მუხლი 8. 1. სამსახურის უფროსს ჰყავს მოადგილე, რომელსაც კანონმდებლობით დადგენილი წესით თანამდებობაზე ნიშნავს და ათავისუფლებს მინისტრი

2. სამსახურის უფროსის მოადგილე ანგარიშვალდებულია კურატორი მინისტრის მოადგილისა  და სამსახურის უფროსის წინაშე.

3. სამსახურის უფროსის მოადგილე თავისი კომპეტენციის ფარგლებში:

ა) ახორციელებს საქართველოს განათლებისა და მეცნიერების სამინისტროს მიერ დამტკიცებული სასწავლო გეგმების, პროგრამების, მეთოდური მასალებისა და სხვა ნორმატიული დოკუმენტების სასწავლო დაწესებულებებაში დაყვანას;

ბ) ზედამხედველობს საგანმანათლებლო დაწესებულებებში ეროვნული და საგანმანათლებლო პროგრამების განხორციელებასა და შესრულებას;

გ) ზედამხედველობს განათლების და საგანმანათლებლო პროგრამების სამსახურის ქვეპროგრამების შემუშავებას, განხორციელებასა და კოორდინირებას;

დ) ამზადებს ქვეპროგრამების ერთიან ანგარიშებს;

ე) ხელს უწყობს სახელოვნებო სწავლების დანერგვას;

ვ) საჭიროებისამებრ ახორცილებს სასწავლო დაწესებულებების მონახულება-დათვალიერებას;

ზ) ამზადებს  შემოსულ განცხადებებსა და წერილებზე პასუხებს;

თ) ხელს უწყობს სამსახურის უფროსს, მასზე დაკისრებულ უფლება-მოვალეობათა განხორციელების დაგეგმვა-კოორდინაციასა და ორგანიზებაში;

ი) კომპეტენციის ფარგლებში ანაწილებს ფუნქციებს სამსახურის მოსამსახურეებს შორის, აძლევს მათ მითითებებსა და დავალებებს;

კ) ზედამხედველობს სამსახურის მოსამსახურეთა მიერ სამსახურებრივი მოვალეობების შესრულებას,  ახორციელებს მათ მიერ სამინისტროს შინაგანაწესის შესრულების კონტროლს;

ლ) ასრულებს კურატორი მინისტრის მოადგილისა და სამსახურის უფროსის ცალკეულ მითითებებსა და დავალებებ