1. ცერებრალური დამბლითა და სქოლიოზით დაავადებული ბავშვების (0-დან 18 წლამდე) დახმარება, ამ დაავადებათა მკურნალობის ფარგლებში, მოხდება ერთჯერადად 50%-ის თანადაფინანსებით არა უმეტეს 500 (ხუთასი) ლარისა.
2. სქოლიოზით დაავადებული ბავშვების სამკურნალო გამაჯანსაღებელი კურსის დაფინანსება საცურაო აუზზე თითო ბავშვზე არა უმეტეს 120 (ასოცი) ლარისა.
3. დაფინანსებას მიიღებს სქოლიოზით დაავადებული ბავშვები 18 წლამდე. თითო ბავშვს დაუფინანსდება სამთვიანი საცურაო-გამაჯანსაღებელი კურსი გორის საცურაო აუზზე, თვეში 12 პროცედურა (კვირაში 3 დღე).
4. მუნიციპალიტეტში წარმოსადგენი დოკუმენტებია:
ა) განცხადება საკრებულოს თავმჯდომარის ან გამგებლის სახელზე;
ბ) დახმარების მიმღების (ბენეფიციარის) პირადობის მოწმობის ასლი;
გ) ცნობა ჯანმრთელობის მდგომარეობის შესახებ (ფორმა №100);
დ) ხარჯთაღრიცხვის დოკუმენტი და ანგარიშ-ფაქტურა შესაბამისი დაწესებულებიდან;
ე) ცნობა ექიმისგან სქოლიოზით დაავადების შესახებ (ცნობა გაცემული უნდა იყოს ბოლო ერთი წლის მანძილზე);
ვ) დაბადების მოწმობა;
ზ) დახმარების მიმღებს (ბენეფიციარს) აუცილებლად უნდა ჰქონდეს გავლილი სქოლიოზისთვის საჭირო შესაბამისი სამკურნალო მასაჟის კურსი.
5. ანაზღაურება მოხდება უნაღდო ანგარიშსწორების ფორმით შესაბამისი დაწესებულების საბანკო ანგარიშზე