მუხლი 111. ტვირთმიმღები ვალდებულია:

ა) ჰქონდეს მუდმივი კავშირი სადგურის შესაბამის უფლებამოსილ პირთან (საქართველოს თავდაცვის ან შინაგან საქმეთა სამინისტროს კუთვნილი ტვირთის გადაზიდვისას – მათ უფლებამისილ წარმომადგენელთან) და იცოდეს მისი მისამართით გამოგზავნილი ფეთქებადი ნივთიერების რაოდენობა, წინასწარ მოამზადოს მისი ჩამოტვირთვის ადგილი და საშუალება, აგრეთვე გამოყოს მიღებაზე პასუხისმგებელი პირი;
ბ) ვაგონის გადმოსატვირთად მიწოდების მომენტისთვის ადგილზე მიავლინოს მუშა-მტვირთავები და გადმოტვირთვის ხელმძღვანელი, რომელიც უზრუნველყოფს ფეთქებადი ნივთიერების დროულ გადმოტვირთვასა და დაცვას;
გ) გაიტანოს სადგურიდან ფეთქებადი ნივთიერება ვაგონის გადმოსატვირთად მიწოდების მომენტიდან 12 საათის განმავლობაში;
დ) თუ ფეთქებადი ნივთიერება ნაწილობრივ გადმოიტვირთა, საიმედოდ დაამაგროს დარჩენილი ტვირთი ფარებითა და განმბჯენი ძელაკებით ერთდროულად იარუსებსა და დატვირთვის მთელ სიმაღლეზე, ტვირთის ჩატვირთვისა და დამაგრების ტექნიკური პირობის შესაბამისად