1. ადგილობრივი თვითმმართველობის (მმართველობის) ორგანოებს უფლება აქვთ:
ა) დაადგინონ ტრანსპორტის მუშაობის და მუნიციპალურ მარშრუტებზე მგზავრთა გადაზიდვების ორგანიზების წესები;
ბ) გასცენ მუნიციპალური დაკვეთები;
გ) დაადგინონ გადაზიდვების ფინანსირების წესები და ტარიფები;
დ) აკონტროლონ კომუნალური მიწისზედა ტრანსპორტის მხარდაჭერისა და განვითარებისათვის განკუთვნილი საბიუჯეტო თუ არასაბიუჯეტო სახსრების დროული მიწოდება;
ე) მოითხოვონ გადამზიდავისგან მუნიციპალური მარშრუტის მომსახურების პირობების განუხრელი დაცვა;
ვ) წარმოადგინონ გადამზიდავთან და სხვა იურიდიულ პირებთან მგზავრის ინტერესები;
ზ) პროცესში მონაწილე სუბიექტების მიმართ, კანონმდებლობის შესაბამისად, განახორციელონ ადმინისტრირება კომუნალურ მიწისზედა ტრანსპორტზე დაშვებული დარღვევებისა თუ მიყენებული ზარალისათვის;
თ) გადამზიდავის მიერ, ჩვეულებრივ პირობებში, ვალდებულებების შეუსრულებლობის შემთხვევაში, გააუქმონ დაკვეთა, გადასცენ მომსახურების უფლება სხვა გადამზიდავს, შეუკვეცონ შესაბამისი ფინანსირება ან განახორციელონ დამნაშავეთა ადმინისტრირება კანონით დადგენილი წესით