1. საქართველოს სამოქალაქო ავიაციის მომსახურე აეროპორტში უშიშროების საფრთხის დონის შეფასების საფუძველზე გამოიყოფა კონტროლირებადი და შეზღუდული დაშვების დაცული ზონები, რომლებიც აღჭურვილი უნდა იყოს პირების და სატრანსპორტო საშუალებების ამოცნობის სისტემებით.
2. საავიაციო უშიშროების უზრუნველყოფის მოთხოვნები ვრცელდება აეროპორტის საქმიანობის ყველა სფეროზე, საქმიანობის სპეციფიკის გათვალისწინებით.
3. აეროპორტის დაპროექტების, მშენებლობის ან/და რეკონსტრუქციისას აეროპორტის უშიშროების უზრუნველყოფის ერთიანი სისტემის შექმნის მიზნით იქმნება შესაბამისი ჯგუფი აეროპორტის კომიტეტის წევრების, სამინისტროსა და ადმინისტრაციის წარმომადგენლების, აგრეთვე, საჭიროების შემთხვევაში, კერძო ექსპერტების, საინჟინრო-ტექნიკური თანამშრომლებისა და საკონსულტაციო ფირმების წარმომადგენლების შემადგენლობით