1. საჰაერო ხომალდის ექსპლუატანტი, რომელსაც ესაჭიროება მეტეოროლოგიური მომსახურება ან მისი ხასიათის შეცვლა, ამის შესახებ წინასწარ ატყობინებს აეროდრომის სრულუფლებიან მეტეოროლოგიურ ორგანოს ან შესაბამის მეტეოროლოგიურ ორგანოს. მინიმალური პერიოდი, რომელიც წინ უსწრებს ასეთ შეტყობინებას, დგინდება მეტეოროლოგიური ორგანოსა და ექსპლუატანტს შორის შეთანხმების საფუძველზე.
2. აეროდრომის სრულუფლებიანი მეტეოროლოგიური ორგანო ექსპლუატანტისაგან, რომელსაც ესაჭიროება მომსახურება, შეტყობინებებს იღებს ისეთ შემთხვევაში, როდესაც:
ა) იგეგმება ახალი მარშრუტების გახსნა ან ახალი სახეობის ფრენების შესრულება;
ბ) რეგულარული რეისების შესრულების გრაფიკში დიდი ხნით შეიტანება ცვლილებები; და
გ) იგეგმება სხვა ცვლილებები, რომლებიც ზეგავლენას ახდენენ მეტეოროლოგიური მომსახურების წარდგენაზე.
ასეთი ინფორმაცია შეიცავს ცნობებს, რომლებიც აუცილებელია აეროდრომის სრულუფლებიანი მეტეოროლოგიური ორგანოს მიერ შესაბამისი ცვლილებების დაგეგმვისათვის.
3. აეროდრომის სრულუფლებიანი მეტეოროლოგიური ორგანო შეტყობინებას იღებს ექსპლუატანტისაგან ან ფრენის ეკიპაჟის წევრისაგან:
ა) ფრენის განრიგის შესახებ;
ბ) იმ შემთხვევებში, როდესაც იგეგმება არარეგულარული ფრენების შესრულება; და
გ) იმ შემთხვევებში, როდესაც რეისები იგვიანებენ, სრულდებიან დათქმულ დროზე ადრე ან უქმდებიან.
თავი III
მეტეოროლოგიური ორგანოები და მათი დანიშნულებ