ჩიკაგოს კონვენციის მე-17 დანართით განსაზღვრული საერთაშორისო სტანდარტები და რეკომენდებული პრაქტიკა ვრცელდება საქართველოს ტერიტორიაზე განხორციელებულ შიდა ფრენებზეც რისკის შეფასების დადგენილ კრიტერიუმებზე დაფუძნებით. რისკის შეფასების დროს გათვალისწინებული უნდა იყოს:
ა) საერთო რისკი;
ბ) საავიაციო უშიშროების უზრუნველყოფის საკითხებში, შიდა რეისებისადმი საერთაშორისო რეისებისაგან განსხვავებული მიდგომის არსებობის შესაძლო ნეგატიური შედეგები საერთაშორისო გადაყვანა-გადაზიდვების საავიაციო უშიშროებისთვის;
გ) მგზავრების, ბარგის, ტვირთის და სხვა პირების/საგნების გადაადგილება, რომელსაც შეიძლება საერთაშორისო ფრენისათვის ჰქონდეს ნეგატიური შედეგები;
დ) გადაყვანა-გადაზიდვების სახე და ხასიათი;
ე) აეროპორტის/აეროდრომის ზომები;
ვ) აეროპორტის საქმიანობის მასშტაბები;
ზ) რისკის ალბათობა;
თ) მართლსაწინააღმდეგო ქმედობის შედეგების შესაძლო ზემოქმედება სხვა სახელმწიფოებზე;
ი) აეროპორტის/აეროდრომის შესაბამისი სამსახუ-რების მზადყოფნა აეროპორტის/აეროდრომის ტერიტორიაზე საგანგებო სიტუაციის განვითარების შემთხვევაში.
თავი X
გაუთვალისწინებელი ვითარების შემთხვევებში პროგრამებისა და მოქმედებათა კორექტირებ