1. საქართველო ჩიკაგოს კონვენციით განსაზღვრული ვალდებულებების გათვალისწინებით უზრუნველყოფს ICAO-სთან რეგულარულ კავშირს საავიაციო უშიშროების უზრუნველყოფის კუთხით, მათ შორის, პერსონალის მომზადებისა და უშიშროების უზრუნველმყოფი სისტემების ტექნიკური აღჭურვილობის საკითხებში.
2. საქართველო აცნობებს ICAO-ს საავიაციო უშიშროების უზრუნველყოფის საკითხებში სახელმწიფო პროგრამით განსაზღვრული ორგანოების უფლება-მოსილებებისა და მასში შესაბამისი ცვლილებების შესახებ.
3. ICAO-ს ოფიციალური გამოცემის DOC-8973 („მართლსაწინააღმდეგო ქმედობებისგან სამოქალაქო ავიაციის დაცვის სახელმძღვანელო“) 34-ე დამატებით („მართლსაწინააღმდეგო ქმედობის შესახებ ოფიციალური შეტყობინება“) დამტკიცებული სქემის მიხედვით საქართველო უგზავნის ICAO-ს წერილობით ანგარიშს სამოქალაქო ავიაციის წინააღმდეგ მიმართული მართლსაწინააღმდეგო ქმედობის შესახებ.
4. ICAO -სთან თანამშრომლობას უზრუნველყოფს ადმინისტრაცია.
თავი V
აეროპორტებისა და აერონავიგაციის საშუალებებისა და სამსახურების, საჰაერო ხომალდების დაცვ