მუხლი 11. მომსახურების სერტიფიკაცია

1. მომსახურების სერტიფიკაციის არსი:
ა) კომუნალური მიწისზედა ტრანსპორტისათვის დაწესებულია მომსახურების სავალდებულო სერტიფიცირება, რაც ნიშნავს სასერტიფიკაციო ორგანოს მიერ უცილობელ აღიარებას, რომ მეწარმე-სუბიექტებს შესწევთ უნარი განახორციელონ საქმიანობა მომსახურების ხარისხის, მოძრაობის და ეკოლოგიური უსაფრთხოების ნორმების მოთხოვნათა შესაბამისად;
ბ) ადგილობრივ ტრანსპორტზე მომსახურების სავალდებულო სერტიფიკაციის შემოღება განაპირობებს ადგილობრივი სამგზავრო გადაზიდვებისათვის განკუთვნილი მოძრავი შემადგენლობის სათანადო ოდენობის ფორმირებას, საქმიანობის ოპტიმიზაციას, მუნიციპალური თუ სხვა სახსრების რაციონალურ ხარჯვას;
გ) სერტიფიკაციის სისტემის ფორმირების პრინციპები ეფუძნება შესაბამის საკანონმდებლო ბაზას.
2. სერტიფიკაციის ჩატარების უფლება:
ა) კომუნალურ მიწისზედა ტრანსპორტზე მომსახურების სავალდებულო სერტიფიცირების წესს ამტკიცებს სერტიფიკაციის ეროვნული ორგანო ,,საქსტანდარტი“;
ბ) საავტომობილო ტრანსპორტში სერტიფიკაციის სისტემის ცენტრალური ორგანოა საქართველოს ტრანსპორტისა და კომუნიკაციების სამინისტროს სახმელეთო ტრანსპორტის ადმინისტრაცია;
გ) შესაბამისობის სერტიფიკატებს გასცემენ, დადგენილი წესით, აკრედიტებული სერტიფიკაციის ორგანოები