,,საქართველოს სოფლის მეურნეობის სამინისტროს გამგებლობის სფეროში შემავალი ზოგიერთი სახელმწიფო საქვეუწყებო დაწესებულებისა და სამინისტროს სახელმწიფო კონტროლს დაქვემდებარებული საჯარო სამართლის იურიდიული პირის სალიკვიდაციო ღონისძიებათა თაობაზე”

საქართველოს მთავრობის

დადგენილება №20

2006 წლის 26 იანვარი

ქ. თბილისი

საქართველოს სოფლის მეურნეობის სამინისტროს გამგებლობის სფეროში შემავალი ზოგიერთი სახელმწიფო საქვეუწყებო დაწესებულებისა და სამინისტროს სახელმწიფო კონტროლს დაქვემდებარებული საჯარო სამართლის იურიდიული პირის სალიკვიდაციო ღონისძიებათა თაობაზე

,,სასოფლო-სამეურნეო კულტურების ჯიშების გასავრცელებლად დაშვების, ხარისხიანი თესლისა და სარგავი მასალის შესახებ” საქართველოს კანონში ცვლილებებისა და დამატებების შეტანის თაობაზე” და ,,ვეტერინარიის შესახებ” საქართველოს კანონში ცვლილებებისა და დამატებების შეტანის თაობაზე”, ,,წლის შესახებ” საქართველოს კანონში ცვლილებების შეტანის თაობაზე”, ,,მავნე ორგანიზმებისაგან მცენარეთა დაცვის შესახებ” საქართველოს კანონში ცვლილებების შეტანის თაობაზე”, ,,პესტიციდებისა და აგროქიმიკატების შესახებ” საქართველოს კანონში ცვლილებების შეტანის თაობაზე” საქართველოს კანონების შესრულების მიზნით:

1. ლიკვიდირებულ იქნეს საქართველოს სოფლის მეურნეობის სამინისტროს საქვეუწყებო დაწესებულებები – სელექციური მიღწევების გამოცდის, თესლეულისა და სარგავი მასალის ხარისხის ინსპექციები, წყლის, ლუდისა და უალკოჰოლო სასმელების სახელმწიფო რეგულირების დეპარტამენტი – ,,საქმინხილწყალი”, მცენარეთა დაცვის სამსახური, აგროქიმიური და ნიადაგის ნაყოფიერების სამსახური და საჯარო სამართლის იურიდიული პირები – საქართველოს მცენარეთა ჯიშების სელექციონერთა უფლებების დაცვის ცენტრი (საქჯიშცენტრი) და ვეტერინარიის დეპარტამენტი.

2. საქართველოს სოფლის მეურნეობის სამინისტრომ (მ. სვიმონიშვილი) უზრუნველყოს სელექციური მიღწევების გამოცდის, თესლეულისა და სარგავი მასალის ხარისხის ინსპექციების, წყლის, ლუდისა და უალკოჰოლო სასმელების სახელმწიფო რეგულირების დეპარტამენტის ,,საქმინხილწყალის”, მცენარეთა დაცვის სამსახურის, აგროქიმიური და ნიადაგის ნაყოფიერების სამსახურის, საქართველოს მცენარეთა ჯიშების სელექციონერთა უფლებების დაცვის ცენტრისა (საქჯიშცენტრი) და ვეტერინარიის დეპარტამენტის სალიკვიდაციო ღონისძიებათა განხორციელება საქართველოს კანონმდებლობით დადგენილი წესით.

3. საქართველოს სოფლის მეურნეობის სამინისტრომ ამ დადგენილების ამოქმედებიდან 15 დღეში უზრუნველყოს შესაბამისი საკანონმდებლო ცვლილებების მომზადება და საქართველოს მთავრობის სხდომაზე განსახილველად წარმოდგენა.

4. დადგენილება ამოქმედდეს გამოქვეყნებისთანავე.

პრემიერ-მინისტრი            ზ. ნოღაიდელი