მუხლი 10. გადაზიდვების უსაფრთხოება

1. ყველა სახის ტრანსპორტისათვის საერთო სავალდებულოსთან ერთად, კომუნალური მიწისზედა ტრანსპორტზე მოძრავი შემადგენლობის ექსპლუატაციის და მგზავრთა უსაფრთხო გადაზიდვების უზრუნველსაყოფად, მოქმედებს განსაკუთრებული მოთხოვნები:
ა) ყოველ ოპერატორს უნდა გააჩნდეს სამგზავრო ტრანსპორტზე მუშაობის გამოცდილება და შესწავლილი ჰქონდეს მგზავრთა მომსახურების წესები;
ბ) კონკრეტულ მარშრუტზე სამუშაოდ დაშვების წინ ყოველ ოპერატორს უნდა ჩაუტარდეს ინსტრუქტაჟი, სტაჟირება და ატესტაცია;
გ) უზრუნველყოფილ უნდა იქნეს ოპერატორთა წინასარეისო სამედიცინო შემოწმება დადგენილი წესით;
დ) მარშრუტებზე უსაფრთხო მოძრაობის ორგანიზებასა და ტექნიკურად გამართული მოძრავი შემადგენლობის გაშვებაზე პასუხისმგებელია გადამზიდავი;
ე) ავტობუსების, ტრამვაის ვაგონების, ტროლეიბუსების, სალიანდაგო და საკონტაქტო ქსელების, ენერგომომარაგების ობიექტების, მოძრაობის მართვის ტექნიკური საშუალებების და სხვათა ექსპლუატაცია უნდა განხორციელდეს სათანადო ტექნიკური ნორმების და წესების მოთხოვნათა შესაბამისად;
ვ) რეგულარული მარშრუტის დაწესება დასაშვებია შესაბამის გეზნიშანზე მოძრაობის უსაფრთხოების და სხვა აუცილებელი მოთხოვნების უზრუნველმყოფელი პირობების არსებობის შემთხვევაში.
2. კომუნალური მიწისზედა ტრანსპორტის უსაფრთხოებაზე სისტემური ზედამხედველობა ევალებათ:
ა) გადამზიდავს;
ბ) დამკვეთს;
გ) ადგილობრივი მმართველობის ორგანოების ტრანსპორტის მუშაობის მარეგულირებელ სამსახურებს;
დ) რეგულირებადი ავტოსატრანსპორტო საქმიანობის დარგობრივი სახელმწიფო კონტროლის სამსახურს;
ე) მოძრაობის რეგულირების და უსაფრთხოების ზედამხედველობის შესაბამის ადგილობრივ ორგანოებს