1. კომუნალური მიწისზედა ტრანსპორტზე დასაქმებულ გადამზიდავს აქვს უფლება:
ა) მუნიციპალურ კონკრეტულ მარშრუტებზე მუშაობის;
ბ) მუნიციპალურ მარშრუტებზე წარმოებული გადაზიდვების და მისი უზრუნველმყოფი სხვა საქმიანობის ღირებულების ანაზღაურების გარანტირებული და დროული მიღების, როდესაც ამას ითვალისწინებს ხელშეკრულება;
გ) მოძრაობის ეფექტიანი ორგანიზებისათვის, დამკვეთისაგან საჭირო ინფორმაციის მოთხოვნის და დროული მიღების;
დ) მისგან დამოუკიდებელი მიზეზით ისეთ წინააღმდეგობათა წარმოშობის შემთხვევაში, რომელნიც საფრთხეს უქმნიან მოძრაობას (ავარია, არასათანადო საგზაო-კლიმატური პირობები, სტიქიური მგზავრთნაკადები და სხვა), შეწყვიტოს ან ოპერატიულად შეცვალოს მარშრუტზე ავტოსატრანსპორტო საშუალებათა მოძრაობის რეჟიმი;
ე) მოითხოვოს და მიიღოს მგზავრისგან მგზავრობის ღირებულების და სხვა გადასახდელები;
ზ) გაწეული მომსახურებისათვის ხელშეკრულებით გათვალისწინებული ოდენობის შესაბამისი სახსრების (თანხის) აუნაზღაურებლობის შემთხვევაში შეწყვიტოს მუშაობა ან ფინანსირების ფაქტობრივი ოდენობის შესაბამისად შეამციროს მარშრუტზე მოძრაობის ინტენსივობა