულო ჩემი მოვალეობები“.
2. ფიცის მიღების ფორმას ადგენს სამსახურის უფროსი