მუხლი 72. ბიორისკთან დაკავშირებული სწავლებები პერსონალისთვის

1. დაწესებულებამ უნდა უზრუნველყოს პერსონალის ბიორისკთან დაკავშირებული სწავლების მოთხოვნებისა და პროცედურების განსაზღვრა, ჩამოყალიბება და დანერგვა. ბიორისკთან დაკავშირებული სწავლების პროგრამა უნდა ითვალისწინებდეს:

ა) სასწავლო მასალის და სოპ-ების შემუშავებას;

ბ) სწავლების საჭიროებების განსაზღვრას;

გ) ბიორისკის საკითხებში საჭირო სწავლების უზრუნველყოფას;

დ) სწავლების ეფექტიანობის განსაზღვრას;

ე) კვალიფიკაციის ასამაღლებელი ბიორისკის სწავლების უზრუნველყოფას;

ვ) სამუშაოს შესრულებაში შეზღუდვების დაწესებას იმ პერსონალისათვის, რომელიც არ არის ჯეროვნად მომზადებული;

ზ) შესაბამისი ჩანაწერების წარმოებას.

2. საველე ბიოუსაფრთხოებისა და ბიოდაცვის საბაზისო და ყოველწლიური სწავლება უნდა ჩაუტარდეს საველე პირობებში მომუშავე პირებს.

ლაბორატორიის ექსპლუატაციაში გაშვება, ფუნქციონირების შეჩერება და ჩანაწერების კონტრო