1. საარჩევნო კომისია პასუხისმგებელია მასწავლებელთა და მშობელთა ერთიანი საარჩევნო სიების შედგენაზე (შემდგომში - ამომრჩეველთა სია). მშობელთა სიები დგება თითოეული საფეხურისთვის ცალ-ცალკე.
2. არჩევნებამდე შვიდი დღით ადრე საარჩევნო კომისია ლიცეუმის დირექციიდან გამოითხოვს მასწავლებელთა ნუსხას სახელფასო უწყისის მიხედვით.
3. არჩევნებამდე შვიდი დღით ადრე სასწავლო ჯგუფის დამრიგებელი საარჩევნო კომისიას აწვდის თავისი სადამრიგებლო ჯგუფის კადეტთა მშობლების სიას. მშობელთა სიაში კონკრეტული კადეტის სახელისა და გვარის გასწვრივ მითითებული უნდა იყოს ამ კადეტის ორივე მშობლის სახელი, გვარი და პირადი ნომერი.
4. მოწოდებული სიები დაუყოვნებლივ უნდა გამოიკრას თვალსაჩინო ადგილას ლიცეუმში. სიებში ხარვეზის აღმოჩენისას დაინტერესებულ მხარეს უფლება აქვს სამი დღის განმავლობაში მიმართოს საარჩევნო კომისიას ხარვეზის გამოსწორების მოთხოვნით. საარჩევნო კომისიის გადაწყვეტილება უნდა იყოს დასაბუთელი.
5. ხარვეზის შესახებ გადაწყვეტილება საარჩევნო კომისიამ უნდა გამოიტანოს ერთი დღის ვადაში