1. საავიაციო კლიმატოლოგიური ინფორმაცია, რომელიც საჭიროა ფრენების დაგეგმვისათვის, მზადდება აეროდრომის კლიმატოლოგიური ცხრილებისა და ცნობების სახით. საავიაციო მომხმარებლები ასეთ ინფორმაციას იღებენ აეროდრომის სრულუფლებიან მეტეოროლოგიურ ორგანოსა და მათ შორის შეთანხმების საფუძველზე.
2. საავიაციო კლიმატოლოგიური ინფორმაცია, როგორც წესი, უნდა ემყარებოდეს აეროდრომზე ამინდის ფაქტიურ მდგომარეობაზე დაკვირვებებს არანაკლები 5 წლის განმავლობაში. ამ ინფორმაციაში მითითებული უნდა იყოს დაკვირვების პერიოდი.
3. სრულუფლებიანი მეტეოროლოგიური ორგანოები ერთმანეთს შორის ცვლიან საავიაციო კლიმატოლოგიურ ინფორმაციებს მოთხოვნის მიხედვით. ექსპლუატანტებმა და სხვა საავიაციო მომხმარებლებმა, რომლებსაც სურთ ასეთი ინფორმაციის მიღება, უნდა მიმართონ სრულუფლებიან მეტეოროლოგიურ ორგანოს, რომელიც პასუხისმგებელია ინფორმაციის მომზადებისათვის.
4. ძირითადი და სათადარიგო აეროდრომების მეტეოროლოგიური დაკვირვებების მონაცემები უნდა შეიკრიბოს, დამუშავდეს და ინახებოდეს იმ ფორმით, რომელიც აუცილებელია აეროდრომის კლიმატოლოგიური ინფორმაციის მოსამზადებლად.
5. ახალი აეროდრომისათვის და/ან უკვე არსებული აეროდრომის დამატებითი ადზ-თვის კლიმატოლოგიური მონაცემები უნდა შეიკრიბოს რაც შეიძლება ადრე, ახალი აეროდრომის და/ან ადზ-ის ამოქმედებამდე