2. 119, 126, 137, 141, 179, 182, 350, 351, 352, 360, 361, 362, 363 და 365 პირობითი ნიშნის მქონე ფეთქებადი ნივთიერება გადაიზიდება მხოლოდ სპეციალიზებულ მატარებელში, რომლის გატარების წესს ადგენს რკინიგზა.
3. ფეთქებადნივთიერებიანი ვაგონი მახარისხებელ და საუბნო სადგურს შორის შეიძლება მოძრაობდეს ყველა სატვირთო მატარებელთან ერთად, ფორმირების გეგმის შესაბამისად. ამგვარი ვაგონის მოძრაობა შუალედური სადგურიდან უახლოეს საუბნო ან მახარისხებელ სადგურამდე ან საპირისპირო მიმართულებით ნებადართულია ნაკრები, გამომზიდი ან სადისპეტჩერო ლოკომოტივით, ხოლო საკვანძო და წინასაკვანძო სადგურებს შორის – გადამცემი და გამომზიდი მატარებლით.
4. ამკრეფ მატარებელს, რომლის შემადგენლობაში ჩართულია ფეთქებადნივთიერებიანი ვაგონი, ემსახურება მატარებლის თანმხლები შემდგენელი ან საკონდუქტორო ბრიგადა, რომელიც მუშაობს სადისპეტჩერო ლოკომოტივთან ან იმყოფება შუალედური სადგურის შტატში