1. საფრთხის შესახებ ინფორმაციის მიღებისას საპასუხო მოქმედებებში ნებისმიერი კორექტივების შეტანა უნდა განხორციელდეს საავიაციო უშიშროების უზრუნველყოფის ეროვნული კომიტეტის და აეროპორტის კომიტეტების მეშვეობით საავიაციო უშიშროების უზრუნველმყოფ ყველა შესაბამის უფლებამოსილ ორგანოსთან შეთანხმებით.
2. სამოქალაქო ავიაციის ობიექტების/სამსახურების მიმართ შესაძლო საფრთხის შესახებ ინფორმაციის მიღებისას საფრთხის შეფასებას უზრუნველყოფს ადმინისტრაცია.
3. ადმინისტრაცია ასევე უზრუნველყოფს აეროპორტის და საჰაერო ხომალდების ექსპლუატანტების მიერ ამ საფრთხის საპასუხო ღონისძიებების გატარების ზედამხედველობას.
4. სამოქალაქო ავიაციაში საფრთხის დონის მატების შემთხვევაში, სამოქალაქო ავიაციის მთელ დარგში საავიაციო უშიშროების უზრუნველყოფის ზომები შესაბამისად მკაცრდება.
5. გაუთვალისწინებელი ვითარების წარმოქმნის პირობებში მნიშვნელოვანია, რომ:
ა) განხორციელდეს მართლსაწინააღმდეგო ქმედობის დროული ლოკალიზება და შემდგომი განვითარების აღკვეთა;
ბ) თავიდან იქნეს აცილებული მგზავრებსა და პერსონალს შორის პანიკის წარმოქმნა;
გ) სიტუაცია აყვანილ იქნეს კონტროლზე