1. ბიოუსაფრთხოების დონე 2 გამოიყენება იმ ცხოველებთან სამუშაოდ, რომელთა ორგანიზმშიც შეყვანილია მე-2 რისკ-ჯგუფის ორგანიზმები.

ამგვარი სამუშაოების განხორციელებისას დაცულ უნდა იქნეს ქვემოთ ჩამოთვლილი  უსაფრთხოების ყველა ზომა:

ა) შესრულდეს ცხოველთა ლაბორატორიის ბიოუსაფრთხოების პირველი დონისათვის გათვალისწინებული ყველა მოთხოვნა;

ბ) კარსა და სხვა სათანადო ადგილზე გაიკრას ბიოსაფრთხის ნიშნები;

გ) შენობის დიზაინი იძლეოდეს ადვილად მოვლისა და დასუფთავების საშუალებას;

დ) კარი იღებოდეს შიგნით და აღჭურვილი  იყოს ავტომატური დახურვის მოწყობილობით;

ე) გათბობა, ვენტილაცია და განათება იყოს სათანადო დონეზე;

ვ) თუ გამოიყენება მექანიკური ვენტილაცია, ჰაერის ნაკადი მიმართული იყოს ოთახის შიგნით. გამომავალი ჰაერი შენობის გარეთ იფანტებოდეს და არ ხდებოდეს მისი რეცირკულაცია შენობაში;

ზ) შესვლა შეეძლოთ მხოლოდ უფლებამოსილ პირებს;

თ) შენობაში სხვა ცხოველის შეყვანა არ შეიძლება, გარდა საცდელი ცხოველებისა;

ი) არსებობდეს ფეხსახსრიანებისა და მღრღნელებისგან დაცვის პროგრამა;

კ) თუ ოთახს აქვს ფანჯრები, ფანჯრები უნდა იყოს საიმედოდ დამაგრებული და მტვრევისგან დაცული. თუ ფანჯარა იღება, მას უნდა ჰქონდეს ფეხსახსრიანებისგან დამცავი ბადე;

ლ) გამოყენების შემდეგ სამუშაო ზედაპირს ჩაუტარდეს დეკონტამინაცია ეფექტიანი სადეზინფექციო საშუალებების გამოყენებით;

მ) იმ სამუშაოებისთვის, რომლებიც დაკავშირებულია აეროზოლის წარმოქმნასთან, გამოყენებულ იქნეს დამოუკიდებელი ჰაერის მიწოდების სისტემით და HEPA ფილტრით აღჭურვილი ბიოუსაფრთხოების კაბინები  (I ან II კლასის);

ნ) ცხოველთა ლაბორატორიაში ან მის სიახლოვეს იყოს ავტოკლავი;

ო) ცხოველთა დასაფენი მასალების აღება ისე უნდა ხდებოდეს, რომ მინიმუმამდე იყოს დაყვანილი აეროზოლის ან მტვრის გაფანტვა;

პ) განადგურებამდე მოხდეს ყველა ნარჩენისა და დასაფენი მასალის დეკონტამინაცია;

ჟ) შეძლებისდაგვარად, თავიდან იქნეს აცილებული ბასრი საგნების გამოყენება. ბასრი საგნები ყოველთვის მოთავსდეს ჩხვლეტისადმი გამძლე მჭიდროთავსახურიან მყარ კონტეინერში. მას  მოეპყრონ ისე, როგორც ინფექციურ მასალას;

რ) ავტოკლავირებისთვის ან ინსინერაციისთვის განკუთვნილი მასალა გადატანილ იქნეს, უსაფრთხოების ზომების დაცვით, თავდახურული კონტეინერით;

ს) გამოყენების შემდეგ განხორციელდეს ცხოველთა გალიების დეკონტამინაცია;

ტ) ცხოველის ლეში განადგურდეს ინსინერატორში;

უ) პერსონალმა დამცავი ტანსაცმელი და აღჭურვილობა  ატაროს მხოლოდ შენობაში;

ფ) მოეწყოს ხელსაბანი პუნქტები. ცხოველთა განთავსების ადგილის დატოვებამდე პერსონალმა დაიბანოს ხელები;

ქ) უმნიშვნელო დაზიანების შემთხვევაშიც კი, ჩატარდეს სათანადო მკურნალობა, გაკეთდეს მოხსენება და შემთხვევა დარეგისტრირდეს;

ღ) ლაბორატორიაში აკრძალულია საკვების და სასმლის შეტანა, მიღება, მოწევა ან კოსმეტიკის გამოყენება;

ყ) ყველა თანამშრომელს ჩაუტარდეს სათანადო სწავლებ